Исай 1:5 - Библи

⁵ Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 1:5 Referencias Cruzadas

4 Хаан түрэнүүд 1:13

Хаан гурбадахи табинайнгаа даргые табин сэрэгшэдтэйнь хамта тэрээндэ эльгээбэ. Тэрэ дарга үндэрлиг өөдэ гаража, Элияагай урда үбдэглэн һуугаад: – Бурханай хүн! Минии ба танай барлагуудай – энэ табин зоной ами наһые хайрлыт!

2 Угай бэшэг 28:22

Гай гасаланта үе сагай тохёолдоодшье байхада Ахааз хаан Эзэнэй урда гэм зэмэ хэһээр зандаа байба.

Нэхэмьяа 9:34

Манай хаашуул, удамаршад, санаартад, мүн манай эсэгэнэр Танай Хуули дүүргэдэггүй байгаа. Танай тэдээндэ заабарилһан зарлигуудыетнай болон һургаал заабаринуудыетнай бэелүүлхые тэдэ оролдоогүйл.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 31:6

Израилиин улад зон, таанад Эзэн Бурханаа орхижо, ехэ нүгэл хээт, гэбэшье һөөргөө Тэрээндээ бусыт!

Исай 33:24

Манай газарта ажаһуудаг зоной нэгэнииньшье үбшэ хабшанби гэжэ гомдожо байхагүй, эндэ амидардаг бүхы зоной нүгэл арюудхагдаха юм.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 13:23

Эфиоп хүн арһаа, ирбэс толбонуудаа һэлгэжэ шадаха гү? Мууе үйлэдэжэ һураһан таанадшье тэдээндэл адли һайниие хэжэ шадахагүйт.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Ерэмияа 2:30

Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Ерэмияа 44:15

Хариин бурхадта һамгадайнгаа үргэл хэдэгые мэдэдэг үбгэдынь, олон тоото эхэнэрнүүд, Египедтэ, Патроосто һуудаг хамаг зон намда иигэжэ хэлэбэ:

Ерэмияа 5:3

Оо, Эзэн! Зоной Танда үнэн сэхэ байхые хүсэнэт. Танай тэдэниие сохиходо, тэдэ һэншье гэнэгүй. Танай тэдэниие хэһээхэдэ, тэдэ һургаал абахаяа татагалзана. Тэдэ үсэрхэжэ, нүгэлөө мэдэрхэһээ арсана.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 5:5

Удамаршадта ошожо, тэдэнтэй хөөрэлдэхэм. Тэдэ, сохом, Эзэнэй эрилтэ мэдэдэг, юу хэхыень Бурханай хүсэдэгые ойлгодог ёһотой» – гэжэ һанаа һэм. Теэд тэдэ бултадаа Эзэнэй эрхэ мэдэл буруушааба, үгыень дуулахаяа арсаба.

Ерэмияа 9:3

Татаһан һурша ном мэтэ худал хэлэтэйл тэдэ. Энэ газар нютагта худал үгэ үнэн сэхэһээ хүсэтэй болоо. «Минии арад муу муухай юумэ хойно хойноһоо үйлэдэнэ, Намайе Бурхан гэжэ тооногүй», – гээд Эзэн айладхана.

Гашуудал 5:17

Тиимэһээ зүрхэмнай муудажа, хараамнай һуладажа байна.

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Эзэкээл 34:4

Һуларһан хонидто тэнхээ оруулаагүйт, үбшэн үлбэрыень эмшэлээгүйт, гэмтэһэниие боожо байгаагүйт. Таанад тэдээндэ хайра гамгүйгөөр хандаат.