3 Абаралай булагһаа баяртайгаар уһа удхан байхат!
Бузар муухай хэрэгүүдые үйлэдэгшэд усадхагдаха, харин Эзэниие хүсэн хүлеэгшэд газар нютагые уг залгамжалха. ו Ваав
Та намайе угаа гүнзэгы нүхэндэ, харанхы газарта, гүн руу табяат.
Инагни! Уулын һаглагар мододой дунда алим модоной үзэмжэтэйдэл адли олон түмэн хүбүүдэй дундаһаа онсо һайханиинь ши мүн. Алим модоной һүүдэртэ һуугаад, үрэ жэмэсынь таһалан эдихэдэ амта шэмтэнь угаа һайхан.
Би нюсэгэн гүбээнүүд дээрэһээ гол урдахуулжа, нюруу газарай дунда булаг бурьялуулхаб. Элһэн сүл губи газарые уһан сөөрэм болгожо, хатаһан газарые уһан булагаар элбэг болгохоб.
Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.
Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.
Энэ уһанай урдаһан газарта хаа-хаанагүй амитадай, загаһанай элдэб олон янза амидардаг байха. Юундэб гэхэдэ, энэ урасхал дабһатай уһые дабһагүй һайн болгоно, ажамидарал асарна.
Тэрэ үдэр Давидай гэр бүлынхидтэ, Иерусалимай оршон һуугшадта шэнэ булаг урдаха. Тэрэ булаг нүгэл наманшалхын ба бузар арилгахын түлөө дэлбэрхэ.
Тэрэ Өөрынгөө хизааргүй ехэ, урданайхиһаа үлүү ехэ буян хэшэгтэ маниие хүртүүлээ.
Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.
Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!
Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».
Ханнаа иигэжэ зальбаран мүргэбэ: – Эзэн зүрхыем баяраар билтаруулаа, Бурханай туһаар хүсэн түгэс болооб. Дайсадаа наада харан хүхинэб, Эзэнэй туһалһанда угаа баяртайб.
