Исай 22:12 - Библи

¹² Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Исай 22:12 Referencias Cruzadas

2 Угай бэшэг 35:25

Ерэмияа лүндэншэ Ёшияа хаан тушаа гашуудалай дуу зохёоһон гээшэ. Дууша эрэшүүл ба эхэнэрнүүд гашуудалай дуунууд соогоо Ёшияа тушаа мүнөө болотор хэлэдэг байгаа, тиигээд Израилиин арад түмэн тэдэниие дууладаг болоо. Иигэжэ тэдэ дуунууд Гашуудалай дуунай согсолбори соо бүридхэгдэһэн гээшэ.

Эзраа 9:3

Иимэ үгэ дуулахадаа, би дотор, гадар хубсаһаяа удара татажа хаяад, толгойнгоо үһэ, һахалаа ходоро зулгаагаад, аргагүй ехэ гашуудалда орон һуубаб.

Нэхэмьяа 9:9

Та манай эсэгэнэрэй Египедтэ зобожо байхые хараат. Хулһата далайн дэргэдэ тэдэнэй «абарыт!» гэжэ хашхаралдахые дуулаат.

Иоов 1:20

Тиихэдэнь Иоов бодожо, гадар хубсаһаяа таһар татажа, толгойнгоо үһэ хайшалуулаад, газарта үбдэглэн мүргэжэ, Эзэндэ хэлэбэ:

Экклезиаст 3:11

Бурханай хэһэн бүхы юумэн тэрэ сагтаа һайхан байдаг, Бурханай үйлдэһэниие эхинһээнь эсэс хүрэтэр хүнүүдэй ойлгохогүйшье һаань, Тэрэ хүнүүдэй зүрхэндэ эгүүридэ мүнхые байгуулаа.

Экклезиаст 3:4

уйлаха муудаха саг ба энеэхэ эльгэлхэ саг; гомдохо гуниглаха саг ба хатар наада дэлгээхэ саг;

Исай 15:2

Дибоон хотын зон гашуудан уйлаһаар мүргэлэй газарнууд өөдэ гарана. Моһаабай улад зон Нэбоо болон Мэдэбаа тушаа сурхирса уйлана. Гашуудалай тэмдэг – хүн бүхэнэйнь толгой, һахал хюһагданхай.

Исай 26:10

Нүгэлтэй зондо энэрэл хайраяа Танай үзүүлдэгшье хада, тэдэ зүб ябадалда һурахагүй. Зүб шударга зоной газарта тэдэ буруу юумэ үйлэдэн лэ байха, Танай һүр жабхалангые мэдэрхэгүй.

Исай 29:1

Ариээл, Ариээл! Давидай хотон хүреэнээрээ байгааша хото! Гай тодхор шамтай тохёолдохонь лэ! Баян дэлгэр хүндэтэй найр наадануудаа жэлһээ жэлдэ жэгдэ хэжэл байгты.

Исай 3:24

Хотын эрэшүүлые һэлмэ жада хороохо, баатарнууд дайнда алдалан унаха.

Исай 32:11

Таанад ехэ хүнгэн, сүлөөхэн ажаһуугаат, харин мүнөө айн шэшэрыта! Хубсаһаа тайлан нюсэгэлжэ, бэлхүүһээрээ таар орёогты.

Исай 37:1

Хэзэкияа хаан эдэ бүгэдые дууламсаараа, уйдхар гашуудалаа мэдүүлэн хубсаһаа урижа, таар үмдөөд, Эзэнэй Һүмэдэ ошобо.

Исай 37:2

Тиигээд ордоной захирагша Элиакиимые, бэшээшэ Шэбнаае ба ахамад санаартадые таар хубсаһа үмэдхүүлээд, Амооцой хүбүүн, лүндэншэ Исайда эльгээбэ.

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 16:8

Найрайшье гэртэ бү ошо, тэндэ һуужа, эдижэ-уужа бү бай.

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Эзэкээл 27:31

Толгойгоо халзан болотор хюһаад, гашуудалай шэрүүн таар хубсаһа үмдөөд, тэдэ шам тушаа сэдьхэл шэшэрмэ гашуунаар уйлаха.

Даниил 5:1

Нэгэтэ Бэлшаццаар хаан мянган түшэмэлнүүдээ урижа, ехэ найр хээд, үзэмэй дараһан архи уужа байба.

Һошээ 9:1

Израилиин арад зон, ондоо арадуудтал һайндэрнүүдые хэжэ, сэнгэжэ байхаяа болигты! Таанад өөрын Бурханһаа холодожо, Тэрээндэ шүтэхэеэ болёод байнат. Орооһо сохидог газарта та янхан эхэнэртэл, мүнгэ абаха дуратайт.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Ёһээл 1:8

Удархай самса нэмэрһэн эхэнэртэ адли эдир залуу үеынгөө нүхэрэй түлөө орилон уйлагты.

Ёһээл 2:12

Эзэн айладхажа байна. «Мүнөө нүгэлтэ таанадай уйлаха саг ерээ. Масаг барижа, уйлажа, гашуудажа, бүхы зүрхэ сэдьхэлээрээ Нам тээшэ эрьегты.

Ёһээл 2:17

Эзэнэй зарасанар, санаартад Һүмын үүдэнэй танхим болон үргэлэй шэрээгэй хоорондо уйлалдаг. Тэдэ бүгэдэ зальбаран хэлэг: – Эзэн манай, арад түмэнөө хайрлыт. Бусад угсаатанай доромжодо тэрэниие бү үгыт. Яахадаа бусад угсаатан «Эдэнэйш Бурхан хаана юун бэ? гэжэ хэлсэхэ болооб?» гэжэ хэлэг.

Амоос 8:10

Һайндэрнүүдыетнай – гашуудал, дуунуудыетнай хүдөөлүүлгын уйлаан болгохоб. Таар таһардаһанда бүгэдые хубсалуулхаб, хүн бүхэн толгойгоо хюһаха. Ори ганса хүбүүн тухайгаа гашуудаһантай адли ехэ гашуудал болохо, үдэр бүхэн гай гашуудалай үдэр болохо.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Михей 1:16

Иудын улад зон, баяр баясхалантнай болохо хүбүүд тухайгаа гашуудан үһөө тайрагты, хөөбэрлэжэ байгаа бүргэд мэтэ халзан өөһэдыгөө болгогты, юуб гэбэл, хүүгэдтнай таанадһаа таһаран, сүлэлгэ руу туугдаха.

Яковай хандалга 5:1

Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.