Исай 16:10 - Библи

¹⁰ Үрэжэлтэ газар дайдада хэншье баясан хүхинэгүй, үзэмэй модоной сэсэрлигүүд соо хэншье дуу дууланагүй, шангаар хашхаран баярланагүй. Үзэм шахаха болигдоо. Баяртай дуу шууяан таһалдаа.

Исай 16:10 Referencias Cruzadas

Иоов 24:11

Баяшуулда жэмэсэй тоһо, үзэмэй дараһан архи шахан үгэбэшье, үлэн хооһон, аманайнгаа сангаа гаргаха аргагүй байдаг.

Исай 24:11

Үзэмэй дараһан архи дэлгүүрээр бэдэрээд, оложо ядахадаа, зон бархиралдана. Бүхы баяр баясхалан таһалдаа, ямаршье зугаа наадан газар дэлхэй дээр үгы болоо.

Исай 32:10

Ерэхэ жэлдэ таанад зобохо-тулихат. Юуб гэхэдэ, суглуулха үзэм ургахагүй.

Ерэмияа 48:33

Моһаабай үрэжэлтэ газарта жаргал, баяр таһалдаба. Үзэмэй жэмэсээр архи дараха хэрэг болюулааб. Үзэмэй архи дараха, баярай абяа гаргаха хэншье үгы.

Эзэкээл 7:7

Газар дэлхэй дээрэ ажаһуугааша бүхы зон, һалаха сагтнай тохёолдоо! Хада ууланууд дээрэ тахил үргэн сэнгэхэ саг дүүрэжэ, хүл үймөөн болохо саг дүтэлбэ.

Ёһээл 1:12

Уһан үзэмэй һөөг, удамбар жэмэстэ модон хаташоо. Анар жэмэс, дала модон, алима жэмэсэй модон болон талын бүхы модод хубхайран хатаба. Хүн зоной баяр, хүхюу байдал үсөөрөө.

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 5:17

Таанарай дундуур Минии үнгэрэн гарахада, уһан үзэмэй сэсэрлигүүдтэ уйлаан-бархираан эхилхэ.

Амоос 9:13

Эзэн айладана: Газар элдүүрилжэ үрдеэгүйдэнь ургаса хуряаха саг ерэхэ, уһан үзэмэй модо тарижа байхада, жэмэс шахаха, үзэмэй дараһан архи үйлэдбэрилхэ саг мүндэлхэ. Үзэмэй дараһан архи хадаһаа урдаха, гүбээнүүд зөөлэн жэмэс болохо! Удахагүй иимэ саг ерэхэ.

Цэпаанияа 1:13

Тиигээд тэдэнэй баялиг дайсанай олзо болохо, гэр байшангуудынь эзэгүйрэн хооһорхо. Гэр баряашье һаа, тэдэ тэндэ ажаһуухагүй, үзэмэй модоной сэсэрлиг һуулгаашье һаа, үзэмэй дараһан архи тэдэ уухагүй.

Ударидагшад 9:27

Нэгэтэ шэхээмэйхид хээрэ гаража, уһан үзэм хуряагаад, тэрэнээ шахан даража, үзэмэй дараһан архи хэбэ. Тиигээд тэдэнэр һайндэрлэн сэнгэһэнэй һүүлдэ өөһэдынгөө бурханай һүмэ соо эдеэлбэд, ундалбад, муу муухайгаар Абимээлэхые хараажа эхилбэд.