Исай 11:12 - Библи

¹² Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 11:12 Referencias Cruzadas

Псалманууд 107:3

Ятага, морин хуур, һэриит! Би үүрэй толониие һэреэхэб.

Псалманууд 147:2

Юуб гэбэл, Тэрэ бартаануудайтнай шэбхэ бүхэлнэ, таанарай дундахи хүбүүдыетнай юрөөнэ.

Псалманууд 60:4

Та минии хорохо газар, дайсанһаа хамгаалха бүхэлэлтэ мүн.

Псалманууд 68:22

Эдеэн гэжэ намда хоро үгэнэ. Ангажа байхадам, уксус уулгана.

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 24:16

Дэлхэйн алас холоһоо «Зүб Шударга ябадалтайда алдар соло!» гэһэн магтаал дуу соносонобди. Теэд минии досоо ехэ муу байна. Би иигэжэ байжа шадахагүйб! Урбагшад урбаһан зандаа, бүри хэтэрэн урбажа байнал.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 49:22

Эзэн Бурхан Өөрын арад зондо иигэжэ айладхана: «Үндэһэ яһатанда Би дохёо тэмдэг үгэхэб, обогуудта гэжэ тугаа үргэхэб. Тиихэдэм тэдэ гэр руунь үхи хүүгэдыешни асарха.

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 54:7

«Би шамайе агшам зуура орхибошье, агууехэ хайра үзүүлэн, һөөргэнь абахаб.

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 60:4

Оршон тойроод харыш: улад зоншни гэртээ ерэхэеэ забдажа байна. Хүбүүдшни алас холоһоо ерэхэ, басагадыеш үхи хүүгэд мэтээр гар дээрээ үргэн ерэхэ.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 30:17

Дайсадтнай таниие «Сион – хэндэшье хэрэггүй, хэншье тэрэниие анхархагүй» гээд хэлээ. Теэд Би танда тэнхээ үгэхэб, шархыетнай эдэгээхэб. Энэ болбол Би, Эзэн, айладхана мүн!

Ерэмияа 50:4

Эзэн иигэжэ айладхана: – Израилиин улад зоной болон Иудын хан түрын зоной Намайе, Өөрынгөө Бурханиие, бэдэрэн бархиралдаха саг дүтэлжэ байна.

Ерэмияа 51:12

Вавилооной хэрэм хананууд руу добтолжо эхилхэ тухай тэмдэг үгэгты! Харуул бүхэлэгты, манаа табигты! Хүниие отуулагты!» Вавилооной улад зондо хэхэб гэжэ айладхаһанаа Эзэн бэелүүлбэ гээшэл.

Эзэкээл 28:25

Эзэн Бурхан иигэжэ айладхана: тараһан арадуудайнь дундаһаа Израилиин улад зониие суглуулхаб, тиихэдэм үндэһэ яһатад Минии нангин байһые ойлгохо. Албатан Яковтаа үршөөһэн орон нютагтам Израилиин арад түмэн дахяад ажаһуудаг болохо.

Һошээ 1:11

Иудын болон Израилиин улад зон хамтаржа, өөһэдтөө нэгэ удамаршые шэлэжэ табиха, өөрын газар уһанда бусаха. Энэ болбол Езрээлэй агууехэ үдэр болохо!

Һошээ 2:2

Эхэеэ зэмэлэн урдаһаань тулагты, зэмэлэгты! Тэрэ минии һамган бэшэ, Би тэрэнэй нүхэр бэшэ болооб. Тэрэ забхай ябадалаа болюулжа, урбахаяа бэшэ болиг лэ!

Цэпаанияа 3:10

Эфиопиин гол горходые гаталан, Минии тараагдаһан арад түмэн, Минии үнэнхэ мүргэлшэд Намда үргэлнүүдые асарха.

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Захарияа 8:7

Түмэн Сэрэгтэ Эзэн иигэжэ айладана: «Харагты, Би Өөрын арад түмэниие наранай мандаха газарһаа ба наранай шэнгэхэ газарһаа абарха гэжэ байнаб.

Иоанн 7:35

Тиихэдэнь еврейнүүд өөһэд дундаа хөөрэлдэбэ: – Үгы, бидэнэй Тэрэниие олохогүй ямар газарта Энэмнай ошохоёо түхеэрбэб? Али грегүүдэй дунда тарашоод байһан манай улад зондо ошожо, грегүүдые һургахаяа һанаба гү?

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.

Гэршэлгэ 7:1

Тэрэнэй һүүлээр газар дэлхэйн дүрбэн буланда дүрбэн Эльгээмэлнүүдэй зогсожо байхые харабаб. Тэдэ Эльгээмэлнүүд газар дайда руу, уһан далай руу, ой модо руу һалхилхагүйн тула дэлхэйн дүрбэн һалхиие халхалан барижа байгаа.