Исай 20:4 - Библи

⁴ Ассириин хаан тэдэ хоёр орон нютагуудай, Египедэй болон Эфиопиин зониие олзолон абажа, баряанда салдага нюсэгөөр туун абаашаха. Залуу, хүгшэншье зон салдаган гуяа харуулаад, хубсаһагүй, хүл нюсэгэн туугдан ошохо. Иигэжэ Египет доромжолуулагдаха.

Исай 20:4 Referencias Cruzadas

2 Хаан түрэнүүд 10:4

Тиихэдэнь Хануун Давидай зониие барижа, хүн бүхэнэйнь һахалай хахадые хюһаад, хубсаһыень ташаа хүрэтэрынь шуулажа таһалаад, һөөргэнь табиба ха.

1 Угай бэшэг 19:4

Тиихэдэнь Хануун Давидай зониие барижа, хюһаад, хубсаһыень ташаа хүрэтэрынь шуулажа таһалаад, һөөргэнь табиба ха.

Исай 19:4

Би Египедэй зониие хэрзэгы шэрүүн эзэндэ, дошхон хаанай мэдэлдэ үгэхэб. Энэ болбол Би, Түмэн Сэрэгтэ Эзэн, айладхана мүн!»

Исай 3:17

Теэд Би тэдэниие хэһээхэб – толгойень хюһажа, халзан болгохоб!»

Исай 31:2

Эзэн Бурхан сэсэн мэргэн ухаатай! Гай тодхор Тэрэ татаха. Нүгэл хэгшэдые, мүн тэдээндэ туһалагшадые хэһээхэ гэжэ шиидээл хадаа Тэрэ хэһээхэ, үгэеэ һөөргэнь абахагүй.

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Исай 47:2

Таряа тээрмэдэ! Нэмэргэеэ абажа, хормойгоо шуугаад, нюсэгэн хүлөөрөө гол гатала!

Исай 47:3

Шинии нюсэгые зон хараха, доромжолуулагдаһыеш обёорхо. Би хэнииешье хайрлахагүйб, үһөөгөө абахаб!»

Ерэмияа 13:22

Хормойшни шуугдаа, хүсөөр эдлэгдээш – эдэ бүгэдэ яагаад шамтай тохёолдоо гээшэб гэжэ асуубалшни, нүгэл шэбэлэйшни угаа олон байһанда энэ болоо гэһэн харюу үгтэхэ.

Ерэмияа 13:26

Шинии эшхэбтэр зүйл харагдуулхын тула Эзэн Өөрөө хормойешни нюур дээрэш һэхэхэ.

Ерэмияа 46:19

Баряанда туугдан ошохоёо бэлдэгты, Египедэй улад зон. Ноот зэлүүд хооһон болохо, хэншье тэндэ амидархагүй.

Ерэмияа 46:26

Алахаяа һанажа тэрэниие бэдэрэгшэ зоной һабарта – Вавилооной хаан Навуходоносорто болон тэрэнэй сэрэгтэ тэдэниие дамжуулхаб. Теэд һүүлдэнь Египедтэ улад зон урданайхидаал адляар дахин ажаһуужа эхилхэ. Энэ болбол Би, Эзэн, айладхана мүн!

Эзэкээл 30:18

Танай хүсэ шадалые бууруулжа, омогорходог хүсыетнай һалгаахадам, Тахпанхээс хото дээрэ харанхы бууха. Баряанда туугдан ошоходотнай бүрэгэр хара үүлэн орон нютагыетнай бүрхөөхэ.

Амоос 9:7

Эзэн иигэжэ айладана: Израильшууд, таанар Намда Күүшэй зондол адлит. Египедһээ израильшуудые, Каптоорһоо Пилиштын арадые, Киирһээ араамшуудые асараа һэм.

Михей 1:11

Шапиирайхид, шараа нюсэгэн, эшхэбтэр юумэд ябаха замаараа ябыта! Цаһанаанайхид гаран ошожо шадахагүй. Бэт-Ээцэлынхидэй сурхирса уйлажа байха абяан дуулдажа, тэндэ хорохо арга байхагүй гээд таанад ойлгохот.

Наум 3:10

Теэд тэрэшье сүлэлгэ руу туугдан ошоо, баряанда ябаа. Нарай нялхануудыньшье гудамжануудай уулзуур дээрэ тэһэ биса сохюулжа алуулаа, хаанай уг удам зониинь үнэ сэн хаюулан, худалдагдаа, бүхы түшэмэлнүүдынь гэнжэлэгдээ.

Цэпаанияа 2:12

Эзэн Эфиопиин арад зониие һэлмээр сабшан усадхаха.

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.