Исай 1:7 - Библи

⁷ Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 1:7 Referencias Cruzadas

2 Угай бэшэг 28:5

Араамай сэрэг тэрээндэ добтолон диилэжэ, олон зонииень баряанда туужа, Дамааск руу абаашаба. Мүн Израилиин хаанда тэрэ диилдэжэ, һамна бута сохюулба.

Исай 1:8

Үзэм жэмэсэй сэсэрлигэй хооһон талмай дээрэ ори гансаараа үлэһэн харууһалагшын урса гэрхэн мэтэ, ургасын таряалан дээрэ үлэгшэ үбһэн отог мэтэ Сионой басаган бүһэлэгдэн, ори гансаараа үлэбэл.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 34:9

Эдоомой голнууд дабирхай боложо, хүрьһэтэ газарынь шатажа байһан хүхэр болон хубилха. Иигэжэ энэ орон нютаг шатажа байһан дабирхайдал адли болохо.

Исай 49:19

Һандараа, хооһороо газаршни, орон нютагшни дээрмэдүүлэгдээ! Харин мүнөө олон зонһоо боложо уйтан болохо, шамайе мүлжэжэ байгаашад холодон ошохо.

Исай 5:17

Зон хони малаа хаяад, баряанда туугдан ошохо, тиихэдэнь хонидынь эзэгүй өөһэдөө тараха, баяшуулай орхиһон гэрнүүдэй дундуур эшэгэд бэлшэхэ.

Исай 5:9

Түмэн Сэрэгтэ Эзэн эли тодоор намда: Гэрнүүд олон, гэбэшье тэдэ хооһорхо. Мантан, һайхан байшангууд хүнгүй үлэхэ.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 64:10

Танай нангин хотонууд хооһон сүл губи болоо. Сион сүл губи болоо. Иерусалим эзэгүйрөө.

Исай 9:18

Зоной муу муухай ябадал гал мэтэ соробхилжо, үүргэнэ болон хадхуурта һөөгүүдые шатаана. Энэ хадаа ойн шэрэнгэ хүрэтэр носожо, дээшээ утаан бахана мэтэ хөөрэнэ.

Исай 9:5

Тулалдаанда сэрэгшын үмдэдэг сабхи, шуһанда зуураһан хубсаһаниинь галда шатаагдаха.

Ерэмияа 2:15

Дайсадынь залуу арсалангууд мэтэ тэрээн руу хэрхиржэ, газар дайдыень зэлүү хооһон болгоо. Хотонуудынь һандаргагданхай, нэгэшье хүн тэндэнь ажаһуунагүй.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 44:6

Тиимэһээ Би Иудын хан түрын хотонуудта болон Иерусалимай үйлсэнүүдтэ уур хилэнгээ адхажа, тэдэниие шатаагааб. Тэдэ һандарал болон эзэгүй хооһон болоо, мүнөөшье болотор тиимэ байһаар.

Ерэмияа 6:8

Иерусалим! Ухаа орыш! Үгы һааш, Би шамһаа буруу хаража, хэнэйшье ажаһуудаггүй хооһон газар шамайе болгохоб», – гэжэ Тэрэ айладхана.

Ерэмияа 7:34

Энэ газар ханха зайдан болохо. Иудын хотонуудаар болон Иерусалимай үйлсэнүүдээр зугаа нааданай, баяр баясхалангай абяа дууе, түрэ найрай жаргалтай абяа Би таһалдуулхаб!

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Эзэкээл 25:4

Тиимэһээ Би мүнөө зүүн зүгэй обогуудта таанадые диилдүүлхэб. Тэдэ хотон хүреэнээ газар уһан дээрэтнай табиха, үрэ жэмэсыетнай эдихэ, һүыетнай ууха.

Эзэкээл 30:12

Нил мүрэниие хатаахаб, муу муухай зоной мэдэлдэ Египедэй газар уһа дамжуулхаб. Хариин зониие эльгээжэ, газарыетнай зэлүүд хооһон болгохоб. Энэ болбол Би, Эзэн, айладхана мүн!

Һошээ 7:9

Хариин арад зон хүсэ шадалынь һалгаажа байна. Теэд тэдэ ойлгоногүй. Тэдэнэй үһэн сайшоо, теэд тэдэ тэрэнээ мэдэнэгүй.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Левит 26:34

Тэрэ сагта газартнай амарха. Дайсадай газарта байхадатнай газар хүрьһэнтнай амарха.

Михей 5:11

Газар дайдыншни хото һууринуудые үгы хэхэб, бүхы бүхэлэлтэнүүдыеш унагаан һандаргаахаб.

Михей 6:13

Тиимэһээ Би һандарал, үгырэл асаран, шамайе, хото, нүгэлэйшни түлөө хэһээхэб.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 28:43

Таанадай дунда байдаг ерүүл зон һархайн, таанадые зонхилжо, дээгүүртнай гэшхэжэ гаражал байха, тиин таанад доошоо унажал байхат.

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».