Исай 19:21 - Библи

²¹ Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 19:21 Referencias Cruzadas

3 Хаан түрэнүүд 8:43

Та оршодог газарһаа – огторгойн уудамһаа тэрэ хариин хүниие дуулажа, гуйлтыень дүүргыт. Тиигэбэл, дэлхэйн бүхы арадууд Танай нэрэ хүндэ ойлгожо, Танай арад түмэн Израильдал адли Танһаа айн түбэгшөөжэ, Таниие хүндэлжэ эхилхэ. Минии баряаша үргөө Танай нэрээр дуудагдадаг гэжэ тэдэ мэдэхэ.

Псалманууд 61:8

Абарални болон алдарни – Бурханда, Бурхан – хүсэ шадалайм хада хабсагай, хорохо газарни.

Псалманууд 67:2

Бурхан бодожо, дайсад тунан үгы боложо, Өөрыень үзэн ядагшад зугадаг лэ!

Псалманууд 68:31

Бурханай нэрые дуугаар магтахаб, үгэ хэлэн, Тэрэниие үргэмжэлхэб.

Псалманууд 68:32

Энэ бол Бурханда эбэртэй, туруутай буха үргэлһөө үлүү зохид байхал.

Экклезиаст 5:4

Амалаад, бэелүүлээгүй байгшаһаа амалангүй байгшань дээрэ. Хэлэ аманшни шамайе нүгэлдэ түлхижэ бү байгуужан. «Энэ алдуу байгаа» гэжэ Бурханай Эльгээмэлэй урда бү хэлэ. Үгэ хэлээрээ Бурханай уур хилэнсэг бү үүсхэ, юундэ ажал хэрэгышни усадхаха ёһотой юм бэ?

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 11:9

Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Исай 60:7

Кэдаарай болон Нэбайһоодой бүхы хонин һүрэг үргэл болон, Эзэнэй шэрээ дээрэ шатаагдаха. Эзэн Өөрын алдарай нангин үргөөе алдаршуулха!

Исай 66:23

Һара бүхэндэ, амаралтын үдэр бүхэндэ бүхы арадууд Намда мүргэхэеэ Иерусалим руу ерэдэг байха.

Иона 1:16

Тэдэ хүнүүд Эзэнһээ угаа ехээр һүрдэн айжа, Эзэндэ үргэл үргэбэд, тангаригаа үгэбэд.

Аввакуум 2:14

Юуб гэбэл, уһан далайе дүүргэдэгтэл, газар дэлхэй хадаа Эзэнэй алдар тухай мэдэсээр дүүрэнхэй байха.

Цэпаанияа 3:10

Эфиопиин гол горходые гаталан, Минии тараагдаһан арад түмэн, Минии үнэнхэ мүргэлшэд Намда үргэлнүүдые асарха.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

1 Хаан түрэнүүд 17:46

Мүнөөдэр Эзэн шамайе минии гарта үгэхэ. Би шамайе алаад, толгойешни бэеһээшни таһалхаб. Мүнөөдэр би пилишт сэрэгшэдэй һэенүүдые огторгойн шубуу шонхорто, хээрын ан арьяатанда үгэхэб. Бүхы улад Израильда Бурхан бии гээд мэдэдэг болохо.