Исай 10:1 - Библи

¹ Үнэн зүб бэшэ хуулинуудые зохёодог, буруу шиидхэбэринүүдые бэшэдэг таанадта гай гасалан тудаха!

Исай 10:1 Referencias Cruzadas

3 Хаан түрэнүүд 21:13

Хоёр этэгээдүүд урдаһаань хараад һуужа, «Набоот Бурханиие болон хааниие хараана» гэжэ худалаар хардан, зоной дуулахаар хэлэбэ. Тиигээд Набоодые хотоһоо гаргаад, үхэтэрынь шулуугаар сохибо.

Псалманууд 58:2

Бурхамни! Дайсадһаамни намайе абарыт! Урдаһаам һөөргэдэн бодогшодһоо намайе аршалыт!

Египедһээ гаралга 23:3

Үгытэй баяниие харгалзангүй зарга шүүбэри үйлэдэ.

Египедһээ гаралга 23:6

Уг аймагайнгаа үгытэй хүнэй зарга шиидхэхэдээ, үнэн шударга байха хэрэгтэй.

Исай 29:21

Ондоо зониие худалаар хардагшадые, хэрэг шүүгшые мэхэлэгшэдые, зүб шударга зониие худал баримтаар буруутан болгогшодые Эзэн хюдаха.

Исай 3:11

Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 3:14

Эзэн арад түмэнэйнгөө ахалагшадые болон ударидагшадые шүүн, иигэжэ айладхана: «Таанад үзэм жэмэсэй сэсэрлиг хооһоруулаат, үгытэй ядуу зонһоо буляажа абаһан зөөри гэртэтнай байна.

Исай 5:11

Эртэ үглөөнһөө үдэшэ болотор үзэмэй дараһан архи уужа үнгэргэгшэдтэ гай ушарха!

Исай 5:18

Ай даа, худалай аргамжаар өөрынгөө хойноһоо мууе татажа ябаашад, нүгэл шэбэл тэргэдэ хүллөөд, татажа байгаашад гай тодхорто орохо!

Исай 5:23

Эдилгэ абахадаа, гэмтэниие зүб гэһэн шиидхэбэри гаргана, зүб шударга зониие гэмтэй болгоно!

Исай 5:8

Ямаршье зайгүй болотор байшан дээрээ байшан нэмэжэ, таряалан дээрээ таряалан худалдан абажа байгааша таанадта гай тодхор тохёолдохо! Газар дээрэ гансал таанад ажаһууна юм гүт?!

Исай 59:13

Бидэ Танай урдаһаа һөөргэдөөбди, Таниие орхёобди, Танһаа буруу хараабди. Һанаан бодолнай буруу, үгэнүүднай худал.

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Ерэмияа 22:13

Өөрын гэр байрые үнэн сэхээр бэшэ, дээдэ таһалгануудаа үнэн зүбөөр бэшэ баридаг хэн нэгэнтэй, зондо салин хүлһыень үгэнгүй ажал хүүлэдэг хэн нэгэнтэй гай гасалан тохёолдог!

Амоос 2:7

Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Михей 6:16

Омрии хаанай болон Ахаабай бүлынхидэй үйлэ жэшээ даган, зүблэлөөрнь ябанаш, тиимэһээ Би шамда гай һандарал ушаруулжа, ажаһуугшадыеш шоодбори болгохоб. Арад түмэнэйм жэгшүүритэй эшхэбтэр байдал таанад дээрэл бууха».

Аввакуум 2:12

«Шуһа урасхуулан хото баригша, хүсэрхэлөөр һуури табигша абарагдахагүй!»

Аввакуум 2:15

Дүтын хүндэ муу муухай юумэ хүсэн, унда барижа, тэрэниие доромжолхо, баһахаяа һогтоогшо ши абарагдахагүйш!

Аввакуум 2:19

Модоной тайрадаһанда хандан «һэри!» гэжэ, дүлии шулуунда «бодо!» гэжэ хэлэдэг хүн абарагдахагүй. Тэдэ яагаад багша боложо шадахаб? Харыт, тэрэ алта мүнгөөр шэмэглэгдэнхэй, теэд ямаршье амисхал тэрээндэ байхагүй.

Аввакуум 2:6

Дарлагша арадуудынь бултадаа тэрээн тушаа ябаган зугаа, наадалһан дуу дуулаха: «Өөрын бэшэ зөөреэр өөрыгөө баяжуулдаг хүн удаанай гү? Үри зээли арадууд дээрэ тохожо, тэрэ бэеэ зобооно!»

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Матвей 11:21

– Хоразиин хотынхид, таанад уй гашуудал үзэхэт! Бэтсаидаа хотынхид, таанад баһал уй гашуудал үзэхэт! Хэрбээ танай хотонуудта бүтээһэн гайхамшагта хэрэгүүдээ Тиир Сидоон хотонуудта үзүүлһэн байбални, тэдэ хотын зон үни гэһээр Бурханда хандаха һэн. Тэдэнэр хахархай хубсаһа үмдэжэ, тархи дээрээ үнэһэ адхажа, нүгэлнүүдээ гэмшэһэнээ баталха бэлэй.

Матвей 23:23

Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар Бурханда ургасынгаа – халуун үбһэ, укроп, тмин гэхэ мэтын ургамалнуудай – арбанай нэгэ хуби үгэнэт, харин Хуулиин эгээл шухала зүйлнүүд болохо зарга шүүбэри, үршөөл хайра, этигэл найдабари тоонгүй орхибот. Эдэ зүйлнүүдые таанад баримталха ёһотой байгаат, мүн арбанайнгаа нэгэ хубиие Бурхандаа үгэжэл байха ёһотойт.

Матвей 23:27

Хуули заадаг багшанар, фарисейнүүд, таанад гашуудал үзэхэт! Хоёр нюуртан! Таанар сагаан будагаар шэрдэһэн агы нүхэн хуурсагуудта адлит: газаа талаһаа гоё һайханаар харагдаашье һаа, досоогоо үхэһэн хүнэй яһануудаар, элдэб бузарнуудаар дүүрэшэһэн байдаг.

Матвей 23:29

Хуули заадаг багшанар, фарисейнүүд, таанад гашуудал үзэхэт! Хоёр нюурта таанад! Лүндэншэдтэ үзэсхэлэнтэ гоё субаргануудые баринат, үнэн зүбтэнэй шулуун хүшөөнүүдые шэмэглэнэт.

Матвей 26:24

– Хүн түрэлхитэнэй Хүбүүн Нангин Бэшэг соо хэлэгдэһэнэй ёһоор үхэхэ. Харин Тэрээниие барижа үгэһэн хүн аймшагтай гай зоболон амсаха: тэрэ хүнэй юрэдөө түрөөгүй һаань, өөртэнь һураггүй дээрэ байха һэн.

Лука 11:52

Хуули заадаг багшанар, таанад гашуудал үзэхэт! Таанад эрдэм ухаанай ордондо орохо үүдэнэй түлхюур абаһан аад, тэндэ өөһэдөөшье ороогүйт, орохо гэһэн хүнүүдтэшье һаалта хээт, – гэжэ зэмэлбэ.

Иоанн 19:6

Теэд түрүү санаартан, харуулшад Иисүүсые хараад: – Хэрээһэндэ хада, хэрээһэндэ хада! – гэжэ хашхаралдаба. – Өөһэдөө барижа, хэрээһэндэ хадагты! Би зэмэлхэ юумэ олоногүйб, – гэжэ Пилат хэлэбэ.

Иоанн 9:22

Хүбүүнэй түрэлхидынь юундэ тиигэжэ харюусааб гэбэл, еврейнүүдэй ахамадуудһаа айгаа. Ушарынь хэлэбэл, Иисүүсые Бурханай табисуурта гэжэ тоолодог хүн бүхэниие мүргэлэй гэртэ оруулхагүй гэһэн шиидхэбэри тэдэ ахамадууд гаргаад байгаа.

Иудын хандалга 1:11

Тэдэнэр Хаяанай замаар ябана, Балаһаамда адли алта мүнгэндэ шунан, зониие буруудхана, Коорахта адли зүрюу зан гаргаад, хосорно. Тэдэнэр гай зоболон амсахал.