Исай 19:25 - Библи

²⁵ Түмэн Сэрэгтэ Эзэн тэдэниие юрөөжэ, «Минии арад түмэн болохо Египет, Минии бүтээгшэ Ассири, Минии шэлэгдэмэл арад зон Израиль, Би таанадые юрөөнэб!» гэжэ айладхал буулгаха.

Исай 19:25 Referencias Cruzadas

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Псалманууд 138:8

Минии тэнгэри руу ошоходо, Та тэндэ байнат. Минии Үхэлэй орон соо ороо заһабал, Та мүн лэ тэндэ байнат.

Исай 19:24

Тэрэ сагай ерэхэдэ, Израиль Египет ба Ассиритэй хамтаржа, бүхы дэлхэй дотор эдэ орон нютагуудта юрөөл шэнгэхэл.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 29:23

Минии таанадта үршөөхэ үри хүүгэдээ хараха-үзэхэдөө, нэрыемни нангинаар сахин хүндэлдэг болохот, Намайе Яковай арюун Бурхан гээд мэдэрхэт. Израилиин Бурхан Минии урда шэшэрэлдэн байхат.

Исай 45:11

Израилиин арюун Бурхан, тэрэ арад түмэниие байгуулагша Эзэн, иигэжэ айладхана: «Минии үхи хүүгэдэй ерээдүй тушаа һэжэг түрэжэ гү, али юу хэхыемни заажа байха зон таанад гээшэ гүт?!

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 63:17

Оо, Эзэн, Та юундэ бидэниие Өөрын замһаа төөрюулэн, маанадые үсэд болгон, Танһаа айхагүй болгонобта? Танай богоолнуудай, Өөрын уг залгамжал – обогуудай тала харан, маанадта эрьеыт!

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Исай 65:23

Тэдэ дэмы хооһон ажаллахагүй, түрэһэн үхи хүүгэдынь зоболонтой ушархагүй. Би тэдэниие мүн уг удамынь саашанхи үе сагуудта юрөөхэб.

Ерэмияа 10:16

Яковай Бурхан тэдээндэ адли бэшэ! Тэрэ болбол Хамагые Бүтээгшэ, Израиль – Тэрэнэй Өөрын арад, мэдэлэйнь албатан. Нэрэ хүндэнь – Түмэн Сэрэгтэ Эзэн мүн.

Ерэмияа 2:7

Би таанадые үрэжэлтэй һайхан газарта асаржа, тэрэнэй үрэ жэмэсээр хоолложо байхыетнай хүсөө һэм. Гэбэшье таанад Минии газар нютагые бузарлабат. Минии хубитые таанад жэгшүүритэй зүйл болгобот.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Захарияа 8:13

Арадуудай дунда Иудын удам, Израилиин уг удам хараал боложо байһые Би үреэл болгожо, таанарые абархаб. Бү айгты, шандааһаяа шангадхан хүсэ шадалаа элсүүлэгты».

Тоололго 24:1

Балаһаам Эзэнэй Израилиие үреэхэеэ байхыень хараад, дүлгэ тэмдэгүүдые бэдэрэнгүй, урдынхидаал адли болонгүй, сүл губи тээшэ нюураараа эрьебэ.

Тоололго 6:24

«Эзэн таанадые адислаг, аршалаг лэ! Эзэн таанад тээшэ энхэрэн хаража, үршөөл хайра хүртөөг лэ! Эзэн таанадай мүргэлдэ харюусажа, амгалан тайбаниие үршөөг лэ!»

Тоололго 6:27

Эзэн үшөө иигэжэ нэмэбэ: – Мүнөөдөө Аһароон хүбүүдтэеэ хамта Минии нэрэһээ иигэжэ израильшуудые үреэг лэ! Би тэдэниие үреэнэб!

Римэйхиндэ 3:29

Али Бурхан гансал еврейнүүдэй Бурхан гү? Тэрэ баһал бусад арадуудай Бурхан бэшэ аал? Тиимэл даа,

Галадуудта 6:15

Отолуулһан гү, али отолуулаагүй гү – тэрэнь ямаршье хамаагүй. Шэнэ хүн бии боложо мүндэлһэниинь лэ шухала юм.

Эфесэйхиндэ 1:3

Манай Эзэн Иисүүс Христоосой Эсэгэ болохо Бурханда магтаал соло дуудаял! Маанадай Христоостой нэгэдэһэн ушарһаа дээдын тэнгэриһээ оюун ухаанда хабаатай буян хэшэг Тэрэ маанадта хайрлаа.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Хуули дабталга 32:9

Эзэн Өөрын хуби болгон Израилиин арадые, Яковай уг удамые шэлэһэн юм.

Филиппынхидтэ 1:6

Тиихэдэ таанадай дунда үлзы һайхан үйлэ хэрэг бүтээжэ эхилһэн Бурхан Иисүүс Христоосой заларан ерэхэ үдэр хүрэтэр тэрэ хэрэгээ залируулангүй бүтээжэл байха гэһэн хатуу этигэлтэй байнаб.

Пётрой 1-дэхи хандалга 2:10

Урдань таанад Бурханай хүнүүд бэшэ һэнта, зүгөөр мүнөө таанад Тэрэнэй хүнүүдта. Урдань таанад Бурханай үршөөл хайрые мэдэхэгүй һэнта, мүнөө таанад Тэрэнэй үршөөл хайрада хүртэбэт.