Исай 11:11 - Библи

¹¹ Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 11:11 Referencias Cruzadas

Эхин 10:10

Түрүүшээр тэрэнэй хаан түрэ Вавилоон, Ээрэх, Аккаад, Калнээ гэдэг хотонуудһаа бүридэдэг бэлэй. Эдэ бүгэдэ Шинаар гэдэг орон нютагта оршодог байгаа.

Эхин 10:22

Шээмэй хүбүүд гэбэл: Элаам, Ашшуур, Арпахшаад, Лүүд ба Араам.

Эхин 11:2

Олон зон зүүн зүгһөө нүүжэ, Шинаар ороной нюрууда ерэжэ һуурижаба.

Эхин 14:1

Шинаарай хаан Амрапээл, Ассириин Элласаар хотын хаан Ариоох, Элаам уласай хаан Хэдорлаһоомэрэй, мүн Месопотамиин Гоим хотын хаан Тидаал гэгшэдэй үедэ энэ үйлэ хэрэг болоо бэлэй.

Эхин 2:13

Хоёрдохи голынь Гихоон гэжэ нэрэтэй, Күүш гэжэ орон дайдые тойрон урдана.

4 Хаан түрэнүүд 17:24

Ассириин хаан өөрынгөө хүнүүдые Вавилоонһоо, Кутааһаа, Аввааһаа, Хамаатһаа, Сэпарваһиимһээ израильшуудай ажаһууһан Самариин тосхонуудта ба хотонуудта нүүлгэн абаашаба. Тэдэнэр Самариин орон нютагай бүрин эрхэтэ эзэд боложо, тэндэхи хотонуудта болон тосхонуудта ажаһуужа эхилбэд.

Эстээр 10:1

Тэрэ үедэ эзэн хаан Ахашвероош ниислэл хотоһоо гадуур оршодог, далайн эрьеэр, аралнуудаар ажаһуугша зониие бултыень оруулан, улас түрын бүхы эрхэтэдһээ албан татабари татаха тухай захирба.

Псалманууд 68:22

Эдеэн гэжэ намда хоро үгэнэ. Ангажа байхадам, уксус уулгана.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 10:20

Израилиин үлдөөсэ зоной, Яковай удамай үлөөшэдэй өөһэдыень хюдааша үндэһэ яһатанда бэшэ түшэхөө болихо сагынь дүтэлжэ байна. Тэдэ зүб лэ Эзэндэ, Израилиин арюун Бурханда, түшэглэн этигэжэ эхилхэ.

Исай 10:9

Калноо ба Кархэмииш, Хамаат ба Арпаад хотонуудые би диилэн абаа һэм. Самари ба Дамааскые диилээ һэм.

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 19:21

Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 19:22

Эзэн Египедэй зониие хэһээхэ, хэһээгээшье хадаа эдэгээхэ. Тэдэнэй Өөртэнь хандахада, Эзэн гуйлтыень дуулажа, эдэгээхэл.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 22:6

Элаам нютаг ороной зон номо һаадагаа абажа, мори унан, тэргэлэн, ерэбэ. Киир орон нютагай сэрэгшэд бамбайнуудаа байлдаанда бэлдэбэ.

Исай 24:15

Дорно зүгэйхид, Эзэндэ алдар соло дуудагты! Далайн эрьеэр ажаһуугшад, Израилиин Эзэн Бурханай нэрые алдаршуулагты!

Исай 37:31

Иудын уг удамай амиды үлэгшэд дахин доогуураа үндэһэлэн, дээгүүрээ үрэ жэмэс гаргаха юм.

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 42:12

Холын орон нютагуудаар ажаһуугшад Эзэн Бурханда магтаал, алдар соло үргэг лэ!

Исай 42:4

Тэрэ зүрхэ алдахагүй, урма зоригоо хухархагүй, дэлхэй дээрэ зүб шударга гурим тогтоохо. Холын нютагууд Тэрэнэй хуулиие найдан хүлеэнэ.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Ерэмияа 25:25

Зимриигэй, Элаамай, Мидиин бүхы хаашуулда;

Ерэмияа 31:10

Эзэн тунхаглана: Үндэһэ яһатад, Намайе шагнагты, алас холын эрьенүүдээр үгыем соносхогты. Би Израилиин арад түмэниие тараагаа һэм, теэд Бил тэдэниие суглуулхаб. Хонишоной хонин һүрэгөө хамгаалдаг мэтэ Би тэдэниие хамгаалхаб.

Ерэмияа 44:1

Египедэй орон нютагта, Мигдоол, Тахпанхээс, Ноот болон Патроос хотонуудта ажаһуудаг иудей зон тушаа Эзэн намтай хөөрэлдөө бэлэй.

Ерэмияа 49:23

Эзэнэй Дамааск тушаа айладхаһаниинь энэ: – Хамаат болон Арпаад хотонуудта зон хүлгэнэнэ, һанаагаа зобоно. Юуб гэбэл, тэдэ муу һураг суу дуулаа. Һанаагаа зобоһондоо тэдэ далайдал адли таһалгаряагүй бурьялна.

Эзэкээл 27:6

Башаанай сарса модоор һэльбэнүүдыеш хээ. Киттиимһээ асарагдаһан нарһан модоор шалануудшни хэгдэжэ, заанай һоёогоор гоёогдоо.

Эзэкээл 29:14

Түрэһэн нютаг руунь, Египедэй урда зүгэй Патроос руу, тэдэниие асархаб. Гэбэшье тэдэ дорой байдалтай хан түрэ зандаа байха.

Эзэкээл 30:14

Патроос хотые һандаргахаб, Цооһаниие галдахаб. Ниислэл хото Тэбээс мүн лэ һандаргагдаха.

Эзэкээл 32:24

Элаамай сэрэгшэдэй хүүрнүүд мүн лэ тэндэ байна. Тэдэ бултадаа дайн дажарта алуулаа, бурхангүй үхэлэй орон руу доошолон буугаа. Амиды мэндэ байхадаа тэдэ зониие ехэ айлгадаг бэлэй, харин мүнөө үхэнхэй, бузарлагданхай хэбтэнэ.

Эзэкээл 38:8

Хэдэн жэлэй үнгэрөөд байхада һандарһан Израилиин газар дайда руу добтолон орохыетнай Би захирхаб. Удаан сагта тэрэ газар хооһон байгаа, харин мүнөө ажаһуугшадынь хариин оронһоо һөөргөө бусаа. Мүнөө Израилиин арад зон амгалан тайбан өөрын хада уулаар ажаһууна.

Даниил 1:2

Иудын хаан Ёякиим хааниие барихыень, Һүмын үнэтэ тахил табагуудые дээрмэшэлэн абахыень Эзэн Бурхан тэрээндэ зүбшөөжэ, Навуходоносор Шинаар руугаа бусахадаа, тэдэ үнэтэ тахил табагуудые өөрынгөө бурханай үргөө соо оруулба.

Даниил 11:18

Удаань хойто зүгэй хаан далайн эрьеэр ажаһуудаг олон арадуудые диилэн, газарынь эзэмдэн абаха. Харин нэгэ сэрэгэй ноён тэрэниие бута сохижо, бардамлаха сагынь болюулха.

Даниил 8:2

Элаам газар нютагта оршодог Сүүзэ гэдэг хэрэм соо байнаб гээд үзэгдэл харабаб. Улай гэдэг уһан татуурай хажууда байна хэбэртэйб.

Һошээ 1:11

Иудын болон Израилиин улад зон хамтаржа, өөһэдтөө нэгэ удамаршые шэлэжэ табиха, өөрын газар уһанда бусаха. Энэ болбол Езрээлэй агууехэ үдэр болохо!

Һошээ 11:10

Минии арад түмэн хойноһоом дахан ябаха. Арсаландал Би архиран, дайсадынь һүрдөөхэб. Минии арад зон баруун зүгһөө шэшэрэлдэн бусаха.

Һошээ 11:11

Тэдэ шубуудтал адли хөөрсэгэнэн-шэшэрэн, Египедһээ, тагтаануудтал Ассириин газарһаа бусаха. Тиихэдэнь Би тэдэниие гэр руунь оруулан һуурижуулхаб. Энэ болбол Би, Эзэн, айладхана мүн!

Михей 7:12

Ассириһээ, Египедһээ, Вавилоонһоо улад зон энэ үдэр таанад руу ерэхэл.

Цэпаанияа 2:11

Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Захарияа 5:11

Тэрэ намда иигэжэ хэлэбэ: – Шинаар орондо тэрээндэ һүмэ бариха юм. Бэлэн болоходонь, тэрэ эхэнэртэй амһарта һууридань һуулгаха.

Захарияа 8:7

Түмэн Сэрэгтэ Эзэн иигэжэ айладана: «Харагты, Би Өөрын арад түмэниие наранай мандаха газарһаа ба наранай шэнгэхэ газарһаа абарха гэжэ байнаб.

Захарияа 9:2

Тиир, Сидоон шэнги Хадраах оронтой хилэ нэгэтэй Хамаат тээшэ Тэрэнэй нюдэн баһал хандана.

Римэйхиндэ 11:15

Тэдэнһээ арсахадаа, Бурхан бусад арадуудтай эбгүй байһанаа эбтэй эетэй болоо. Харин Бурханай еврейнүүдые ойртуулбалнь, юун болохоб? Тиигэбэл үхэһэн хүнүүдэй амидырһантай адли байха!

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Коринфынхидтэ 2-дохи 3:16

Зүгөөр тэрэ хушалта хүнэй Эзэндэ хандаһан лэ сагтань абтажа хаягдадаг.

Хуули дабталга 9:29

Тииһээ тиитэрээ тэдэ – Танай арад, Танай хуби, асари ехэ хүсөөрөө, агууехэ шадалаараа тэдэниие Египедһээ гаргаат».