Исай 17:13 - Библи

¹³ Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 17:13 Referencias Cruzadas

Иоов 21:18

Тэдэ һалхинда хиидэхэ хатаһан һолоомо, хамагдаһан мэхиинэ мэтэ үгы болодог гэжэ үнэн гү?

Псалманууд 1:4

Хорото муу зон тиимэ бэшэ. Тэдэ һалхинда хиидэдэг мэхиинэ мэтэ.

Псалманууд 35:5

Тэрэ орондоо ороод, муу муухай хэрэг түсэблэдэг, буруу зам руу хадууран, бузар муухай хэрэгүүдһээ жэгшэдэггүй.

Псалманууд 65:7

Өөрын агууехэ хүсөөр Тэрэ хэтэдээ зонхилно, үндэһэтэд нюдэн доронь! Буһалгаашад бү бодог лэ!

Псалманууд 65:8

Арадууд, манай Бурханиие магтагты! Магтаал Тэрээндэ шангаар үргэгты!

Псалманууд 9:5

Иигэжэ Та минии заргалдаан, шүүхын хэрэг шиидхээт, сэнтиидээ залараат, Үнэн шударга шүүгшэ!

Исай 14:25

Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 21:15

Юуб гэбэл, тэдэ һэлмэһээ, далайһан һэлмэһээ, татаһан һурша номһоо, дайнай аюулһаа зугадан тэрьедээ бшуу.

Исай 22:18

бүмбэгэ мэтээр шанга эрьелдүүлэн, танай орон нютагһаа үшөө ехэ орон нютаг руу хаяха. Үзэсхэлэнтэ тэргэнүүдшни тэндэ үлэхэ, ши өөрөө тэндэ үхэхэш. Ши өөрынгөө эзэнэй гэрэй эшэхэ зүйлынь болоод лэ һалахаш.

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 29:5

Иерусалимда добтолһон дайсад тооһондол мэтээр үлеэгдэн һалаха, тэдэнэй аймшагтай сэрэг һолоомодол хиидэн үгы болохо. Гэнтэ, нюдөө сабшама зуура

Исай 30:28

Амисхалынь ама хаажа байһан үертэл адли, арадуудые үхэлэй һагшуураар Тэрэ һагшаха. Тэрэ арадуудай үрүүндэ замһаань хадууруулха хазаар байна.

Исай 34:17

Эзэн Өөрөө газар уһа тэдэнэй хоорондо хубаагаа, тиимэһээ тэдэ энэ газарые хэтэ мүнхэдөө эзэмдэн, үеын үедэ тэндэ оршохо, ажамидарха болоно.

Исай 40:15

Эзэндэ үндэһэ яһатад болбол уһанай дуһал мэтэ, олтирогууд тооһон мэтэ.

Исай 40:24

Һая таригдаһан, мэнэ һая газарта үндэһэлһэн ургамалдал адли тэдэ удамаршад. Эзэнэй тэдээн руу һалхи эльгээхэдэ, хатажа, һолоомо мэтээр һалхинда тэдэ хиидэнэ.

Исай 41:11

Таанадта сухалдаһан зон нэрээ гутаажа, хүндэгүй болохо. Таанадтай заргалдагшад хосорхо.

Исай 8:7

Би, Эзэн Бурхан, тэдээндэ бүхы сэрэгээрээ добтолхыень Ассириин хааниие асархаб. Эрьеһээ халин үерлэгшэ Евфрат мүрэнэй ехэ урасхал уһандал адли тэрэнэй сэрэг нэбтэрэн-халин ерэхэл.

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Һошээ 13:3

Энээнэйнгээ түлөө тэдэ үглөөнэй манан, түргэн хатадаг шүүдэр, таряа сохиходо гарадаг мэхиинэ, соргоор бааяһан утаан мэтэ үгы болохо!

Цэпаанияа 2:2

Мэхиинэ мэтээр һалхинда туугдан хиидэхэ үдэрэйтнай ерэхын урда тээ, Эзэнэй гал дүлэн мэтэ уур хилэнсэгэй таанад руу хүрэтэр