Исай 14:1 - Библи

¹ Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 14:1 Referencias Cruzadas

Эстээр 8:17

Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Псалманууд 102:13

Эсэгын хүүгэдээ хайрладагтал адли Тэрэ Өөрһөөнь түбэгшөөдэг зониие хайрладаг.

Псалманууд 102:14

Юуб гэхэдэ, Тэрэ юунһээ бидэнэй бүтээгдэһэниие мэдэнэ, маанадай тооһо шорой байһые һанажа байна.

Псалманууд 143:12

Хүбүүднай ургажа байгаа залуу ургамал мэтэ, басагаднай ордоной шэмэг бахана мэтэ байг лэ.

Псалманууд 98:3

Танай агуу, һүрдэмөөр нэрые тэдэ магтан дуулаг! Тэрэ хадаа арюун!

Исай 19:18

Тэрэ үе сагай ерэхэдэ, Египедэй табан хото соо зон еврей хэлэн дээрэ дуугаралдадаг болохо, Түмэн Сэрэгтэ Эзэниие дурдан тангаригладаг байха. Эдэ хотонуудай нэгэн «Наранай хото» гээд нэрлэгдэдэг болохо.

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 27:6

Ерэхэ сагта Израилиин улад зон, Яковай үри һадаһад, модон мэтэ үндэһэлжэ, сэсэглэжэ, үрэ үгэхэ. Бүхы юртэмсэ тэдэнэй жэмэсээр дүүрээд байхал.

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Исай 41:9

Би таанадые дэлхэйн захаһаа асаржа, газарай хирхагһаа дуудажа, иигэжэ айладхаа бэлэйб: Таанад Минии богоолнууд гээшэт. Би таанадые голоогүйб, шэлэн абааб.

Исай 44:1

Эзэн иигэжэ айладхана: Минии богоол Яков, Минии шэлэн абаһан Израиль, мүнөө одоо Намайе шагнагты.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 47:1

Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Исай 49:10

Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 49:15

Тиихэдэнь Эзэн иигэжэ харюусана: Эхэ хүн хүхүүлһэн хүүгэдээ мартажа шадаха гү? Түрэһэн үхибүүгээ хайрлангүй байжа шадаха гү? Мартабашье гэлэй, харин Би таанадые хэзээдэшье мартахагүйб!

Исай 49:25

Эзэн иигэжэ айладхана: «Тиимэ юумэн боложо болохо! Баряанда абтаһан сэрэгшье баатарһаа буляагдаха, хархис хаанай олзошье буляагдаха. Эдэ бүгэдые Би хэхэб! Би шинии дайсадтай тэмсэжэ, үхи хүүгэдыешни абархаб».

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Исай 56:3

Эзэнэй арад түмэнтэй ниилэһэн хариин хүн «Эзэн намайе Өөрынгөө зонһоо илгана» гэжэ бү хэлэг. Тайган хүн «Хатаһан модонби» гэжэ бү хэлэг.

Исай 60:10

Эзэн Иерусалимда иигэжэ хандана: Хариин зон хана хэрэмыеш бодхоохо, хаашуулынь шамда алба хэхэ. Уур дундаа Би шамайе хэһээгээ һэм, харин мүнөө шамда үршөөл хайраяа элирхэйлхэб.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Ерэмияа 16:15

Энээнэй орондо тэдэ Израилиин арадые хойто зүгэй орон нютагһаа, тараан абаашаһан бүхы орон нютагуудһаа гарган асарагша амиды мэндэ Бурхан гээд Минии нэрээр тангариглахал. Үбгэ эсэгэнэртэнь үгэһэн өөһэдын орон нютагта тэдэниие Би асархаб.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 30:8

Түмэн Сэрэгтэ Эзэн айладхана: Тэрэ дүтэлжэ байгаа үдэр Би тэдэнэй хүзүүн дээрэхи хөөмэгшые эбдэхэб, гэнжыень таһалхаб. Тиихэдэм тэдэ хариин зоной богоол болохоёо болихо.

Ерэмияа 31:4

Дахин таанадые һуурижан байгуулхаб, дахин таанад хэнгэрэгүүдээ барин, баяртайгаар бүжэглэн-хатаран байхат.

Ерэмияа 50:33

Түмэн Сэрэгтэ Эзэн иигэжэ айладхана: – Израилиин болон Иудын хан түрын улад зон дарлагданхай. Тэдэниие олзологшод бултадаа тэдэниие шанга баринхай, табиха дурагүй.

Ерэмияа 51:51

Таанад хэлэхэдээ, «бидэ доромжолуулагдаабди, эшээбди, ямаршье хүсэгүй байнабди, юуб гэхэдэ, хариин зон Эзэнэй Һүмэдэ нангин газарнуудые бузарлаа» гэнэт.

Эзэкээл 16:60

Гэбэшье залуу хонгор байхадаш шамтай баталһан хэлсээгээ Би мартахагүйб, энэ хадаа хэтэ мүнхэдөө хүсэндөө байха гээд найдуулхаб.

Эзэкээл 47:22

Жээрэб татан хубаарилаарайгты. Энэ газар таанадай уг залгамжалгын зөөри болохо. Танай дунда ажаһуугша, үхи хүүгэдээ тэндэ түрэн үндылгэгшэ ерүүл зон Израилиин арад зонтой адли өөрын хуби газарта хүртэхэ.

Захарияа 1:17

Үшөө иигэжэ зарлаарай: Түмэн Сэрэгтэ Эзэн иигэжэ айладаа: Минии хотонууд хүгжэн һалбарха. Эзэн Сиониие дахяад тайбшаруулжа, Иерусалимые дахин шэлэхэ.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Лука 1:54

Үбгэ эсэгэнэртэмнай амалһанаа Тэрэ гүйсэд бэелүүлээл, Израиль зарасадаа аша туһатай байгаал,

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.