Исай 21:1 - Библи

¹ Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 21:1 Referencias Cruzadas

Иоов 37:9

Урда зүгһөө хүсэтэ һалхин буудаг, хойто зүгһөө хүйтэн ерэдэг.

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 13:13

Огторгойе шэшэрүүлхэб. Минии, Түмэн Сэрэгтэ Эзэнэй, уур хилэнгээ харуулхада, газар дэлхэй байраһаа хүдэлэн шэшэрхэ.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 14:14

Үүлэдэй орой дээрэ гаража, Дээдэ Бурхандал адли болохоёо һанаһан байгааш.

Исай 14:23

Вавилоониие заряануудай байра, намаг болгохоб. Бүхы юумэ усадхадаг шүүрээр Вавилоониие хаман гаргахаб. Энэ хадаа Би, Түмэн Сэрэгтэ Эзэн, айладхана мүн!»

Исай 17:1

Дамааск тухай Эзэн иигэжэ айладхал буулгаба: «Дамааск саашадаа хото гэгдэхэгүй, эбдэрһэн-һандарһан шулуун болоод лэ һалаха.

Исай 47:1

Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Ерэмияа 51:1

Эзэн иигэжэ айладхана: – Вавилоон руу болон ажаһуугшад руунь Би һандарал асардаг һалхи эльгээхэб.

Ерэмияа 51:42

Тэнгис далай Вавилоон дээгүүр гаража, шааяата долгидоорнь тэрэ хушагдаа.

Ерэмияа 51:51

Таанад хэлэхэдээ, «бидэ доромжолуулагдаабди, эшээбди, ямаршье хүсэгүй байнабди, юуб гэхэдэ, хариин зон Эзэнэй Һүмэдэ нангин газарнуудые бузарлаа» гэнэт.

Эзэкээл 1:4

Минии харахада, хойто зүгһөө һалхи шуурган ерэжэ ябана, сахилгаан мэтэ хурса гэрэл асари томо үүлэнһээ ялбажа, тойроод туяа гэрэл сасаран байгаа бэлэй. Гал соо улайжа байгша түмэр мэтэ гэрэл сахилгаан дотор үзэгдөө һэн.

Эзэкээл 30:11

Тэрэ хэрзэгы шэрүүн сэрэгтэеэ хамта танай орон нютаг руу орожо, хооһолхо, һэлмэ далайн таанадта добтолоод, үхэһэн бэеэртнай дэлхэй дүүргэхэ.

Эзэкээл 31:12

Хариин хэрзэгы зон тэрэниие отолжо, унаһан газартань орхибо: гэшүүһэдынь, мүшэрнүүдынь хада уулаар, нюруу газараар унан тараа. Тэрэнэй һүүдэртэ амидарагша зон бултадаа тэндэһээ холодон ошобо.

Эзэкээл 38:9

Ши һалхи шуурган мэтэ сэрэгтэеэ хамта тэдээндэ добтолхош. Бар хара үүлэн мэтэ тэдэниие хүреэлхэш.

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.