Исай 22:13 - Библи

¹³ таанад орондонь зугаалан сэнгэжэ, баяр наада дэлгэжэ, үхэр үүсэлжэ, хони гаргажа, мяха эдижэ, үзэмэй дараһан архи уужа байнат. «Үглөөдэр үхэхэмнай магадгүй, тиимэһээ эдеэлэе, ууял!» гэжэ байнат.

Исай 22:13 Referencias Cruzadas

Исай 26:10

Нүгэлтэй зондо энэрэл хайраяа Танай үзүүлдэгшье хада, тэдэ зүб ябадалда һурахагүй. Зүб шударга зоной газарта тэдэ буруу юумэ үйлэдэн лэ байха, Танай һүр жабхалангые мэдэрхэгүй.

Исай 29:1

Ариээл, Ариээл! Давидай хотон хүреэнээрээ байгааша хото! Гай тодхор шамтай тохёолдохонь лэ! Баян дэлгэр хүндэтэй найр наадануудаа жэлһээ жэлдэ жэгдэ хэжэл байгты.

Исай 47:8

Баян байдалда һуранхай ши одоо амархан һуугаад, бил гээшэб, намһаа ондоо хэншье байхагүй гэжэ шэбшэжэ байгша ши, бэлбэһэн эхэнэр болохогүйб, хүүгэдээ алдахые үзэхэгүйб гэжэ сэдьхэгшэ ши, энээниие шагна!

Исай 5:11

Эртэ үглөөнһөө үдэшэ болотор үзэмэй дараһан архи уужа үнгэргэгшэдтэ гай ушарха!

Исай 5:12

Ятаг, хуур, хэнгэрэг, лимбэ! Найрлан, тэдэ архидана. Харин Эзэнэй үйлэ хэрэгүүд тухай һананагүй, хэжэ байгаашыень анхарнагүй.

Исай 5:22

Архиин туулмаг болошонхой, хатуу архи үзэмэй дараһан архитай худхан уугшад гай гасаланда орохо!

Исай 56:12

«Ерэгты. Үзэмэй дараһан архи абажа, һогтотороо ууя. Мүнөөдэрэйхидэ орходоо үглөөдэр үшөө ехэ үзэмэй дараһан архи олдохол!» гэжэ эдэ архинша удамаршадынь хэлэнэ.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Эзэкээл 16:49

Содом дүүшни басагадтаяа хамта дээрэлхүү зантай, элбэг дэлбэг эдеэ хоолтой, амгалан тайбан байдалтай байһан аад, ядуу байдалтай, үгытэйшүүлдэ туһалдаггүй һэн.

Һошээ 9:1

Израилиин арад зон, ондоо арадуудтал һайндэрнүүдые хэжэ, сэнгэжэ байхаяа болигты! Таанад өөрын Бурханһаа холодожо, Тэрээндэ шүтэхэеэ болёод байнат. Орооһо сохидог газарта та янхан эхэнэртэл, мүнгэ абаха дуратайт.

Коринфынхидтэ 1-дэхи 15:32

Хэрбээ би юрэ хүн шанараараа бодоод, «ан арьяатануудтай» Эфес хотодо тулалдабал, намда ямар аша туһа байгааб? Хэрбээ үхэһэн хүнүүдэй амидырдаггүй һаа, хүнүүдэй хэлээшээр «үглөөдэр үхэхэмнай магадгүй, тиимэһээ мүнөө эдеэлэе, ууял».

Яковай хандалга 5:5

Эндэ, газар дэлхэй дээрэ байхадаа, таанад гансал өөһэдынгөө гэдэһэ дүүргэхэ ба нааршаан сагаа үнгэргэхэ тухайл бододог байгаат. Харин мүнөө таанад гаргахаяа хүтэлэгдэһэн шахамал буруундал адли байнат.