Исай 14:4 - Библи

⁴ Тэрэнэй эдэ бүгэдые гүйсэдхэхэдэнь, зон Вавилооной хааниие наадалжа, иигэжэ дууладаг болохо: «Дарлагшын эсэс ерээ! Уур хилэнгынь түгэсөө!

Исай 14:4 Referencias Cruzadas

2 Угай бэшэг 36:18

Бурханай гэрэй ехэ, бага бүхы үнэтэ хэрэгсэлнүүдые, хаанай, түшэмэлнүүдэйнь үнэтэ зүйлнүүдые бултыень тэрэ Вавилоон руу абаашаба.

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 13:19

Содом болон Гоморрые һалгааһандал, Бурхан хаан түрэнүүдэй шэмэг, халдейшүүдэй омогорхол Вавилоониие унагаан һандаргаха.

Исай 14:17

Дэлхэйе элһэн сүл губи болгоһон, хотонуудые һандаргааһан, баряанда абтаһан зониие оройдоошье табидаггүй хүн энэ гээшэ гү?»

Исай 14:5

Эзэн муу муухай зоной засаг зонхилолтые болюулба!

Исай 14:6

Тэдэ угаа хайра гамгүйгөөр арадуудые дарладаг байгаа. Диилэһэн үндэһэтэдөө эсэхэ сусахые мэдэнгүй мүрдэн гүрдэн байгаа лэ.

Исай 16:4

Моһаабай дүрбэгшэ зониие байлгыт, дээрмэшэдһээ халхалыт! Дарлагшад үгы болохо, сүйд һандарал болихо, энэ орон нютагта дайсад үгы болохо.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 47:5

Эзэн Вавилоондо иигэжэ айладхана: Харанхыда абяа шэмээгүй һуу, халдейшуудай басаган! Саашадаа шамайе хан түрэнүүдэй хатан гэжэ нэрлэхэгүйл!

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Исай 51:23

Таанадые тамалагшадта энээниие үгэхэб. Тэдэ таанадые газар дээрэ хэбтүүлэн, шорой мэтээр дээгүүртнай дэбһэн гараа бэлэйл».

Исай 54:14

Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 9:4

Тэдэниие даража байһан хөөмэгшэ, сохижо байһан ташуурые Та эбдээт. Хэзээ нэгэтэ Мидианай сэрэг һамна бута сохиһондол, Өөрынтнай зониие дарлажа-мүлжэжэ байһан арадые Та бута сохёот.

Ерэмияа 24:9

Газар дэлхэйн бүхы хаан түрэнүүдэй һүрдэмөөр гай тодхор тэдээндэ тохохоб. Минии тэдэниие тарааһан бүхы газарнуудаар зон тэдэниие энеэдэ наада бариха, доромжолхо, шоодборилхо ба хараал шэрээл табиха.

Ерэмияа 48:17

Дүтүүр ажаһуудаг арадууд, тэрэниие хайрлыт, тэрэниие һайн мэдэхэ улад, «Тэрэнэй хүсэ шадал һалаа, алдар солонь буураа!» – гэжэ хэлыт.

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Эзэкээл 5:15

Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!

Даниил 2:38

Хүн түрэлтэниие, хаанашье байг, ан арьяатаниие, жэгүүртэ шубуудые танай мэдэлдэ Тэрэ үгөө. Тэрэ хүрэгэй алтан толгой гэбэл, та болонот.

Аввакуум 2:17

Ливаанай ой модо хайра гамгүй усадхааш. Ан амитадые, улад зониие хюдааш, орон нютагуудые хооһоруулааш, һандаргааш. Энээнэй түлөө ши зэмээ амасахаш.

Гэршэлгэ 17:6

Бурханай арад зоной шуһа, Иисүүсэй гэршэнэрэй шуһа уугаад, тэрэ эхэнэрэй һогтошоод байхые харахадаа, гайхахын ехээр гайхабаб.

Гэршэлгэ 18:16

иигэжэ хэлэхэ: – Нарин гэгшын улһаар, алта мүнгөөр, үнгэтэ шулуу, һубадаар толоржо байһан үнэтэй сэнтэй улаан бүд хубсаһа үмдэһэн агуу ниислэл, шамда гашуудал зоболон тудаба!

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»