Исай 12:4 - Библи

⁴ Тэрэ үдэр иигэжэ хэлэхэт: «Эзэниие магтан дуулагты! Нэрыень дуудагты! Бүтээһэн хэрэгүүдынь зондо мэдүүлэгты! Агууехэ байһыень зондо һануулагты!

Исай 12:4 Referencias Cruzadas

1 Угай бэшэг 16:8

– Эзэниие магтан дуулагты, нэрыень дурдан дуудагты. Арадуудта хэрэгүүд тушаань дуулгагты;

1 Угай бэшэг 29:11

Танай Эсэгэ, мүн тэнгэри, газар дээрэхи алдар суу, алдар хүсэн, алдар соло, эдэ бүхыдөө Танайл: Минии Бурхан Хамагые эзэмдэгшэ мэтэ бултанһаа эрхимынь Та гээшэт, хан түрэ, Бурхан, Танайл.

Нэхэмьяа 9:5

Иисүүс, Кадмиһээл, Бании, Хашабнэяа, Шэрээбияа, Һодьяа, Шэбааньяа, Пэтаахияа гэгшэ левидүүд: – Бодогты, тиигээд өөһэдынгөө Эзэн Бурханда магтаал үргэгты! Алдар нэрыень хэтын хэтэдэ магтан дуулагты! Хэнһээшье ехэ алдар солотой, ямаршье магтаалһаа үлүү лэ Танай нэрэ! – гэгты.

Псалманууд 105:1

Эзэниие магтагты! Эзэндэ магтаал үргэгты, юуб гэбэл, Тэрэ һайн, энэрэл хайрань хэтэ мүнхэдөө!

Псалманууд 113:5

Далай, юундэ тэрьедэбэш? Иордан, юундэ һөөргөө урдабаш?

Псалманууд 148:13

тэдэ бултадаа Эзэнэй нэрэ магтан дуулаг. Юуб гэбэл, Тэрэнэй нэрэ юунһээшье дээгүүр үргэмжэлэгдэнхэй, һүр жабхалангынь дэлхэй дээрэ, тэнгэридэшье мүн.

Псалманууд 21:13

Бухадал адли хүлзэжэ, дайсад намайе тойроол! Башаанай тобир буханууд намайе хүреэлөө.

Псалманууд 34:3

Жада, һүхэ абаад, намайе намнагшадые угтаарайт. «Би шинии абарал мүн!» гэжэ намда хэлыт.

Псалманууд 40:5

«Эзэн, намайе хайрлыт, намайе эдэгээгыт, юуб гэбэл, Танай урда нүгэл хээб!» гэбэб.

Псалманууд 46:10

Арадуудай удамаршад Абраһаамай Бурханай арад зон мэтэ суглараа! Газар дэлхэйн ноёд Бурханда хандаа! Бурхан бүгэдын дээгүүр үргэмжэлэгдөө!

Псалманууд 57:5

Тэдэ могойн хорондол адли хоротой, тэдэ шэхээ бүтүүлһэн дүлии нажа могойтой адли.

Псалманууд 68:5

Ямаршье шалтаггүй аад, намайе үзэн ядагшад толгойн үһэнһөөмни олон байна. Зүб бэшэ аад, намайе мүрдэгшэд хүсэтэй. Хулгайлаагүй юумэеэ бусааха ёһотойлби.

Псалманууд 9:11

Нэрыетнай мэдэдэг зондо Та этигэл найдалынь гээшэт, юуб гэбэл, Таниие бэдэрэн дагагшадые орхидоггүйт.

Псалманууд 96:3

Урда тээнь гал дүлэн гарана, дайсадыень тойроод шатаана.

Псалманууд 97:9

Эзэнэй урда! Юуб гэбэл, Тэрэ газар дэлхэйе шүүхэеэ заларжа байна. Тэрэ юртэмсые зүб шударгаар, арадуудые сэхэ тэгшээр шүүбэрилхэ!

Египедһээ гаралга 15:2

Хүсэн түгэлдэр Эзэн минии Бурхан, Алдар соломни, абарални бологшо Ашата Бурхамни! Элинсэгэйм, эсэгым Бурхан болоо. Эгүүридэ Тэрэнэй соло дуудахалби!

Египедһээ гаралга 33:19

Эзэн айладаба: – Бүхы һайн һайханаа урдууршни гаргахаб, шинии урда Өөрын нэрэ тунхаглахаб. Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:17

Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.

Исай 24:15

Дорно зүгэйхид, Эзэндэ алдар соло дуудагты! Далайн эрьеэр ажаһуугшад, Израилиин Эзэн Бурханай нэрые алдаршуулагты!

Исай 25:1

Эзэн, Та – минии Бурханта. Таниие ехэ хүндэлэн, нэрыетнай магтан-дуулан байнаб. Та эртэнһээ түсэблэһэн гайхамшагта хэрэгүүдээ түгэс найдамтайгаар дүүргэбэт.

Исай 26:8

Тиимэ, Танай тогтоолнуудай замаар ябанабди, Эзэн, Тандаа найданабди! Танай нэрэ дуудаха гээшэ сэдьхэлэймнай хүсэл мүн.

Исай 33:5

Эзэн үндэртэ залардаг, дээрэ Тэрэ оршодог. Тэрэ Сион дээр шударга ёһо, үнэн зүбые баталан байгуулаа.

Исай 42:12

Холын орон нютагуудаар ажаһуугшад Эзэн Бурханда магтаал, алдар соло үргэг лэ!

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Иоанн 17:26

Танай Намда дурладагтал адли дуран тэдэнэй досоо байхын тула, мүн тэдэнэй досоо Минии байхын тула, Би тэдэндэ Танай нэрые нээгээб, нээжэшье үгэхэб.