Исай 26:1 - Библи

¹ Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 26:1 Referencias Cruzadas

Эзраа 3:11

«Магтагты!», «Эзэн Бурханаа алдаршуулагты!», «Энэрхы хадаа Тэрэ Израилиие хододоо үмэгшэлхэ!» гэхэшэлэн олон магтаал дуунуудые дуулабад. Эзэнэй һүмын һууриин табигдаһантай дашарамдуулан бүхы зон Эзэндээ соло магтан хашхаралдаба.

Псалманууд 48:12

Тэдэ досоогоо «гэрнүүднай мүнхэ, оршохо газарнай үеһөө үедэ манай байха» гэжэ бододог. Газар уһаяа тэдэ өөһэдын нэрээр нэрлээл.

Псалманууд 48:4

Минии аман сэсэн мэргэн үгэ хэлэхэ, минии ухаанай бисалгал ойлгоходо туһалха.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 14:31

Уйлыт, бартаанууд! Уляарай, хото! Пилишт ороной бүхы хотонуудай улад зон, айгты! Хойто зүгһөө унинха тооһон харагдана – энэ хадаа дайсанай сэрэг жэгдэ жагсаалаар ерэжэ байна гээшэл.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 31:5

Дальбараануудаа хамгаалан, уурхай дээрээ элин-халин байдаг шубуундал, Би, Түмэн Сэрэгтэ Эзэн, Иерусалимые бүглэхэб, аршалхаб, хайрлахаб, абархаб.

Исай 31:9

Ехэ айн-һүрдэн, тэдэнэй хэрэм бутаран унаха, ударидагшадынь зугадаха, байлдаанай тугһаа айха. Энэ болбол Иерусалимда тахилгатай, Сион дээрэ үргэлэй галтай Эзэн тунхаглаа мүн!

Исай 33:5

Эзэн үндэртэ залардаг, дээрэ Тэрэ оршодог. Тэрэ Сион дээр шударга ёһо, үнэн зүбые баталан байгуулаа.

Исай 33:6

Тэрэ танай ажабайдалда найдамтай аршалалта болохо. Үршөөдэг эрдэни зэндэмэнинь – мэргэн ухаан, эрдэм мэдэсэ, Өөрһөөнь түбэгшөөлгэ.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Исай 5:1

Нүхэр тухайгаа, үзэмэй жэмэсэй сэсэрлиг тухайнь дуу дуулахамни. Минии Нүхэр үрэжэлтэй гүбээ дээрэ үзэмэй модоной сэсэрлигтэй бэлэйл.

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 62:11

Эзэн бүхы дэлхэйдэ иигэжэ соносхоно: «Сионой хотодо Минии тэдэниие абархаяа ерэжэ байһан тушаа дуулгаарайгты. Тэдээндэ шагнал хүртөөхэ тухайм хэлээрэйгты».

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Эзэкээл 40:5

Минии хараһан юумэн гэхэдэ, Эзэнэй нангин үргөөе тойроод хананууд. Намайе хүтэлэгшын гарта зургаан тохойн (тохой альгантайгаа хамта) утатай хэмжэлгын модон байба. Тиигээд тэрэ хэмжэлгын модоор ханын үндэрые хэмжэхэдэнь, нэгэ хэмжэлгын модоной утатай гээд элирбэ. Ханын зузааниие хэмжэхэдэнь, мүн лэ нэгэ хэмжэлгын модоной утатай байба.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Захарияа 2:9

Түмэн Сэрэгтэ Эзэн айладана: «Мутараа тэдээндэ далайхадам, богоолнуудайнгаа олзо болохол даа». Тиихэдэнь намайе Түмэн Сэрэгтэ Эзэн эльгээгээ гэжэ таанад мэдэхэт.

Тоололго 21:17

Тиихэдэ израильшууд тэрэ худагые магтан, иигэжэ дуулаа һэн: Дүүрыш уһаар, худаг! Дуулагты энээндэ алдар соло!

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.