Исай 20:6 - Библи

⁶ Тэрэ үе сагай морилходо, далайн эрьеэр ажаһуугшад иигэжэ хэлсэхэ: «Маанадта туһалха, Ассириин хаанһаа абарха гэжэ бидэ тэдэ орон түрэнүүдтэ найдажа, гуйхаяа гүйдэлөөрөө ошодог бэлэйбди. Теэд харыт, манай найдаха юумэн үгы болоол! Яажа абарагдаха гээшэбибди?»

Исай 20:6 Referencias Cruzadas

Иоов 22:30

Тэрээнһээ байтагай гэмтэй хүнэй зүгһөө шинии зууршалбал, Тэрэ шамайе һанан шиидхэлһээ тэрэниие сүлөөлхэ.

Иоов 6:20

Губиин элһэн соо үгы болоһон уһа горхондо найдаһандаа тэдэ сүхэрөө.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 28:17

Һууриин шулууе хэмжэхэ шугам хадаа шударга ёһо болохо, тэрээниие тодоруулан харуулһан зурлаа хадаа үнэн зүб болохол. Танай худал хуурмагай хорохо газар шуурган мүндэртэ үгы хэгдэхэ, уһан үер аюулгүй байдалыетнай таһалдуулха.

Ерэмияа 30:1

Израилиин Эзэн Бурхан намда иигэжэ айладхаба:

Ерэмияа 30:7

Оёо! Тэрэ угаа муу үдэр дүтэлжэ байна. Тэрээндэ адли үдэр үзэгдөөгүй. Энэ болбол Минии улад зоной зоболонгой үе саг, теэд тэдэ амиды мэндэ гарасалдаха.

Ерэмияа 31:1

Эзэн ииигэжэ айладхана: – Минии Израилиин бүхы обогуудта Бурхан болохо, мүн тэдэнэй Минии арад түмэн болохо саг дүтэлжэ байна.

Ерэмияа 4:30

Һандаргагдаһан Иуда, ши яахабши? Юундэ шад улаанаар хубсалнабши? Юундэ алта шэмэглэлээр бэеэ гоёожо, нюдөө будажа байнабши? Ши дэмыл өөрыгөө гоёонош: амарагуудшни шамайе хаяжа, алахаяа бэлдэжэ байна.

Ерэмияа 47:4

Пилишт арадые хюдаха, Тиир ба Сидоонһоо үлэһэн бүхы туһамаршадыень таһалха саг ерэжэ байна. Би, Эзэн, пилишт зониие, Каптоор олтирогһоо ерээшэдые усадхахаб.

Матвей 23:33

Могойнууд, хорото могойн таһардаһад! Таанар тамада хаягдаха хэһээлтэһээ яажа хулжархые бодонобта?

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.

Еврейнүүдтэ 2:3

Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.