Исай 2:10 - Библи

¹⁰ Эзэнэй уур хилэнһээ, һүр жабхаланта хүсэ шадалһаа тэрьедэжэ, хадын хабшалда шурган гү, али газарта нүхэ малтан хоро!

Исай 2:10 Referencias Cruzadas

Иоов 31:23

Би Бурханай шиидхэлһээ айжа, дошхон хүсэтэ шанарһаань һүрдэжэ, тиимэ гэмые тойрожо ябадаг байгааб.

Иоов 40:13

Хүрэл хоолой мэтэ яһатай, түмэр бахана мэтэ хүсэтэй. Энэ хадаа Минии бүтээһэн зэрлиг амитанһаа эгээл һүрөөтэйнь.

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 25:11

Уһанда тамаржа байһан хүндэл адли тэдэ гараа һарбайха, теэд Эзэн тэдэниие доромжолхо, тиихэдэнь гарнуудынь һал унашахал.

Исай 42:22

Харин мүнөө Тэрэнэй арад дээрмэдүүлэгдээ. Тэдэ бултадаа нүхэн руу хаюулжа, түрмэ шорондо хаагданхай. Тэдэ олзо болоо, хэншье тэдэниие абархагүй.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Ерэмияа 13:9

– Энээндэл адляар Би Иудын хан түрын бардам зангые болон Иерусалимай угаа ехээр бардамлалгые һалгаахаб!

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Наум 3:11

Нинэвээ, ши тон лэ тиимээр шал һогтожо, дайсанһаа яажа хоргодохоёо бэдэрхэш.

Лука 12:5

Зүгөөр хэнһээ айжа байхыетнай таанадтаа заажа үгэһүү: хүнэй ами һүнөөгөөд, һүнэһыень гал тамада хаяха эрхэ засагтай Бурханһаал айгты. Үнэхөөрөө, гансал Бурханһаа айжа байха ёһотойт!

Лука 23:30

Тиимэ сагай ерэхэдэ: «Маанад дээрэ уныт» гэжэ хада уулануудта, «Маанадые хушыт» гэжэ гүбээнүүдтэ хүнүүд хандаха.

Фессалоникиинхидтэ 2-дохи 1:9

Эзэнэй ерэхэ тэрэ үдэр тэдэ зон Эзэнһээ, Тэрэнэй алдарта һүр хүсэнһөө амяарлагдаад, хэтын хэтэдэ хэһээгдэн зобохо.