Исай 22:23 - Библи

²³ Хадааһа шааһандал Би тэрэниие найдамтайгаар нэгэ газартань бүхэлэн байлгахаб, тиигээд тэрэ уг унгидаа хүндэтэй, алдар солотой оршохо.

Исай 22:23 Referencias Cruzadas

Эзраа 9:8

Гэбэшье Та, манай Бурхан, манаа орхёогүйт, Танай захиһан нангин газарта һуурижахымнай тула үсөөхэнөөршье һаа, зонииемнай амиды үлөөгөөт, нюдыемнай нээжэ ойлгуулаат, богоолшолго тэсэн гараха арга олгоот.

Эстээр 10:3

Мордохай иудей эрхэ ямбаараа, албан тушаалаараа улас түрэ соогоо гансал Ахашвероош хаанай удаа байһан хүн болоно. Тэрэ хадаа түрэл арад зонойнгоо, уг удамайнгаа түлөө хододоо оролдожо, тэдэндээ амгалан тайбан байдал олгуулхын тула тэмсэжэ, иудейнүүдэй үндэр хүндэдэ хүртэн, зүрхэ сэдьхэлынь татажа шадаа бэлэй.

Эстээр 4:14

Иимэ үе сагта шинии амаа хаагаад байгаа һаа, иудейнүүдые абарха арга ондоо газарһаа ерэхэ. Харин шинии гал гуламта үгы хэгдэхэ. Тиигээдшье иимэ сагта хэрэгтэй болохо гэжэ шинии хаанай ордондо орожо, хатан болоһон ушар байгаа юм аалам, хэн мэдэхэб.

Иоов 36:7

Гэмгүй хүндэ тэрэ хайраяа үршөөжэ, хаан мэтэ хүндэтэй болгодог.

Экклезиаст 12:11

Мэргэдэй үгэ зүүндэ ба хадаһан хадааһанда адли хаха шуу ородог, тэдэниие бэшэгшэдынь нэгэл Адуулагшаһаа гаранхай.

Исай 22:24

Бүхы түрэлхидынь – ехэ, багагүй, бүхы уг обогойнь, бултанайнь нэрэ түрэ тэрээнһээ дулдыдадаг байха.

Исай 22:25

Тэрэ сагай ерэхэдэ, найдамтай шангаар шааһан хадааһан хүдэлжэ-найгажа эхилхэ, тиигээд унаха, тиихэдэнь тэрээн дээрэ үлгөөтэй ашааншье унажа һалаха». Энэ болбол Түмэн Сэрэгтэ Эзэн айладхаа мүн.

Захарияа 10:4

Углуугай шулуун, майханай гадаһан, тулалдаанай номо, сэрэг зонхилогшод – бултадаа эдэ Иудын оронһоо ерэхэ юм.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.

1 Хаан түрэнүүд 2:8

Хумхаа тооһон сооһоо Тэрэ үгытэй хүниие дээшэнь гаргажа, гуйраншаниие ядуу байдалһаань мултаруулжа, амбан ноёдтой хамта һуулган, Хойморто һуури эзэлүүлнэ. Дэлхэйн түшэг тулгуур – Эзэнэй, тэрээн дээрэ юртэмсэ Тэрэ тогтоогоо.