Исай 11:9 - Библи

⁹ Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 11:9 Referencias Cruzadas

Иоов 5:23

Шулуу шоройшье һаа, шамда түшэг болохо, хээрын амитан шамтай эбтэй байха.

Псалманууд 72:19

Хосоролынь гэнтэ ерэхэ! Тэдэ үхэхэ, эсэсынь угаа муухай байха.

Исай 11:13

Эпрааимай хан түрын атаархал болихо, Иудын хан түрын дайсан мэтэ байхань үгы хэгдэхэ, тэдэ эбтэй эетэй болохо.

Исай 11:8

Хорото могойн хажуугаар наадагша үхибүүн ямаршьегүй үлэхэ.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Исай 32:16

Энэ сүл губида үнэн шударга ёһо тогтохо, үрэжэлтэ таряаланда үнэн зүб оршохо.

Исай 33:6

Тэрэ танай ажабайдалда найдамтай аршалалта болохо. Үршөөдэг эрдэни зэндэмэнинь – мэргэн ухаан, эрдэм мэдэсэ, Өөрһөөнь түбэгшөөлгэ.

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 45:6

Тиихэдэм Намһаа ондоо ямаршье Бурхан байхагүй, Намайе Эзэн гэжэ наранай мандаха зүгһөө эхилээд, наранай орохо зүг хүрэтэр зоной мэдэхэнь болтогой!

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 54:5

Шамайе Бүтээгшэ бол үбгэншни мүн, нэрэнь – Түмэн Сэрэгтэ Эзэн. Израилиин арюун Бурхан шинии Абарагша мүн, бүхы дэлхэйн Бурхан гэжэ нэрлэгдэдэг.

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 65:25

Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Ерэмияа 31:23

Израилиин Бурхан, Түмэн Сэрэгтэ Эзэн иигэжэ айладхажа байна: – Минии тэдэниие нютагтань бусаан, һайн һайханаар һэргээхэ үедэ тэдэ Иудын хан түрын газар дайдада болон хотонуудтань дахин эдэ үгэнүүдые хэлэжэ эхилхэ: «Үнэн зүбэй гэр, Иерусалимай нангин хада, Эзэн шамайе юрөөхэнь болтогой!»

Ерэмияа 31:34

Тэдэнэй хэнииньшье Эзэниие мэдэ гэжэ нүхэдөө гү, али аха дүүнэрээ һургахагүй, юундэб гэхэдэ, тэдэ багаһаа томо хүрэтэрөө бултадаа Намайе мэдэжэ байха. Би тэдэнэй гэм зэмые хүлисэжэ, нүгэл тухайнь дахин дурдахагүйб. Энэ хадаа Би, Эзэн, айладхана мүн!

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Эзэкээл 47:5

Тэрэнэй дахин мянган тохой хэмжэхэдэнь, тэндэ минии ябаад гарахын аргагүй, гансал һамархаар гүнзэгы уһан байба.

Даниил 11:45

Тэрэ далайн болон нангин үргөөгэй оршодог хада уулын хоорондо хаанта майхангуудаа татаха. Теэд эсэсынь ерэжэ, хэншье тэрээндэ туһалхагүй.

Даниил 12:4

Ши, Даниил, эдэ үгэнүүдые ном соо хадагалжа, тамгалаад, энэ дэлхэйн дүүрэтэр нюугаад байгаарай. Олон зон юумэ ойлгохоёо һэдэжэ, тэрэниие бэдэрхэл.

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Аввакуум 2:14

Юуб гэбэл, уһан далайе дүүргэдэгтэл, газар дэлхэй хадаа Эзэнэй алдар тухай мэдэсээр дүүрэнхэй байха.

Захарияа 14:9

Тэрэ үдэр Эзэн бүхы дэлхэйн хаан боложо, Эзэн ганса, Тэрэнэй нэрэнь ганса байха.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Фессалоникиинхидтэ 1-дэхи 5:15

Таанадта муу юумэ хэхэдэнь, харюудань муу юумэ бү хэгты, харин бэе бэедээ, хүн бүхэндэ ходо һайн юумэ хэхые оролдогты.

Гэршэлгэ 21:27

Бузарлагдаһан ямаршье юумэн тэрэ хотодо орохогүй, гутамшаг муухай юумэ хэгшэд, мэхэ гохо гаргагшад тэрэ хотодо орохогүй. Үргэлэй Хурьганай амидаралай ном дэбтэртэ нэрээ бэшүүлһэн хүнүүд лэ тиишэ оруулагдаха.