Исай 17:1 - Библи

¹ Дамааск тухай Эзэн иигэжэ айладхал буулгаба: «Дамааск саашадаа хото гэгдэхэгүй, эбдэрһэн-һандарһан шулуун болоод лэ һалаха.

Исай 17:1 Referencias Cruzadas

Эхин 14:15

Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй.

Эхин 15:2

Тиихэдэнь Абрам хэлэбэ: – Агууехэ Эзэмни! Үхи хүүгэдһээ бэшэ ондоо ямар шагнал намда угаа ехэ байхаб даа. Дамааск хотоһоо уг гарбалтай Элиээзэр зараса минии һүүлээр зөөриием эдлэхэ хүн болохол.

3 Хаан түрэнүүд 11:24

Һадаад-Ээзэрые Давидай диилэһэнэй удаа Рэзоон дээрмэшэдэй бүлэгэй толгойлогшо болобо. Тэдэ Дамааск руу ошожо, сугларагша зониинь тэрэниие Дамааскын хаан болгобо.

4 Хаан түрэнүүд 16:9

Ассириин хаан тэрэнэй гуйлтые дүүргэжэ, Дамааскда дайгаар добтолон орожо, тэрэ хотые эзэмдээд, Рэцииниие саазалба, тэндэхи хүнүүдые Киир руу туужа абаашаба.

1 Угай бэшэг 18:5

Цобаагай хаан Һадаад-Ээзэртэ туһалхаяа Дамааскын араамшуудай ерэхэдэнь, Давид хорин хоёр мянгыень алаба.

2 Угай бэшэг 28:23

Тэрэ иигэжэ хэлэгшэ һэн: – Дамааскын бурхад Араамай хаашуулда туһалаа, минии тэдээндэ үргэл үргөө һаа, тэдэ намдашье туһалха. Иигэжэ тэрэ өөрыень дайлажа байгааша Дамааскын бурхадта үргэл үргэдэг байба. Гэбэшье энэнь өөртэнь болон Израилиин бүхы улад зондо гай тодхор ушаруулба.

2 Угай бэшэг 28:5

Араамай сэрэг тэрээндэ добтолон диилэжэ, олон зонииень баряанда туужа, Дамааск руу абаашаба. Мүн Израилиин хаанда тэрэ диилдэжэ, һамна бута сохюулба.

Исай 10:9

Калноо ба Кархэмииш, Хамаат ба Арпаад хотонуудые би диилэн абаа һэм. Самари ба Дамааскые диилээ һэм.

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 15:1

Энэ болбол Моһааб тушаа зүгнэлгэ. Һүниин туршада дээрмэдүүлээд, Аар-Моһааб аниргүй болоо. Һүниин туршада дээрмэдүүлээд, Киир-Моһааб анираа хатаа.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 25:2

Хотонуудые эбдэрхэй шулуун обоо, бүхэлэлтэнүүдыень һандархай шулуун болгобот. Хариин зоной ордонгууд һандараа, хэзээдэшье һэргээгдэхэгүй.

Исай 37:26

Минии эдэ бүгэдые үнинэй түсэблэһэн тушаа ши дуулаагүй юм гүш? Мүнөө энээниие бэелүүлбэ гээшэб. Бүхэлэгдэһэн хотонуудые обоохой шулуун боложо һандаргаха арга боломжо таанадта үгөөб.

Исай 7:16

Һайе мууһаа илгаруулжа шададаг Тэрэнэй болоодүй байтар таанадай айдаг тэрэ хоёр хаашуулай орон нютагууд хооһорхо.

Исай 7:8

Араамые Дамааск зонхилно, Дамааскые – Рэциин. Жаран табан жэл үнгэрхэ – Эпрааимай арад үгы болохо.

Исай 8:4

Юуб гэхэдэ, энэ үхибүүнэй «аба, эжы» гэжэ хэлэжэ һуратар Дамааскын бүхы эд баялиг болон Самариин бүхы олзо Ассириин хаанай болохо.

Ерэмияа 49:2

Теэд Аммооной ниислэл хото Раббаада дайн дажарай абяа шууяанай дуулдаха саг дүтэлөө. Тэрэ һандаргагдаха, хажуудахи һууринуудынь гал дүлэндэ шатаха. Тиихэдэнь Израиль газар уһаяа тэдээнһээ һөөргэнь абаха.

Михей 1:6

Эзэн иигэжэ айладхаа: «Энээнэйнь түлөө Би Самариие задагай хээрэ газарта обоолоотой һандархай шулуун, уһан үзэм һуулгаха газар болгохоб. Нюруу газар руу шулууень адхахаб, һуурииень эли гаргахаб.

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Захарияа 9:1

Хадраах нютаг ба Дамааск хото тухай Эзэнэй айладхал бууба. Эзэнэй нюдэн хамаг зондо, илангаяа Израилиин обогуудта ханданхай.

Хэрэгүүд 9:2

Дамааскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Эзэнэй зам баримталһан эхэнэр, эрэшүүлые барижа, Иерусалим туужа абаашаха эрхэ Саулда үгтэбэ.

Хуули дабталга 13:16

Зонойнь бүхы зөөри хотын талмай дээрэ суглуулагты. Удаань энэ хотые бүхы зөөритэйнь Эзэн Бурхандаа үргэн шатаагты. Энэ хото хэтэ мүнхэдөө һандархай шулуун үлэгдэл болоод лэ үлэхэ, хэзээдэшье дахин бодхоогдохо ёһогүй.