Исай 13:18 - Библи

¹⁸ Тэдэ һурша номоороо залуу зониие хюдаха, нялхануудыешье хайрлахагүй, хүүгэдые хайрлаха гэжэ тэдээндэ үгы».

Исай 13:18 Referencias Cruzadas

4 Хаан түрэнүүд 8:12

Хазаһээл тэрээндэ хандажа: – Та юундэ уйланат? – гэжэ һураба. – Юундэб гэхэдэ, би мэдэнэб, – гэжэ Элишаа харюусажа эхилбэ. – Ши израильшуудта ехэ уйдхар асарха байнаш. Ши тэдэнэй хэрэмүүдые үнэһэн тоборог болготор галдахаш, ши тэдэнэй эдиршүүлтэй элдээрээ тэмсэхэш, балшар багашуулыень хэсэг болотор сабшахаш, жэрмэһэн эхэнэрнүүдэйнь гэдэһые гаргахаш.

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Псалманууд 127:3

Һамганшни гэртэшни үрэ жэмэстэй уһан үзэмэй модон мэтэ, хүбүүдшни шэрээешни тойроһон чидун модондол адли.

Исай 13:16

Хараһаар байтарынь нарай үхи хүүгэдынь үхэтэрөө сохюулха, гэр байрануудынь тоногдохо, һамгадынь хүсөөр эдлүүлэгдэхэ.

Исай 47:9

Нэгэтэ эдэ бүхы юумэн шамтай тохёолдохо. Эди шэдиеэ хэды хэрэглээшье һаа, үбгэеэ, хүүгэдээ алдахаш.

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 5:16

Тэдэнэй харбаашадынь бултадаа хүсэтэй, хайра гамгүй аладаг зон.

Ерэмияа 50:30

Тиимэһээ бүхы залуу зониинь хотын үйлсэнүүд дээрэ алуулагдаха, бүхы сэрэгшэдынь тэрэ үдэр усадхагдаха. Энэ болбол Би, Эзэн, айладхана мүн!

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 51:22

Эрэ, эмэ хүниие, хүгшэн, залуу зониие, хүбүүн, басага таанадыел хэрэглэн аладаг һэм.

Ерэмияа 6:23

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Сионой басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Даниил 7:5

Хоёрдохи амитан хойто хүлнүүд дээрээ зогсоод байһан баабгайдал адли һэн. Амандань, шүдэнүүдэйнь хоорондуур гурбан яһан харагдаа бэлэй. «Добтолжо, зоргоороо мяха эди!» гэжэ тэрээндэ хэлэгдээ һэн.

Наум 2:1

Тараан бутаргадаг нэгэн шамда добтолхоор ерэжэ байна. Цайзаа хамгаала! Харгы замые хаража бай! Шандааһаяа шангала, хүсэ шадалаа нөөсэлэ!

Наум 3:10

Теэд тэрэшье сүлэлгэ руу туугдан ошоо, баряанда ябаа. Нарай нялхануудыньшье гудамжануудай уулзуур дээрэ тэһэ биса сохюулжа алуулаа, хаанай уг удам зониинь үнэ сэн хаюулан, худалдагдаа, бүхы түшэмэлнүүдынь гэнжэлэгдээ.