Исай 18:7 - Библи

⁷ Үндэр нюргатай, мэлигэр арһатай, холо ойрые айлгаһан энэ арад түмэнһөө, гол мүрэнөөр хубаарилагдаһан энэ орон нютагай хүсэтэй шанга зонһоо Түмэн Сэрэгтэ Эзэнэй бэлэг абаха саг ойртоо. Түмэн Сэрэгтэ Эзэндэ мүргэхэ газарта – Сион уулада тэрэ бэлэг барюулагдахал.

Исай 18:7 Referencias Cruzadas

2 Угай бэшэг 32:23

Олон зон Иерусалим руу ерэжэ, Эзэндэ зорюулһан үргэлнүүдые болон Иудын хаан Хэзэкияада үнэтэ бэлэгүүдые асараа һэн. Энээнэй удаа тэрэ бүхы арадуудай дунда нэрэ хүндэтэй болоһон юм.

Псалманууд 68:32

Энэ бол Бурханда эбэртэй, туруутай буха үргэлһөө үлүү зохид байхал.

Исай 16:1

Сээла хотоһоо элһэн сүл губяар Иерусалим руу, захирагшадань бэлэг болгон хурьгадые эльгээгты.

Исай 18:2

Хулһан онгосонуудаар элшэнэр эльгээгдэнэ. Хурдан элшэнэр, үндэр нюргатай, мэлигэр арһатай арад руу шамдыт! Тэрэ арадһаа бүхы зон айдаг. Хүсэтэй, шанга арад зон бүгэдые диилэдэг, орон нютагынь гол мүрэнүүдээр хубаагданхай байдаг лэ.

Исай 18:4

Эзэн намда иигэжэ айладхаа: «Ургаса хуряалгын халуун үдэр зэрэлгээ хараһандал, үдэрэй ааяма халуунай үедэ наранай ялардагтал эли тодоор Би юу боложо байгаашые Өөрын байраһаа һанаа амар хаража байхаб».

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Михей 4:13

Эзэн иигэжэ айладхана: «Иерусалимай арад зон, бодожо, дайсадаа бута сохигты! Би таанадые түмэр эбэртэй, гуулин туруутай буха мэтэ болгохоб! Эдэ арадуудые бута сохижо, үнэн зүб бэшээр олзолһон баялигуудыень Намда, бүхэдэлхэйн Эзэндэ, зорюулан үргэхэт».

Аввакуум 1:7

Тэрэ ехэ һүрдэмөөр, аймшагтай. Тэдэ өөрөө өөһэдтөө хуули ёһо, засаг журам зохёодог.

Цэпаанияа 3:10

Эфиопиин гол горходые гаталан, Минии тараагдаһан арад түмэн, Минии үнэнхэ мүргэлшэд Намда үргэлнүүдые асарха.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.