Исай 24:1 - Библи

¹ Анхарыт! Эзэн газарые һандарган, тэрэниие хооһоруулха гэжэ байна. Тэрэ шарайень тад ондоо болгожо, дээрэнь ажаһуугшадые хаа-хаанагүй тараахань.

Исай 24:1 Referencias Cruzadas

4 Хаан түрэнүүд 21:13

Самариие, Ахаабай гэрые хэһээһэндэл тон адляар Би Иерусалимые хэһээхэб. Би амһарта угаажа аршаад, амһарынь доошонь харуулжа табигшадал, Иерусалимые урбалдуулхаб.

Нэхэмьяа 1:8

Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб.

Псалманууд 146:9

Гэрэй амитадта, хирээгэй хаахирагша дальбараануудта хоол хүнэһынь үгэдэг.

Исай 13:13

Огторгойе шэшэрүүлхэб. Минии, Түмэн Сэрэгтэ Эзэнэй, уур хилэнгээ харуулхада, газар дэлхэй байраһаа хүдэлэн шэшэрхэ.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 2:19

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хадын агынууд руу, газарай габа руу хорохо.

Исай 24:19

Газар бутаран эбдэрбэ, доһолбо, ехээр гантан хахарба.

Исай 24:20

Газар дэлхэй архинша мэтэ гуйбалзан найгана, үхибүүнэй үлгыдэл һэнжэлзэнэ. Нүгэл хилэн дээрэнь улам хүндэ боложо байна, тиимэһээ газар унажа, дахин хэзээдэшье бодохогүй!

Исай 27:10

Бүхэлэгдэһэн хото һандаран хооһоржо, гэр байранууд орхигдохо, элһэн сүл губидал тэрэ хаясаанай болохо. Тэндэ тугал бэлшэжэ, хэбтэжэ, набшаһа намаа зулгааха.

Исай 29:16

Тэдэ бүхы юумэ урбалдуулан байна. Шабараар юумэ бүтээдэг дархан ба шабар – хэниинь дээрэ гээшэб? Танай хэһэн бүтээл танһаа арсажа байдаг юм аал?!

Исай 29:2

Харин Бурхан «Бурханай үргэлэй шэрээ» гэдэг хотодо гай тодхор татаха ёһоороол татаха. Тэндэ уй гашуудал, шаналал болохо, шуһаар дүүрэнхэй үргэлэй шэрээдэл адли энэ хото болохо.

Исай 30:32

Хэнгэрэг, ятагай абяан доро Эзэн тэдэниие баягаар дахин-дахин сохихо, хооһоруулма дайн дажараар урдаһаань тулаха!

Исай 32:12

Һандаргагдаһан үрэжэлтэ талмай, үзэмэй модоной сэсэрлигүүд тушаа гашуудан, өөһэдынгөө сээжэ сохин байгыт.

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Исай 34:10

Энэ үдэршье, һүнишье унтархагүй, утааниинь хэтэ мүнхэдөө дээшээ һуунагтан байха. Энэ орон нютаг үеһөө үедэ эзэгүйрэн, хэншье хэзээдэшье тэрээгүүр ябахагүй.

Исай 34:2

Эзэн бүхы үндэһэ яһатанда, тэдэнэй бүхы сэрэгтэ уурлаад байна. Тэдэниие хосорхо гээд Тэрэ шиидхээ.

Исай 42:15

Уула гүбээнүүдые үгы хэн, бүхы үбһэ ногоо хатаахаб. Голой нюрууе элһэн сүл губи болгожо, сөөрэмүүдые шэргээхэб.

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 40:15

Тиихэдэнь Карээһаагай хүбүүн Ёханаан Мицпаада байхадаа тэрээндэ гансал өөртэнь иигэжэ хэлэбэ: – Минии ошожо, Нэтаанияагай хүбүүн Ишмаһээлые алахыемни зүбшөөгыт. Хэн алааб гэжэ хэншье мэдэхэгүй. Юундэ таниие алахыень тэрээндэ зүбшөөхэ юмбибди? Танай хажуугаар сугларагша бүхы еврейнүүд таран сасагдахал. Иудын хан түрын үсөөн үлэгшэ зондо энэ ехэ муу байхал.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 51:34

Вавилооной хаан Навуходоносор Иерусалимые залгижа, эдижэ байгаа. Тэрэ хотые хооһон һаба мэтэ болгоо. Мангадхай мэтэ тэрэниие залгяа. Хэрэгтэй юумэеэ абаад, хэрэггүй юумые хаяба.

Ерэмияа 9:16

Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Эзэкээл 12:20

Олон зонтой хото һууринуудынь һандаргагдаха, орон нютагынь хооһорхо. Тиихэдэ тэдэ Намайе Эзэн гээд мэдэрхэ.

Эзэкээл 24:11

Тиигээд хооһорһон тогоогоо аһажа байһан нүүрһэн дээрэ табигты, тиихэдэ тэрэ халаха. Иигэжэ жэбэнь үгы боложо, тогоон сэбэр арюун болохо.

Эзэкээл 35:14

Таанадые һалгаажа байхадам, дэлхэйн бүхы зон баярлаха.

Эзэкээл 5:14

Хажуугаартнай гараһан бусад арадууд таанадые шоо үзэхэ, холуур тойрон гарахые оролдохо.

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Эзэкээл 6:14

Иигэжэ Би тэдээн руу хүрэжэ, орон нютагыень һандаргахаб. Урда зүгэй сүл губиһаа хойто зүгтэхи Риблаа хото хүрэтэр газарые хооһон ханха зайдан болгохоб, Израилиин улад зоной ажаһуугша ямаршье газарые иимэ болгохоб. Иигэжэ хүн бүхэн Намайе Эзэн гээд ойлгон мэдэрхэ.

Эзэкээл 6:6

Израилиин бүхы хотонууд һандаргагдажа, үргэлэйнь шэрээнүүд, онгонуудынь бутаран һалаха, хэһэн зүйлнүүдынь үгы хэгдэхэ.

Эзэкээл 7:12

Тэрэ саг ерэхэнь! Худалдажа абааша, худалдаашашье дэмы оролдолго гаргана, юуб гэхэдэ, Бурханай уур хилэн хүн бүхэн дээрэ бууха.

Эзэкээл 7:14

Бүреэгэй абяан дуулдаха, хүн бүхэн бэеэ зэһэхэ. Харин хэншье дайн дажарта мордохогүй, юуб гэхэдэ, Бурханай уур хилэн хүн бүхэниие дайраха.

Наум 1:5

Хаданууд урдань шэшэрдэг, гүбээнүүд үгы болошодог. Газар дэлхэй Тэрэнэй урда доһолдог, оршолон юртэмсэ ба досоонь оршон ажаһуугшад бултадаа шэшэрэлдэдэг.

Наум 2:10

Теэд Нинэвээ дууһан дээрмэшэлэгдээ, хооһороо, сүйдхэгдээ. Айн һүрдэһэндөө зонойнь зүрхэн хайлажа, үбдэгүүд шэшэржэ, хүсэ шадалынь бууража, нюур шарайнь сухиигаа.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Хэрэгүүд 17:6

Тэдэ хоёрые оложо ядахадаа, тэдэнэр Ясоониие, баһа хэдэн һүзэглэгшэдые хотын захирагшадта шэрэжэ абаашаад: – Эдэ түби дэлхэйе үймүүлһэн зон, мүнөө манай хотодо ерээд байна, – гэжэ хашхаралдаба.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.