Исай 1:6 - Библи

⁶ Толгойһоо эхилээд, хүлэй ула хүрэтэр танай бэедэ элүүр энхэ газар үгыл. Шахаагүй, боогоогүй, эм дом түрхеэгүй шарханууд, шулгархай, яранууд лэ байна.

Исай 1:6 Referencias Cruzadas

2 Хаан түрэнүүд 14:25

Бүхы Израиль соо хаанашье Абшалоомтой адли тиимэ һайхан гэжэ магтуулха хүн байгаагүй. Толгойһоо хүлэй ула хүрэтэр тэрээндэ өө мөө үгы һэн.

Иоов 5:18

Тиигэжэ үбэдхөөдэг ба шархые боожо үгэдэг. Тэрэнэй мутарһаа гэмтээд, Тэрэнэй хүсөөр эдэгэһэн мэтэ болодог.

Псалманууд 77:2

Амаа нээхэдээ һургаалта үгэнүүдые хэлэхэб, эртэ урдын нюусануудые дуугархаб.

Исай 30:26

Һара, нарандал адли ялагар шанга гэрэлтэй болохо, наран хэмһээ долоо дахин ялагар хурса болохол. Эзэнэй арад түмэндөө ушаруулһан гай гасалангай дүүрэжэ, шархануудайнь эдэгэжэ эхилхэдэ, эдэ бүгэдэ тохёолдохо.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Ерэмияа 30:12

Эзэн арад зондоо иигэжэ айладхана: Шархатнай эдэгэшэгүй, гэмтэһэнтнай угаа хүндэ.

Ерэмияа 30:15

Гэмтэһэн тухайгаа бэшэ бү гомдол баригты, үбшэнтнай эдэгэшэгүй. Гэм зэмэтнай угаа ехэ, нүгэлтнай тоолошогүй олон, тиимэһээл Би таанадые хэһээгээб.

Ерэмияа 33:6

Теэд Би энэ хотые болон ажаһуугшадыень аргалхаб, элүүр энхэ болгохоб. Амар амгалан байдал, аюулгүй байдал тэдээндэ үршөөхэб.

Ерэмияа 6:14

Арадаймни хүндэ шархануудай багахан шулгархай байһан мэтэ тэдэ хайша хэрэгээр тэрэнииень эмшэлнэ. «Бүхы юумэн һайн» гээд тэдэ хэлэнэ. Теэд һайн юумэн үгы!

Ерэмияа 6:7

Хабсагайда сабшан бүтээгдэһэн амһарта соо уһанай хододоо шэнэлэгдэн байдагтал, хото соо шэнэ муу муухай ябадал хододоо болон байна. Хүсэрхэл болон һандарал тухай мэдээнүүд тэндэһээ дуулдана. Минии хараха юумэн гэхэдэ, гансал үбшэн болон шарханууд.

Наум 3:19

Шархыеш эдэгээхэ эм дом байхагүй, яра шархаш угаа үбшэнтэй. Шамтай ушарһан гай гасалан тушаа дуулаһан лэ хүн бүхэн баясажа, альгаа ташаха! Юуб гэхэдэ, шинии муу муухай хэрэгүүд бүхы зониие дайраа!

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Матвей 9:12

Иисүүс тэдэнэй хэлэһые дуулаад, иигэжэ харюусаба: – Элүүр уладта эмшэн хэрэггүй, харин үбшэн хүнүүдтэ хэрэгтэй юм.

Лука 10:34

Шархыень улаан архяар угаагаад, тоһо түрхин уяба, элжэгэндээ һуулгажа, зоной буудаг газарта абаашаад, тэрэ хүнөө харууһалжа хонобо.