Исай 17:8 - Библи

⁸ Тэдэ өөһэдынгөө гар бүтээл болохо үргэлэй шэрээнүүдээ ойшохогүй, өөһэдынгөө бүтээһэн Ашэраа бурханай дүрсэнүүдтэ, шүтөөнүүдтэнь найдахагүй.

Исай 17:8 Referencias Cruzadas

2 Хаан түрэнүүд 22:42

Тэдэнэй туһа эрин хараашалхада, хэншье абараагүй, Эзэниие дуудахадань, Тэрэ дуулаагүй.

2 Угай бэшэг 14:5

Иудын хан түрын бүхы хотонуудаар мүргэдэг обоонуудые болон уталга ууюулдаг шэрээнүүдые тэрэ болюулба. Хааншалгынь үедэ амгалан тайбан байдал тогтоо бэлэй.

2 Угай бэшэг 31:1

Эдэ бүгэдын удаа тэндэ байгааша Израилиин бүхы зон Иудын хотонууд руу ошожо, хариин бурхадай хүрэгүүдые бута сохибо, Ашэраагай модон сэргэнүүдые таһар сабшан унагааба, бүхы Иудын газараар болон Бэньямиинэй, Эпрааимай, Мэнашшээгэй обогуудай харьяата газарнуудаар үргэлэй обоонуудые болон үргэлэй шэрээнүүдые үгы болоторынь һандаргааба. Тиигээд хүн бүхэн гэртээ бусаа һэн.

2 Угай бэшэг 34:4

Захирһанайнь ёһоор Баалнуудта зорюулагдаһан үргэлэй шэрээнүүдые болон тэдээндэ дүтэ байгааша уталга ууюулдаг шэрээнүүдые албатаниинь үгы хэбэ. Ашэраа бурханай хүрэгүүдые, шудхаһан бусад хүрэгүүдые Ёшияа бута сохибо. Тиигээд хумхаа тооһон болотор бутаргаад, тэдээндэ үргэл үргэгшэ зоной хүүр дээрэ тэрэ хиидхүүлбэ.

Египедһээ гаралга 34:13

Үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты!

Исай 1:29

Сарса мододто мүргэдэг байһанайнгаа түлөө таанад эшэхэт; нангин һөөгүүдые шэлэһэнэйнгээ түлөө таанад нэрээ гутаахат.

Исай 10:20

Израилиин үлдөөсэ зоной, Яковай удамай үлөөшэдэй өөһэдыень хюдааша үндэһэ яһатанда бэшэ түшэхөө болихо сагынь дүтэлжэ байна. Тэдэ зүб лэ Эзэндэ, Израилиин арюун Бурханда, түшэглэн этигэжэ эхилхэ.

Исай 17:9

Тэрэ сагай ерэхэдэ, һайса бүхэлэгдэһэн хотонуудынь хооһоржо, орхисооной болохо. Израилиин зоной өөһэдэйнь урдаһаа хиив болон эмоор арадуудай тэрьедэһэндэл адли хотонуудынь мүн лэ тиимээр хооһорхо.

Исай 2:8

Газар нютагынь шүтөөнүүдөөр дүүрэнхэй, өөрын гараар бүтээһэн бүтээлнүүдтээ тэдэ мүргэнэ.

Исай 27:9

Гэбэшье үргэлэй шэрээнүүдэй шулуунай бутаржа, шохой болоходо, Ашэраа бурханда һүгэдэлгын зүйлнүүдэй үгы болоходол Яковай нүгэл арюудхагдаха.

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 44:15

Тиигээд тэрэнь хүнэй түлишэ болодог. Хүн энэ модоной нүгөө хуби абажа, шүтөөн бүтээдэг. Нэгэ хубяарнь тэрэ гал түлижэ, хилээмэ барина. Нүгөө хубяарнь шүтөөн бүтээжэ, урдань унан мүргэнэ.

Ерэмияа 17:2

Үхибүүдтээ һанаагаа табидагтал, тэдэ үргэлэй шэрээнүүд, Ашэраа бурханай хүрэгүүд, һаглагар модод, үндэр гүбээнүүд, намжаа талаар ербылдэгшэ хаданууд тухай һанаагаа табидаг. Тиимэһээ таанадай, Иудын хан түрын зоной, мүргэлэй обоонуудай түлөө, өөрынгөө бүхы орон нютагаар хэһэн нүгэлэйтнай түлөө танай эд баялигые болон бүхы эрдэни зэндэмэниие дайсадтатнай үгэхэб.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Һошээ 14:8

Минии хамгаалалта доро тэдэ дахин ажаһуудаг болохо, үрэжэл ехэтэй таряандал, жэмэс олон уһан үзэмэй модондол, Ливаанай үзэмэй дараһан архидал адли алдар суутай болон байха.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Цэпаанияа 1:3

Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Хуули дабталга 7:5

Тэдээндэ иимээр хандаха ёһотойт: үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты, һиилэмэл шүтөөнүүдынь гал дүлэндэ шатаагты!