Исай 15:5 - Библи

⁵ Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Исай 15:5 Referencias Cruzadas

Эхин 13:10

Лоот хараба: Иордан голой нюруу Цооһар хото хүрэтэр үргэлжэ бэлшээри, уһа һайтай, Эзэнэй Эдээм сэсэрлиг мэтэ, Египедэй баян шэмэтэй газар дайда мэтэ һалбаржа байба. Тэрэ үедэ Эзэн Содом болон Гоморро хотонуудые усадхаадүй байгаа.

Эхин 14:2

Эдэ дүрбэн хаашуул нэгэдэжэ, Содом хотын Бээрэ, Гоморро хотын Биршаа, Адмаа хотын Шинааб, Цэбоһиим хотын Шэмээбэр хаашуулда болон Бээла хотын, ондоогоор тэрэниие нэрлэбэл, Цооһар хотын хаанда эсэргүү дай үүсхэжэ эхилбэ.

Эхин 19:22

Зүгөөр ехэ яаралтай тиишээ гүйхэ хэрэгтэй. Таанадай тэндэ хүрөөдүйдэ бидэ хэрэгээ эхилхэ аргагүйбди. Энэ хото бага байһанһаа «Цооһар», оршуулбал, «Бишыхан» гэжэ нэрлэгдэнхэй.

2 Хаан түрэнүүд 15:23

Нютагаа орхин ошожо ябахадаа бүхы зон шангаар бархиралдан ябаа. Хаан Кидроон горхо гаталха гарасын хажууда байгаа. Бүхы арад зон сүл губи тээшэ замаар шэглэн ябаа.

2 Хаан түрэнүүд 15:30

Давид Элеон хада өөдэ үгсэхэдөө, толгойгоо бүглэн, уйлан, хүл нюсэгэн ябаба. Мүн тэрээнтэй хамта байһан бүхы зон толгойгоо бүглэн, уйлан ябаа һэн.

Исай 16:14

Мүнөө хадаа Эзэн иигэжэ айладхана: – Ажалда зониие хүлһэлэн абахадаа он жэлнүүдые тоолодогтол, гурбан жэлые тоолоходо, Моһаабай һүр жабхалан һуларан һүнэхэ. Олон зонһоонь оройдоол нэгэ хэдынь амиды мэндэ үлэхэ. Тэдэньшье ахир, хүсэгүй байхал.

Исай 22:5

Энэ болбол Үзэгдэлэй Нюрууда эхи эмхигүй үймөөнэй, хүл хөөрсэгэнөөн, һамараанай болохо үе сагые Түмэн Сэрэгтэ Эзэн тодорхойлон, маанад руу эльгээ! Хотын хэрэм хананууд эбдэгдэжэ, «абарыт!» гэһэн хашхараан хада уулаар сууряатана.

Исай 59:7

Гүйдэлөөрөө муу муухай хэрэгүүдые хэнэт, ямаршье зэмэгүй зониие аланат. Һанаан бодолтнай хилэнсэгтэ, харгы замтнай – сүйд, эбдэрэл.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 17:16

Эзэмни, эдээндэ гай тодхор татахыетнай Таниие би гуйжа байгаагүйб, гай зоболоной саг эдээндэ хүсэн байгаагүйб, энээниие Та мэдэнэт. Минии хэлэжэ байгаашые Та Өөрөө мэдэжэ байнат.

Ерэмияа 4:19

Сэдьхэлни, сэдьхэлни! Би зобожо байнаб. Зүрхэмни! Зүрхэмни аргагүй сохилно. Би миин байжа шаданагүйб! Дайнда дуудаһан бүреэгэй абяа дууланаб.

Ерэмияа 4:20

Гай тодхор дээрэ үшөө гай тохёолдоно, бүхы орон нютаг һандаргагдан хооһороо. Гэнтэ манай майхангууд эбдэгдээ, агшам зуур соо хүшэгэнүүднай ударагдаа.

Ерэмияа 48:3

Хоронааһимай зон хашхаралдана: «Сүйд! Агууехэ сүйд болобо!»

Ерэмияа 48:5

Лүхиидэй үгсүүгээр тэдэ уйлалдан үгсэнэ, Хоронааһим руу уруудаха замдаа тэдэ зобожо хашхаралдана:

Ерэмияа 50:46

«Вавилоон абтаа!» гэһэн оог хашхараанһаа газар доһолон хүдэлхэ, бусад үндэһэ яһатан хашхараа, шууяа дуулаха.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Тоололго 21:29

Таанадта, Моһаабай хүнүүдтэ, тодхор болохо! Таанад, Хэмоошто шүтэгшэд, хосорхот! Таанадай бурхан эрэшүүлыетнай зугадалганда, таанадай басагадые эмооршуудай хаанай мэдэлдэ үгөөл.