Исай 12:6 - Библи

⁶ Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 12:6 Referencias Cruzadas

Псалманууд 135:21

Газарыень Тэрэ эзэлүүлээ. Юуб гэбэл, энэрэл хайрань хэтэ мүнхын.

Псалманууд 46:5

Тэрэ маанадта дуратай Яковай һүр жабхалангаа – уг залгамжалан дамжуулха газар шэлээл. [Хүгжэм]

Псалманууд 68:16

Урасхалда намайе бү абтаагыт, гүн уһан намайе бү шэнгээг, Дээгүүрни нүхэнэй аман бү хаагдаг лэ.

Псалманууд 9:11

Нэрыетнай мэдэдэг зондо Та этигэл найдалынь гээшэт, юуб гэбэл, Таниие бэдэрэн дагагшадые орхидоггүйт.

Псалманууд 99:2

Эзэндэ баяртай алба хыт, Тэрээнэй урда хүхилдэн ерэгты!

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Исай 10:24

Сион уула дээрэ ажаһуугша арад зондоо Түмэн Сэрэгтэ Эзэн иигэжэ айладхана: «Минии арад түмэн, Сионой ажаһуугшад! Ассириин зонһоо бү айгты! Египедэй зоной дарлан зобоодогтол адляар таанадые тэдэнэй зобоогоошье хадань.

Исай 24:14

Амиды мэндэ үлөөшэд баярлан хөөрэн байха. Баруун зүгтэ байгаашад Эзэнэй һүр жабхалангые магтан дуулаха.

Исай 24:23

Түмэн Сэрэгтэ Эзэнэй Сион хада уулаһаа Иерусалимые зонхилон-захиран хаан шэрээ эзэлжэ залархада, һүр жабхалангынь арадай удамаршадай урда угаа ехээр яларжа-толоржо, һара, наранай гэрэл тэрэниие диилэжэ шадахагүй.

Исай 30:19

Сион дээрэ, Иерусалимда ажаһуугша арад! Танай нёлбоһод хатаха. Абарал тушаа гуйхадатнай, Эзэн таанадта туһалха, таанадые дуулажа, харюу үгэхэ.

Исай 33:21

Тэндэ бидэнтэй хамта агууехэ Эзэн заларха, тэрэ газарта урасхалнууд, үргэн гол мүрэнүүд байха, гэбэшье тэндэ уһа һэлигшэдтэй онгосонууд тамаран ерэхэгүй, мантан уһанай онгосо тиишээ тамаран орожо шадахагүй.

Исай 33:24

Манай газарта ажаһуудаг зоной нэгэнииньшье үбшэ хабшанби гэжэ гомдожо байхагүй, эндэ амидардаг бүхы зоной нүгэл арюудхагдаха юм.

Исай 40:9

Иерусалим, үндэр хада уула өөдэ гаража, һайн мэдээ соносхо! Сион, хоолойгоо шангадхан, һайн мэдээ дуулга! Соносхогты, бү айгты! Иудын хан түрын хотонуудта Бурханайнь заларан ерэжэ байһые дуулгагты!

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 54:1

Иерусалим, ши үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха. Иигэжэ Эзэн айладхаа.

Исай 60:16

Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 8:18

Эзэнэй намда даалгаһан үхибүүдтэй би мүнөө эндэ байнаб. Бидэ Израилиин улад зондо дүлгэ тэмдэг, амиды гэршэлэлгэнүүд болонобди. Бидэ Сион уула дээрэ заларан оршогшо Түмэн Сэрэгтэ Эзэнээр эльгээгдэнхэйбди.

Ерэмияа 10:6

Эзэн, Тандал адли хэншье үгыл! Та агууехэт. Танай нэрэ агууехэ ба хүсэн түгэлдэр!

Эзэкээл 35:10

Иудын хан түрэ болон Израиль манай болохо, газарыень эзэмдэн ажаһуухабди гээд хэлээ бэлэйт. Харин Би, Эзэн, тэдэнэй Бурхан байнаб.

Эзэкээл 39:7

Минии арад түмэн Израиль Намайе мэдэдэг болохо, тиигээд нангин нэрыем бэшэ бузарлахаа болихо. Дэлхэйн арадууд Намайе Израилиин нангин Эзэн Бурхан гээд ойлгохо.

Эзэкээл 43:7

– Хүнэй үри Эзэкээл! Энэ үргөө болбол газар дэлхэй дээрэхи Минии хаан шэрээ мүн. Би эндэ Израилиин арад зоной дунда хэтэ мүнхэдөө оршохоб. Онгонуудта мүргэжэ гү, али үхэһэн хаашуулаа шүтэн байхаяа тэдэ болихо. Иигэжэ тэдэ болон хаашуулынь Минии нангин нэрэ гутаахаяа болихол.

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Эзэкээл 48:8

Иудын обогой газарай удаа, урагшаа, тусхай хуби газар байха. Тэрэнэй утань хорин табан мянган тохой, үргэниинь бусад хуби газарнуудтай адли байха. Тэрэ тусхай хуби газар дээрэ Минии нангин үргөө оршохо.

Һошээ 11:9

Уур сухал дундаа иимэ юумэ хэхэгүйб, Израилиин арад түмэниие усадхахагүйб, юуб гэбэл, Би хүн бэшэ, таанадай дунда арюун Бурхан гээшэб! Би хото руу орохогүйб!

Ёһээл 2:27

Иигэжэ таанад Намайе Израилиин дунда байхыем харахат, таанадай гансахан Бурхан, Эзэн мүн гэжэ ойлгохот.

Цэпаанияа 2:5

Далайн эрьеэр ажаһуудаг хэрээдэй зон, таанарта гай гасалан ушарха! Пилиштын Ханаһаан һуури, Эзэн шамайе буруушааһан зарлигаа буулгаа! Тэрэ таанарые хюдаха, нэгэшье хүн амиды үлэхэгүй.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Захарияа 2:9

Түмэн Сэрэгтэ Эзэн айладана: «Мутараа тэдээндэ далайхадам, богоолнуудайнгаа олзо болохол даа». Тиихэдэнь намайе Түмэн Сэрэгтэ Эзэн эльгээгээ гэжэ таанад мэдэхэт.

Тоололго 23:21

Яковта тэрьедэлгэ харагданагүйл! Израильда гай тодхор болохогүйл! Тэдээнтэй хамтал Эзэн Бурхан! Тэдээнтэй хамтал Хаан гээд зар тунхагтай!

Хуули дабталга 23:15

Ямар нэгэ богоолой эзэнһээ тэрьелжэ ерээ гээшэ һаань, тэрэниие эзэндэнь бү бусаа.