Исай 2:19 - Библи

¹⁹ Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хадын агынууд руу, газарай габа руу хорохо.

Исай 2:19 Referencias Cruzadas

2 Хаан түрэнүүд 22:46

Хариин улад зон зүрхөө алдажа, хороһон газарһаа шэшэрэлдэн гарана.

Иоов 9:6

Газар дэлхэй хүдэлгэхэдэнь дэлхэй бүмбэрсэг үндэһөөрөө шэшэрэн һалганана.

Псалманууд 7:6

хойноһоом дайсан намнажа, хүсэг, ами наһыем газарта шэдэн, нэрэ хүндыем шоройдо худхаг лэ!

Исай 13:13

Огторгойе шэшэрүүлхэб. Минии, Түмэн Сэрэгтэ Эзэнэй, уур хилэнгээ харуулхада, газар дэлхэй байраһаа хүдэлэн шэшэрхэ.

Исай 2:10

Эзэнэй уур хилэнһээ, һүр жабхаланта хүсэ шадалһаа тэрьедэжэ, хадын хабшалда шурган гү, али газарта нүхэ малтан хоро!

Исай 2:21

Эзэнэй газар дэлхэйе доһолгохоёо ерэхэдэ, уур хилэнһээнь, һүр жабхаланта хүсэ шадалһаань тэрьедэхэ гэжэ зон хабсагайн хабшал руу, хадын агынууд руу хорохо.

Исай 24:1

Анхарыт! Эзэн газарые һандарган, тэрэниие хооһоруулха гэжэ байна. Тэрэ шарайень тад ондоо болгожо, дээрэнь ажаһуугшадые хаа-хаанагүй тараахань.

Исай 24:18

Айха һүрдэхэ зүйлһөө тэрьедэгшэд нүхэн руу унаха, нүхэнһөө абиран гарагшад зангада орохо. Огторгойн сонхонууд нээгдэбэ! Дэлхэйн һууринууд доһолбо!

Исай 24:19

Газар бутаран эбдэрбэ, доһолбо, ехээр гантан хахарба.

Исай 30:32

Хэнгэрэг, ятагай абяан доро Эзэн тэдэниие баягаар дахин-дахин сохихо, хооһоруулма дайн дажараар урдаһаань тулаха!

Исай 33:10

Эзэн үндэһэ яһатадта иигэжэ айладхал буулгаба: Мүнөө одоо Би юумэ хэхэмни. Хэды ехэ хүсэ шадалтайгаа таанадта харуулхаб.

Исай 7:19

Дайсад ерэжэ, эзэгүй хооһон хүндыгөөр, хабсагайн хабшуу газараар, үүргэнын һөөгүүдөөр болон бүхы уһатай газарнуудаар буудаллан буужа эзэлхэ.

Ерэмияа 16:16

Эзэн тунхаглана: – Үзөөрэйгты, олон загаһашадые Би эльгээхэб. Тиихэдэм, тэдэ зониие губшан бариха. Удаань олон ангуушадые эльгээхэдэм, тэдэ хада уула, гүбээ бүхэнһөө, хабсагайн забһарнуудһаа зониие агнан намнаха.

Ерэмияа 4:29

Мориндо мордоһон зоной ба харбаашадай дуу шууяанһаа хотын зон бултадаа тэрьедэхэ. Зариман ой шугы руу гүйхэ, нүгөөдүүл хада руу абирха. Хото бүхэн орхигдожо, тэндэ нэгэшье хүн үлэхэгүй.

Ерэмияа 48:28

Моһаабай арад зон, хото һууринуудаа орхигты! Хабсагайнууд дээрэ байрлагты! Агы нүхэнэй амһар дээрэ уурхайгаа хэдэг гулабхаадал адли байгты!

Эзэкээл 33:27

Би, Эзэн Бурхан, Өөрөөрөө тангаригланаб: һандарһан хотонуудаар ажаһуугша таанад дайн дажарта алуулхат, хүдөө талаар ажаһуугшадтнай ан арьяатанай хүнэһэн болохо, агы нүхэндэ, хабсагай хадаар амидарагшадтнай тахал үбшэнһөө үхэхэ.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Михей 7:17

Тэдэ шорой тооһондо могой, нүхэ һүбэһөө газарай хорхой мэтэ мүлхин гараха, Эзэн Бурханһаамнай айн шэшэрэлдэхэ.

Наум 3:11

Нинэвээ, ши тон лэ тиимээр шал һогтожо, дайсанһаа яажа хоргодохоёо бэдэрхэш.

Хаггай 2:6

Түмэн Сэрэгтэ Эзэн айладхана: Һаяар Би тэнгэри болон газарые, далай болон хуурай газарые һэгсэрхэб!

Хаггай 2:7

Бүхы арадуудые һэгсэрхэб! Тэдэнэй баялиг эндэ асаруулагдаха. Тиигээд Минии алдар солын гэрэл энэ һүмые дууһан гэрэлтүүлхэ.

Лука 23:30

Тиимэ сагай ерэхэдэ: «Маанад дээрэ уныт» гэжэ хада уулануудта, «Маанадые хушыт» гэжэ гүбээнүүдтэ хүнүүд хандаха.

Фессалоникиинхидтэ 2-дохи 1:9

Эзэнэй ерэхэ тэрэ үдэр тэдэ зон Эзэнһээ, Тэрэнэй алдарта һүр хүсэнһөө амяарлагдаад, хэтын хэтэдэ хэһээгдэн зобохо.

Еврейнүүдтэ 11:38

Бүхы газар дэлхэйн хүнүүд тэдэнэй хаананьшье хүрэхэгүй! Гэхэдэ тэдэнэр сүл губяар болон хада уулаар тэнэжэ ябаа, агы нүхэнүүдтэ болон жалгануудта амидаржа байгаа.

Еврейнүүдтэ 12:26

Урдань Тэрэнэй абяан газар дэлхэйе хүдэлгөө, харин мүнөө Тэрэ: «Үшөө дахин Би ганса газарые бэшэ, огторгой тэнгэриие хэлбэлзүүлхэб», – гэжэ үгөө.

Гэршэлгэ 11:13

Тэрэ үедэнь газар ехээр хүдэлжэ, хотын арбанай нэгэ хубинь һандарба. Долоон мянган хүн газарай хүдэлөөнһөө боложо үхэбэ, бэшэниинь айжа мэгдээд, тэнгэриин Бурханиие алдаршуулан магтаба.

Гэршэлгэ 11:19

Тэнгэри дээрэхи Һүмэ тайлдан нээгдэжэ, Тэрэнэй Хэлсээнэй ханзынь Һүмэ дотор харагдаба. Тиин гал ехэ сахилгаан сахилба, оог шууяан болобо, тэнгэриин дуун нэрьебэ, газар хүдэлбэ, мүндэр ехээр оробо.

Гэршэлгэ 16:18

Сахилгаан сахилгаалба, ооглоон хашхараан болохонь дуулдаба, тэнгэри дуугарба, газар хүдэлбэ. Дэлхэй дээрэ хүн амитанай бии болохоһоо нааша тиимэ ехээр газар хүдэлөөгүй юм.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.

Гэршэлгэ 9:6

Тиихэ үедэнь хүнүүд зобоходоо үхэлөө бэдэрхэ, теэд үхэлынь олдохогүй, үхэхэ гэжэ ехэ оролдохо, теэд үхэлынь тэдэндэ ерэхэгүй.

1 Хаан түрэнүүд 13:6

Израилиин улад зон хашуулһанаа мэдэжэ, аюулай ушарһые хараад, агы нүхэнүүдтэ, хадын хабшалаар, хабсагайн дундуур, газар дорохи нүхэн, худагуудаар хоргодобо.

1 Хаан түрэнүүд 14:11

Тэдэ хоёрой пилиштүүдэй сэрэгэй бүлэгтэ өөрыгөө харуулхадань, пилиштүүд: – Харагты, еврейнүүд хоргодожо байһан нүхэнүүдһээ гаража байна, – гэлдэбэ.