Исай 10:6 - Библи

⁶ Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 10:6 Referencias Cruzadas

2 Хаан түрэнүүд 22:43

Газарай шорой тооһон мэтээр тэдэниие һагшааб, гудамжын шорой мэтээр бажуугааб, дэбһээб.

4 Хаан түрэнүүд 18:25

Тиигээдшье би Эзэнэй зүбшөөлгүйгөөр энэ газарта дайлаха гэжэ ошохо һэн гүб? Үгы ааб даа. Энэ орон нютагта ошожо, һандарал ушаруулха тухайм Эзэн Өөрөө намда захираал!

Исай 19:17

Иудын газар дайда Египедэй зондо айха зүйл болохо. Иудын хан түрэ тушаа Түмэн Сэрэгтэ Эзэнэй тогтооһон шиидхэбэриие һанаха бүридөө тэдэ шэшэрэлдэн айхал.

Исай 22:5

Энэ болбол Үзэгдэлэй Нюрууда эхи эмхигүй үймөөнэй, хүл хөөрсэгэнөөн, һамараанай болохо үе сагые Түмэн Сэрэгтэ Эзэн тодорхойлон, маанад руу эльгээ! Хотын хэрэм хананууд эбдэгдэжэ, «абарыт!» гэһэн хашхараан хада уулаар сууряатана.

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 33:1

Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 41:25

Хойто зүгтэ байдаг хүниие шэлээб, зүүн зүгһөө тэрэ Минии нэрэ дуудаа! Шабар мэтээр тэрэ удамаршадые гэшхэнэ, вааршанай шабар гэшхэдэг мэтээр.

Исай 49:17

Шамайе һэргээн бодхоохо арад зоншни шам руу шамдаха, харин шамайе һандаргагшад, хооһологшод шамһаа холодон ошохо.

Исай 49:25

Эзэн иигэжэ айладхана: «Тиимэ юумэн боложо болохо! Баряанда абтаһан сэрэгшье баатарһаа буляагдаха, хархис хаанай олзошье буляагдаха. Эдэ бүгэдые Би хэхэб! Би шинии дайсадтай тэмсэжэ, үхи хүүгэдыешни абархаб».

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 5:29

Дайсанай сэрэгшэд залуу арсалан мэтэ архиржа, олзоо шүүрэн абахадань, хэншье буляан абажа шадахагүй.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Исай 63:3

Эзэн иигэжэ харюусана: «Би шахуурга соо гансаараа хүдэлөөб, арадуудһаа хэншье Намда туһалаагүй. Би уур сухал дундаа тэдэниие гэшхэхэдээ, шуһаарнь бүхы хубсаһаа муухайдааб.

Исай 63:6

Уур сухал дундаа Би үндэһэ яһатадые дэбһэжэ хюдааб. Тэдэнэй шуһа газар руу адхаа бэлэйб».

Исай 7:17

Гэбэшье Иудын хан түрэһөө Эпрааимай таһарһан сагһаа хойшо үзэгдөө-харагдаагүй гай гасаланта үдэрнүүдые Эзэн таанадта, улад зондотнай, гэр бүлэдэтнай тохон тохёолдуулхань. Тэрэ юун бэ гэхэдэ, Ассириин хааниие Тэрэ асархань.

Исай 8:4

Юуб гэхэдэ, энэ үхибүүнэй «аба, эжы» гэжэ хэлэжэ һуратар Дамааскын бүхы эд баялиг болон Самариин бүхы олзо Ассириин хаанай болохо.

Исай 8:8

Тэдэ Иудын хан түрын газараар үер мэтэ дэлгэржэ, хүзүү хоолойдонь хүрэтэрөө, шэнгээхэ болотороо тулаха, бүхы газарыень эзэлхэ. Далинуудынь шинии бүхы газар дээгүүр далбаатай байха, Эммануил!»

Исай 9:17

Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Исай 9:19

Түмэн Сэрэгтэ Эзэнэй уур хилэн газар дэлхэйгээр хаа-хаанагүй бушаганаха, зониие шатаан һалгааха, хэншье хэнииешье хайрлахагүй.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 3:10

Эдэ бүгэдын удаа Иуда, Израилиин этигэл найдабаригүй эгэшэ, бүхы зүрхэ сэдьхэлээрээ Намда эрьен ерээ бэшэ, харин худал хуурмаг шэг шарай үзүүлнэ. Энэ болбол Би, Эзэн, айладхал буулгана мүн!

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Эзэкээл 29:20

Минии захиралтануудые дүүргэһэнэйнь түлөө Би тэрээндэ Египедые дамжуулхаб. Энэ болбол Би, Эзэн Бурхан, айладхаа мүн!

Эзэкээл 38:12

Хэзээ нэгэтэ һандаранхай байгааша хотонуудаар улад зониие дээрмэшэлхэш. Хариин гүрэнүүдээр ажаһуужа байһанаа дэлхэйн эгээл шухала уулзуур болохо Израиль руу тэдэ бусажа, малтай, эд зөөритэй болонхой.

Эзэкээл 38:13

Шэбаа болон Дэдаанай, мүн тиихэдэ Таршиишэй наймаашад шинии тала бариха. Израильһаа сэрэгэйтнай дээрмэшэлһэн алта мүнгэ, мал, эд зөөриин хуби тэдэ абахаяа һанаха.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Аввакуум 1:12

Эзэмни, Та эртэ урда сагһаа хойшо Бурхан бэлэйт. Та минии нангин болон мүнхэ Бурхан мүн. Эзэмни, Хамгаалагшамни, Та маанадые хэһээхыень тэдэниие асараат.

Захарияа 10:5

Тэдэ гудамжын тооһондо дайсанаа дэбһэн гэшхэхэ шадалтай. Байлдаанда ороходоо, морито сэрэгые бута сохихо, юуб гэхэдэ, Эзэн тэдээнтэй суг хамта оролсохо.

Матвей 15:7

Хоёр нюуртан! Таанар тухай лүндэншэ Исай үнэн сохомые уридшалан хэлээ һэн лэ: