Исай 10:3 - Библи

³ Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 10:3 Referencias Cruzadas

Эхин 31:1

Лаваанай хүбүүд хоорондоо иигэжэ хөөрэлдэдэг болобо: – Яков гээшэ эсэгымнай хамаг зөөри түрижэ абаа. Манай эсэгын баялигаар тэрэ өөдэлбэ. Яков иимэ үгэнүүдыень дуулахаһаа гадна

4 Хаан түрэнүүд 7:15

Тэдэнэр Иордан ошохо замдаа яаралтайгаар тэрьедэһэн Араамай сэрэгшэдэй хаяһан хубсаһан болон зэр зэбсэгүүдэй газарта хэбтэхые харабад. Тэдэнэр Самаридаа бусажа, бүхы хараһан юумэнүүдээ хаандаа хөөрэбэд.

Иоов 31:14

хожомынь Тэрэнэй хэрэг шүүлгэдэ ошохо нюургүй болоноб.

Һургаал 11:4

Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 17:4

Эзэн иигэжэ айладхана: «Яковай алдар солын буураха, баялигынь хожоржо, үгытэй ядуу болохо сагынь дүтэлжэ байна.

Исай 20:6

Тэрэ үе сагай морилходо, далайн эрьеэр ажаһуугшад иигэжэ хэлсэхэ: «Маанадта туһалха, Ассириин хаанһаа абарха гэжэ бидэ тэдэ орон түрэнүүдтэ найдажа, гуйхаяа гүйдэлөөрөө ошодог бэлэйбди. Теэд харыт, манай найдаха юумэн үгы болоол! Яажа абарагдаха гээшэбибди?»

Исай 26:14

Мүнөө тэдэ эзэд үхэнхэй, дахин амидырха бэшэ. Тэдэнэй һүнэһэншье дахин эрьехэгүй. Ушарынь гэхэдэ, Та тэдэниие хэһээн һалгаагаат. Хэншье тэдээн тушаа һанахагүй.

Исай 26:21

Гэм хэһэнэйнь түлөө дэлхэйн зониие хэһээхэеэ Эзэн Өөрынгөө огторгойн ордонһоо гаража байна. Дэлхэй дээрэ нюусаар хүниие алаһан ушарнууд эли тодо боложо, дахин далдалагдахагүй.

Исай 28:20

Орон богони, һунажа хэбтэхын аргагүй; хүнжэл бага, бэеэ хушахын арагагүй.

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 30:16

Энээнэй орондо таанад дайсадһаа тэрьедэхэеэ, хурдан морёор гүйлгэхэеэ һананат. Моримнай хурдан гэжэ һанахадатнай танһаа хурдан моритой дайсад байхал.

Исай 30:5

ямаршье туһагүй, мүн тиихэдэ эшхэбтэр байдалда оруулһан үндэһэ яһатанһаа тэдэнэр эшэдэг болохо».

Исай 30:7

Египедэй туһа ямаршье ашагүй, хооһон. Тиимэһээ Би «Аюулгүй Рааһаб» гэжэ Египедые нэрлэнэб.

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 39:3

Лүндэншэ Исай Хэзэкияада ерэжэ асууба: – Эдэ зон хаанаһаа зорижо ерээб? Юун гэжэ хэлэнэб? – Тэдэ алас холын Вавилоон оронһоо ерээ, – гэжэ Хэзэкияа харюусаба.

Исай 5:14

Үхэлэй орон тэдэниие хүлеэжэ, амаа үргэнөөр ангайна. Тиишээ тайжанар, юрын зоншье, шууягшад, найрлагшадшье ошохол.

Исай 5:26

Эзэн алас холын үндэһэ яһатаниие урижа, туг үргэхэ, газар дэлхэйн захаһаа ерэхыень тэдээндэ эшхэрхэ. Харыт, тиихэдэнь тэдэ шуумар түргэн ерэхэл!

Ерэмияа 22:7

Тус тустаа өөрын зэр зэбсэгтэй һүйдхэгшэдые Би тэрээн руу табихаб. Тэдэ Ливаанай эрхим хуша модоор дархалһан баханануудыень тайража, гал руу хаяха.

Ерэмияа 4:30

Һандаргагдаһан Иуда, ши яахабши? Юундэ шад улаанаар хубсалнабши? Юундэ алта шэмэглэлээр бэеэ гоёожо, нюдөө будажа байнабши? Ши дэмыл өөрыгөө гоёонош: амарагуудшни шамайе хаяжа, алахаяа бэлдэжэ байна.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 9:9

Иимэ зүйлэйнь түлөө Би тэдэниие хэһээхэгүй юм гүб?! Иимэ арад түмэнһөө үһөөгөө абахагүй юм гүб?! Энэ болбол Би, Эзэн, айладхаа мүн!

Һошээ 5:13

Израиль үбшэ хабшангаа ойлгоходоо, Иуда шарха ярануудаа харахадаа, Ассири руу ошожо, асари ехэ хүсэ шадалтай хаанһаа туһа эрибэ. Теэд тэрэ танай шарха, үбшэнгые эдэгээжэ шадахагүй.

Һошээ 9:5

Эзэниие магтан дуулаһан һайндэрнүүдэй үедэ таанад юу хэхэбта?

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Амоос 5:19

Хүнэй арсаланһаа зугадан гүйжэ байхада урдаһаань баабгай дайралдаһандал, гэр руу гүйжэ ороод, ханада гараараа хүрэхэдэнь, могой тэрэниие хадхаһандал,

Михей 7:4

Тэдэнэй эгээл эрхимынь болон зүб шударгань адаалхай һөөг мэтэ хэндэшье хэрэггүй. Лүндэншэдөөр дамжуулан һэргылһэн тэрэ үдэр – Эзэнэй заларан, арад зониие хэһээхэ үдэр болохонь. Тиимэһээ мүнөө тэдэ зон хүл алдан үймэжэ байна.

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Лука 19:44

тиигээд өөһэдыетнай, үри хүүгэдыетнай хюдажа, хотыетнай һандаргажа, үнэһэн тоборог болгохо. Юундэб гэхэдэ, Бурханай шамайе абарха гэжэ ерэһэн саг мэдэнгүй бшууш, – гэжэ хэлэбэ.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.