Исай 17:6 - Библи

⁶ Нэгэ хэдыл зон амиды мэндэ үлэхэ. Оливын модо сохиходо, эгээл дээдэ мүшэрэйнь оройдо хоёр-гурбан жэмэсэй үлэдэгтэл гү, али доодо һайн мүшэрнүүдтэнь нэгэ хэдыл жэмэсэй үлэдэгтэл адли Израиль болоод байха. Энэ болбол Би, Израилиин Бурхан, айладхана мүн!»

Исай 17:6 Referencias Cruzadas

3 Хаан түрэнүүд 19:18

Гэбэшье Би долоо мянган хүниие Израильда амиды мэндэ үлөөгөөб. Тэдэ бултадаа Баалда һүгэдөөгүй, тэрэниие үнсэн таалаагүй, – гэжэ Эзэн айладаба.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 10:22

Далайн элһэндэл адли тоогүй олон зоной Израильда мүнөө байгаашье һаань, оройдоол үсөөхэниинь лэ һөөргөө бусаха. Усадхалга хамагай зүб шүүлгээр тодорхойлогдонхой.

Исай 24:13

Олива хуряагаад, үзэм суглуулаад байха үедэ хооһон хогоосон, нэгэ хэдыл жэмэс үлөөд байгша. Тон тиимэ байдал дэлхэйн бүхы арадуудта үзэгдэхэ.

Исай 27:12

Тэрэ үдэр Эзэн таряа сохин орооһо илгаһандал, Евфрадһаа Египедэй хилэнүүд хүрэтэр таанадые, Израилиин арад түмэниие, нэгэ нэгээр суглуулха.

Ерэмияа 4:27

Эзэн иигэжэ тунхаглана: Бүхэли газар нютаг һандаргагдан хооһорхо, гэбэшье Би бүримүһэн усадхахагүйб.

Эзэкээл 39:29

Израилиин улад зон руу Өөрын Һүлдэ шэнгээн оруулхаб, бэшэ буруу харахаяа болихоб. Энэ болбол Би, Эзэн Бурхан, айладхана мүн!

Авдии 1:5

Һүниндөө хулгай хэгшэд, дээрмэшэд шамда орожо ерэбэл, хэрэгтэйл юумэеэ дураараа шамһаа абан ошохо бэшэ гү? Уһан жэмэс суглуулагшад шамда ерэбэл, нэгэ хэдышье жэмэс түүнгүй үлөөхэ бэшэ гү? Харин дайсадшни шамайе дууһан аршаад ошохол!

Михей 7:1

Ямар гасалантай гээшэбиб даа! Жэмэс түүжэ, үзэм хуряажа байһанай удаа нэгэшье жэмэс оложо эдиһэйб гэжэ бэдэрһэн, харин юушье олоогүй хүндэл адлиб!

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Римэйхиндэ 9:27

«Эзэн зарга шүүбэреэ газар дэлхэй дээрэ шуумгайгаар ябуулха. Тиимэһээ Израилиин арад зоной далайн элһэндэл адли тоогүй олон байгаашье һаань, тэдэнэй үсөөниинь абарагдаха», – гэжэ Израилиин арад тухай Исай лүндэншэн айладхаа.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Ударидагшад 8:2

Гидоон тэрээндэ иигэжэ хэлэбэ: – Мүнөө би таанад шэнги ехэ юумэ хээ аалби? Абиээзэрэй гэр бүлынхидһөө һураггүй ехэ уһан үзэм түүжэ суглуулхадаа, Эпрааимайхид баярланагүй аалта?