Исай 22:4 - Библи

⁴ Тиимэһээ намайе гансаарым орхигты, хосорһон өөрынгөө арад зон тушаа гашуудан уйлахаб, аргадажа-һамааруулжа бү байгты.

Исай 22:4 Referencias Cruzadas

Эстээр 4:1

Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Псалманууд 77:2

Амаа нээхэдээ һургаалта үгэнүүдые хэлэхэб, эртэ урдын нюусануудые дуугархаб.

Исай 15:3

Үйлсэнүүдээр зон гашуудалай таар хубсаһа үмдэнхэй ябана. Гэрэй хушалтанууд дээрэ болон хотын талмайнуудаар хүн бүхэн сурхирса уйлана, нулимса унагаана.

Исай 33:7

Харагты, зоригтойнуудтнай туһа эрин хашхаралдана. Эб найрамдал тухай хэлсээ баталхаяа һэдэһэн элшэнэртнай сурхирса уйлалдана.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 31:15

Эзэн айладхана: Угаа гашуудан уйлаха абяан Рамаада дуулдана. Рахээл хюдуулһан үхибүүдээ шаналан уйлана, һанааень заһахын аргагүйл.

Ерэмияа 4:19

Сэдьхэлни, сэдьхэлни! Би зобожо байнаб. Зүрхэмни! Зүрхэмни аргагүй сохилно. Би миин байжа шаданагүйб! Дайнда дуудаһан бүреэгэй абяа дууланаб.

Ерэмияа 6:26

Эзэн: – Минии арад зон! Гашуудалай хубсаһа үмдэжэ, үнэһэн соо хүльбэрэгты. Ори ганса үхибүүгээ гээһэн мэтэ угаа гашуунаар уйлагты, юуб гэхэдэ, таанадые усадхахаяа ерэжэ байгаашад гэнтэ добтолон орохо.

Ерэмияа 8:18

Минии уй гашуудал эдэгэшэгүй, зүрхэ сэдьхэлни үбдэнэ.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Ерэмияа 9:18

Улад зон иигэжэ хэлэбэ: «Хүдөөлгэнэй гашуудалтай дуу бидэндэ дуулахаяа тэдэ яаралтай ерэг, нюдэнһөөмнай нулимсын дуһалтар, нюдэнһөө нёлбоһоной урасхал мэтэ урдатар дуулаг лэ».

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Эзэкээл 21:11

Гартаа абахаяа һэлмэ хурсадхуулааб, мэлигэр болгуулааб. Зониие алахаар тэрэ бэлэн болоо.

Эзэкээл 27:31

Толгойгоо халзан болотор хюһаад, гашуудалай шэрүүн таар хубсаһа үмдөөд, тэдэ шам тушаа сэдьхэл шэшэрмэ гашуунаар уйлаха.

Михей 1:8

Энээнһээ боложо, би гашуудахаб, сурхирса уйлахаб, хүл нюсэгэн, шараа нюсэгэн ябахаб, айһандаа сүүбэн шоно мэтэ улижа, айран тэмээн хяруул мэтэ хашхаран байхаб.

Матвей 2:18

«Угаа гашуудан уйлаха абяан Рамаада дуулдана. Рахээл хюдуулһан үхибүүдээ шаналан уйлана, һанааень заһахын аргагүйл».

Матвей 26:75

Тиихэдэнь Пётр «Эрэ тахяагай дуугархаһаань урда ши Намһаа гурба дахин арсахалши даа», – гэжэ Иисүүсэй хэлэһые һанажархиба. Тиигээд тэндэһээ гараад, гунигтайгаар уйлаба.

Лука 1:2

Эхинһээнь байлсаһан, болоһон бүгэдые хараһан зоной маанадта хөөрэһые тэдэ нүхэд буулгажа бэшэнэ.

Лука 19:41

Иисүүс Иерусалимда ойртожо, хотын харагдахада, хүн зонииень хайрлаһандаа бархиржа: