Исай 17:10 - Библи

¹⁰ Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 17:10 Referencias Cruzadas

1 Угай бэшэг 16:35

Дуудагты: «Абарагша Бурхамнай, маанадые абарыт, бидэниие суглуулыт, хариин арадуудһаа зайлуулыт, Танай нангин нэрые магтаха боломжо бидэндэ үгыт, Танай алдар солоор бахархахамнай болтогой!»

Псалманууд 106:13

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа абарба,

Псалманууд 106:21

Энэрэл хайрынь, зоной аша туһада Тэрэнэй хэдэг гайхамшагта хэрэгэй түлөө зон Эзэниие магтан байха болтогой!

Псалманууд 18:2

Тэнгэри Бурханай һүр жабхалангые зарлан тунхаглана, огторгой Тэрэнэй хэһэн бүтээлнүүдые айладхана.

Псалманууд 31:2

Гэмтэй гэжэ Эзэнэй тоолодоггүй, мэхэ гохогүй хүн жаргалтай юм!

Псалманууд 65:5

Бурханай юу хэһые харыт! Хэһэн хэрэгүүдынь зондо айдаһатайл.

Псалманууд 79:9

Египедһээ Та уһан үзэмэй мүшэр асараат, бусад арадуудые үлдөөд, тэрэнээ һуулгаат.

Псалманууд 85:4

Өөрын зарасын сэдьхэл баясуулыт, Юуб гэбэл, Эзэн, Танда ами наһаа даалганаб.

Псалманууд 9:17

Иигэжэ Эзэнэй зарга эли тодо болоо, хорото муу хүн өөрын торон зангада ороо! [Хүгжэм]

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 17:9

Тэрэ сагай ерэхэдэ, һайса бүхэлэгдэһэн хотонуудынь хооһоржо, орхисооной болохо. Израилиин зоной өөһэдэйнь урдаһаа хиив болон эмоор арадуудай тэрьедэһэндэл адли хотонуудынь мүн лэ тиимээр хооһорхо.

Исай 18:5

Үзэмэй жэмэс хуряахын урда тээ, сэсэглэжэ дүүрээд, үзэмэй модоной эдеэшээд байхада, дайсан Эфиопиие һалгааха. Үзэм жэмэсэй мүшэр тайраһандал, Эзэн тэдэниие хюдаха.

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 26:4

Хэтэ мүнхэдөө Эзэндэ этигэн байгыт. Юуб гэхэдэ, мүнхэ хабсагай бол Эзэн, Эзэн!

Исай 30:29

Харин таанад нангин һайндэрэй һүнидэл дуу дуулахат. Эзэнэй хада руу, Израилиин хабсагай руу лимбээр хүгжэмлэн ябаашадтал адли сэдьхэлтнай баясан байха.

Исай 33:2

Оо, Эзэн! Маанадта нигүүлэсхыгээр хандыт. Бидэ Тандаал найданабди. Үглөө бүри бидэндэ хамгаалалта болыт, зоболоной сагта маанадые абарыт!

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 62:11

Эзэн бүхы дэлхэйдэ иигэжэ соносхоно: «Сионой хотодо Минии тэдэниие абархаяа ерэжэ байһан тушаа дуулгаарайгты. Тэдээндэ шагнал хүртөөхэ тухайм хэлээрэйгты».

Ерэмияа 12:13

Минии арад зон шэниисэ тариһан аад, үрмэдүүл хуряажа абаба. Тэдэ эсэн ядараа, гэбэшье ямаршье ашаг олзо олоогүй. Өөһэдынгөө ургасаһаа тэдэ эшэг лэ! Дүлэтэһэн уур сухални иимэл!

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 2:32

Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Ерэмияа 3:21

Хадын нюсэгэн оройнууд дээрэһээ абяан дуулдана: энэ хадаа Израилиин улад зоной гуйха болон уйлахань соностоно. Ушарынь гэбэл, тэдэ нүгэл хэжэ, Эзэниие, өөрынгөө Бурханиие, мартаа.

Эзэкээл 22:12

Хэнииешьеб алахын тула эдилгэ абагшад, нэгэ угсаатан болохо Израилиин хүндэ мүнгэ зээлеэр үгэжэ, түрэсынь ашаар баяжагшад таанадай дунда бии. Таанад Намайе, Эзэн Бурханиие, мартаат.

Эзэкээл 23:35

Ши Намайе мартажа, буруу харааш, тиимэһээ һальхай забхай байһанайнгаа түлөө хэһээгдэхэш.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Ёһээл 1:17

Тариһан таряан хүрьһэнһөө бултайнгүй хаташоо. Орооһоной амбарнууд хаягдажа һандараа.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:20

Дэмы хии талаар хүсэнтнай буураха, газартнай ургаса үгэхэгүй, мододтнай үрэ жэмэс үгэхэгүй.

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Аввакуум 3:18

би Эзэндэ баясан байхаб, юуб гэхэдэ, Тэрэ минии Абарагша Бурхан мүн!

Цэпаанияа 1:13

Тиигээд тэдэнэй баялиг дайсанай олзо болохо, гэр байшангуудынь эзэгүйрэн хооһорхо. Гэр баряашье һаа, тэдэ тэндэ ажаһуухагүй, үзэмэй модоной сэсэрлиг һуулгаашье һаа, үзэмэй дараһан архи тэдэ уухагүй.

Хуули дабталга 28:30

Басага өөртөө хадамлахаш, теэд ондоо хүн тэрээнтэйш гэрлэхэ. Гэр барихаш, теэд тэрээн соогоо ажаһуухагүйш. Үзэмэй модо тарин һуулгахаш, теэд тэрээнһээ амталхагүйш.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Хуули дабталга 32:18

Мүндэлүүлһэн Хабсагайгаа тэдэ мартаа, ами наһа үршөөһэн Бурхаяа ой ухаандаашье оруулаагүй.

Хуули дабталга 32:31

Дайсадай «хабсагайнь» манай Хабсагайдал адли бата бэхи бэшэ юм. Тэдэ өөһэдөө энээн тушаа мэдэнэ.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Хуули дабталга 6:12

тиихэдээл одоо болгоомжологты! Египедэй газар дайдаһаа, богоол байдалһаа таанадые гаргаһан Эзэниие бү мартагты!

Хуули дабталга 8:11

Болгоомжотой байгты! Эзэн Бурханаа бү мартагты! Мүнөөдэр би таанадта захяа заабарииень, ёһо гуримыень, хуулинуудыень дамжуулнаб, тэдэниие сахигты.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Хуули дабталга 8:19

Хэрбээ Эзэн Бурханаа мартаад, ондоо бурхадта һүгэдэжэ, зальбаржа, тэдэниие шүтэжэ эхилээ гээшэ һаа, заабол хосорхот гээд таанадта мүнөөдэр сэхэ хэлэнэб.