Исай 13:11 - Библи

¹¹ Эзэн иигэжэ айладхана: «Муу муухайнь түлөө Би энэ газар дэлхэйе хэһээхэб, муу зондо гэм зэмэйнь түлөө хэһээлтэ амасуулхаб! Бардам, ехэрхүү һанаатай зоной хамарые сохихоб, Хэрзэгы дошхон зоной бардам зангые болюулхаб!

Исай 13:11 Referencias Cruzadas

Иоов 40:12

Һүүлынь хүдэлхэдөө, хуша модон мэтэ, хүлэйнь булшангууд шулуун мэтэ хатуу.

Һургаал 11:31

Үнэн шударга хүн хүртэхэ ёһотойгоо энэ дэлхэй дээрэ хүртэдэг һаань, хара һанаатан ба нүгэлтэн хэды дахин үлүү харюуда хүртэхэ ушартай.

Һургаал 8:13

Эзэнһээ бэшэрэл хадаа хорото мууе үзэн ядаха ябадал юм. Бардамлал, ехэрхүү зан, хорото зам ба худалша амые би үзэн яданаб.

Исай 11:4

Үгытэй ядуу зоной хэрэгүүдые үнэн зүбөөр шиидхэжэ, бэеэ аршалжа шадахагүй хүнүүдэй эрхэнүүдые хамгаалжа тэрэ байха. Үгэ хүүрээрээ газарые хюдажа, эшхэрхэдээ, муу хүниие һалгаажа байха.

Исай 14:21

Эсэгынь гэмэй түлөө хүбүүдтэнь саазын табсан бэлдэгты! Тэдэнэй хэнииньшье орон нютагые зонхилон һуухагүй, хотонуудаараа дэлхэйе бүрхөөхэгүй!

Исай 14:5

Эзэн муу муухай зоной засаг зонхилолтые болюулба!

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Исай 2:17

Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.

Исай 22:14

Түмэн Сэрэгтэ Эзэн намда айладхаба: «Үхэтэртнай энэ нүгэлтнай сагааруулагдахагүй!» Иигэжэ Түмэн Сэрэгтэ Эзэн айладхана мүн.

Исай 23:9

Бүхы гоо үзэсхэлэнгыень, бардам бахархалыень доромжолхын тула Түмэн Сэрэгтэ Эзэн энээниие түсэблэн хээ юм.

Исай 24:21

Огторгойн сэрэг, газарай хаашуулые Эзэнэй хэһээхэ сагынь тэрэ үдэр!

Исай 25:3

Тиимэһээ хүсэтэй арадуудай улад зон Таниие магтан, алдар соло дуудан байха. Хархис хэрзэгы үндэһэ яһатанай хотонуудта зон Танһаа айн байхал.

Исай 25:5

Ган гасуур газарай ааяма халуундал адли, үүлэнэй һүүдэрэй бүгшэм халууниие нам болгодогтол, Та хариин дайсадай шууяа шурхираа болюулбат, дарлагшадые аниргүй болгобот.

Исай 26:21

Гэм хэһэнэйнь түлөө дэлхэйн зониие хэһээхэеэ Эзэн Өөрынгөө огторгойн ордонһоо гаража байна. Дэлхэй дээрэ нюусаар хүниие алаһан ушарнууд эли тодо боложо, дахин далдалагдахагүй.

Исай 29:20

Зониие дарлажа байгаашадта, Бурханиие хүндэлдэггүйшүүлдэ энэ хадаа эсэс болохо. Гэмтэй хүн бүхэн хюдагдаха.

Исай 29:5

Иерусалимда добтолһон дайсад тооһондол мэтээр үлеэгдэн һалаха, тэдэнэй аймшагтай сэрэг һолоомодол хиидэн үгы болохо. Гэнтэ, нюдөө сабшама зуура

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 5:15

Зон доромжологдон номгорхо, бардам зантайшуулшье бултадаа галхаха.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 48:29

Моһаабай бардам зан, үлүү ехэ бардамлалгые, бэеэ ехэ үндэрөөр сэгнэдэг тухайнь дуулаһан байнаб.

Даниил 4:34

Мүнөө хадаа би, Навуходоносор хаан, Хаан Тэнгэридэ алдар соло түүрээнэб, нэрэ хүндынь дээрэ үргэнэб, магтан дууланаб: Хэһэн хэрэгынь үнэн, ябадалынь үнэн шударгы. Бардам зониие Тэрэл номгоруулха шадалтай.

Аввакуум 2:4

Зай, бардам зантай хэн нэгэниие Би тоохогүйб. Үнэн сэдьхэлтэн этигэл һүзэгэйнгөөл ашаар амидарха.