Исай 22:5 - Библи

⁵ Энэ болбол Үзэгдэлэй Нюрууда эхи эмхигүй үймөөнэй, хүл хөөрсэгэнөөн, һамараанай болохо үе сагые Түмэн Сэрэгтэ Эзэн тодорхойлон, маанад руу эльгээ! Хотын хэрэм хананууд эбдэгдэжэ, «абарыт!» гэһэн хашхараан хада уулаар сууряатана.

Исай 22:5 Referencias Cruzadas

4 Хаан түрэнүүд 19:3

Хэзэкияа Исайда иимэ мэдээсэл дуулгахыень тэдээндэ даалгаа бэлэй: «Энэ үдэр болбол гай гасалангай, хэһээлтын, нэрэ хүндөө бууралгын үдэр. Нарайлхаяа байһан аад, түрэхэ арга шадалгүй эхэнэртэл адли байнабди.

4 Хаан түрэнүүд 25:10

Набузарадаанай сэрэгшэд Иерусалимые тойроһон хотын хэрэм ханые буталан һандаргаба.

Эстээр 3:15

Хаанай зарлигай ёһоор элшэнэр шамдан ябажа, зарлиг тарааба. Зарлиг мүн лэ ниислэл хото Сүүзэдэ тунхаглагдаба. Эзэн хаан Һамаан хоёрой амар тайбан үзэмэй дараһан архи уужа һуухада, ниислэл хотын арад түмэн хүл хөөрсэгэнөөн боложо, ехэ һүрдэбэ.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 22:1

Үзэгдэлэй Нюруу тушаа зүн. Энэ хадаа юун болоод, хотын бүхы зон гэрэй хушалтанууд дээрэ гараа гээшэб?

Исай 25:10

Эзэн энэ Сион уулые аршалха, гэбэшье һолоомын шабааһа шэбхэ руу гэшхэгдэдэг мэтэ Моһаабай улад зон байһан газартаа гэшхэгдэн һалаха.

Исай 37:3

Хэзэкияа Исайда иимэ мэдээсэл дуулгахыень тэдээндэ даалгаа бэлэй: «Энэ үдэр болбол гай гасалангай, хэһээлтын, нэрэ хүндөө бууралгын үдэр. Нарайлхаяа байһан аад, түрэхэ арга шадалгүй эхэнэртэл адли байнабди.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 63:3

Эзэн иигэжэ харюусана: «Би шахуурга соо гансаараа хүдэлөөб, арадуудһаа хэншье Намда туһалаагүй. Би уур сухал дундаа тэдэниие гэшхэхэдээ, шуһаарнь бүхы хубсаһаа муухайдааб.

Исай 63:6

Уур сухал дундаа Би үндэһэ яһатадые дэбһэжэ хюдааб. Тэдэнэй шуһа газар руу адхаа бэлэйб».

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Гашуудал 1:5

Дайсадынь диилээ, түрүүлээ, баясажа байна. Оло дахин нүгэл хэһэнэйнь түлөө Эзэн энэ хотодо гай гасалан ушаруулаа. Дайсад үхи хүүгэдыень туун абаашана.

Гашуудал 2:2

Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Гашуудал 2:8

Эзэн Сионой ханануудые һандаргааха гэжэ шиидээ, газартай адли болгоно, эсэхэ сусахаяа мэдэхэгүй һалгаана. Бүхэлэлтэ болон хананууд гашуудана, гай гасаланда нэрбэгдээ.

Эзэкээл 7:7

Газар дэлхэй дээрэ ажаһуугааша бүхы зон, һалаха сагтнай тохёолдоо! Хада ууланууд дээрэ тахил үргэн сэнгэхэ саг дүүрэжэ, хүл үймөөн болохо саг дүтэлбэ.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Михей 7:4

Тэдэнэй эгээл эрхимынь болон зүб шударгань адаалхай һөөг мэтэ хэндэшье хэрэггүй. Лүндэншэдөөр дамжуулан һэргылһэн тэрэ үдэр – Эзэнэй заларан, арад зониие хэһээхэ үдэр болохонь. Тиимэһээ мүнөө тэдэ зон хүл алдан үймэжэ байна.

Цэпаанияа 1:15

Энэ үдэр хадаа уур хилэнгэй үдэр, бэрхэшээл, зоболонгой үдэр, һандарал, эзэгүйрэлгын үдэр, хаб харанхы, бүрэнхын үдэр, үүлэтэ, бүрхэг харанхын үдэр болохол.

Матвей 24:16

Тиихэдэ Иудейдэ байһан хүнүүд хада гүбээ рүү тэрьедээрэйгты.

Лука 23:30

Тиимэ сагай ерэхэдэ: «Маанад дээрэ уныт» гэжэ хада уулануудта, «Маанадые хушыт» гэжэ гүбээнүүдтэ хүнүүд хандаха.