Исай 13:21 - Библи

²¹ Тэндэ зэлүүд хооһон газарай зэрлиг ан амитад амидардаг байха, гэрнүүдынь шара шубуугаар дүүрэшэхэ. Тэндэ тэмээн хяруулнууд амидарха, һаглагар тэхэнүүд собхоролдохо.

Исай 13:21 Referencias Cruzadas

Исай 14:23

Вавилоониие заряануудай байра, намаг болгохоб. Бүхы юумэ усадхадаг шүүрээр Вавилоониие хаман гаргахаб. Энэ хадаа Би, Түмэн Сэрэгтэ Эзэн, айладхана мүн!»

Исай 23:13

Вавилооншуудай газар дайда харагты – энэ арад түмэн тэндэ бэшэ үгы. Ассири газар дайдыень сүл губиин зэрлиг амитадай байра болгобо. Тэдэ бүһэлэлтын самхагуудые бодхожо, ордон гэрнүүдыень һандаргааба, хумхаа тооһон болгобо.

Исай 25:2

Хотонуудые эбдэрхэй шулуун обоо, бүхэлэлтэнүүдыень һандархай шулуун болгобот. Хариин зоной ордонгууд һандараа, хэзээдэшье һэргээгдэхэгүй.

Исай 32:14

Ордоншье хаягдан, шууяатай хотошье хооһорон мартагдаха, хэрэм самхагуудынь һандаргагдаха, малай бэлшээри, хулангуудай хорёо болохо.

Ерэмияа 50:39

Тэндэ сүүбэн шононууд хээрын аймшагтай амитадтай хамта байрлаха, муухай, сээртэй шубууд уурхайлха. Зон тэндэ хэзээдэшье байрлахагүй.

Левит 11:16

Тэмээн шубуун, шара шубуун, хайлгана, элдэб янза түрэлэй харсага баһа эдихэ хэрэггүй;

Михей 1:8

Энээнһээ боложо, би гашуудахаб, сурхирса уйлахаб, хүл нюсэгэн, шараа нюсэгэн ябахаб, айһандаа сүүбэн шоно мэтэ улижа, айран тэмээн хяруул мэтэ хашхаран байхаб.

Цэпаанияа 2:14

Тэндэ мал һүрэг, элдэб ан амитад бэлшэхэ, шара шубуун һандархай шулуунууд соо байрлажа, сонхоорнь һүхирэн байха. Үүдэнэй бахананууд дээр мүн лэ һандарал үзэгдэхэ, юуб гэхэдэ, үнэтэ хуша модон бүреэһэниинь үгы болохо.

Гэршэлгэ 18:2

Тэрэ Эльгээмэл бардаастай шангаар иигэжэ хашхарба: – Агуу ниислэл Вавилоон һалаа, һалаа! Энэ ниислэл ада шүдхэрнүүдэй шэбээлдэг газар, элдэб эсын боохолдойнуудай обооролдодог үүр, элдэб эсын бузар шубуудай суглардаг үүр, элдэб эсын бузар булай, жэрхэштэй муухай арьяатадай шэбээлдэг газар болошоо.