Исай 1:28 - Библи

²⁸ Буһалгаалагшад, нүгэлтэй зон усадхагдаха, Эзэниие мартагшад һалаха.

Исай 1:28 Referencias Cruzadas

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

2 Угай бэшэг 21:10

Тиигээд лэ эдоомууд иудынхидһаа таһараад, мүнөө болотор мэдэлдэнь ороогүй юм. Тиихэдэ Либнаа мүн лэ Иораамай эсрэг буһалгаалба, юуб гэхэдэ, Иораам үбгэ эсэгэнэрэйнгээ Эзэн Бурханиие орхёод байгаа бшуу.

2 Угай бэшэг 28:23

Тэрэ иигэжэ хэлэгшэ һэн: – Дамааскын бурхад Араамай хаашуулда туһалаа, минии тэдээндэ үргэл үргөө һаа, тэдэ намдашье туһалха. Иигэжэ тэрэ өөрыень дайлажа байгааша Дамааскын бурхадта үргэл үргэдэг байба. Гэбэшье энэнь өөртэнь болон Израилиин бүхы улад зондо гай тодхор ушаруулба.

2 Угай бэшэг 28:6

Израилиин Рэмаалияагай хүбүүн Пээкаа нэгэ үдэр Иудын зуун хори мянган сэрэгшые бута сохёо бэлэй. Юуб гэбэл, тэдэ үбгэ эсэгэнэрэйнгээ Эзэн Бурханиие орхёо бшуу.

Иоов 34:26

Олоной урда гэмтэниие усадхадаг.

Иоов 34:27

Тиимэ хүнүүд зааһан замһаань хадууржа, хэлэһэн үгыень тоонгүй,

Псалманууд 1:6

Юуб гэбэл, Эзэн зүб шударга зоной замые хинадаг, харин хорото муу зон үхэлэй харгыгаар шэглэдэг.

Псалманууд 104:35

Тиигээд тэдэнэй бүхы ногооень, таряалангайнь бүхы ургасые эдин һалгааба.

Псалманууд 125:5

Нёлбоһо урасхуулан үрэ таряашад баяртай ургаса хуряаха юм.

Псалманууд 5:6

Һайрхадаг зон урдаһаатнай хаража шадахагүй, муу муухай хэрэг үйлэдэгшэдые Та үзэн яданат,

Псалманууд 9:5

Иигэжэ Та минии заргалдаан, шүүхын хэрэг шиидхээт, сэнтиидээ залараат, Үнэн шударга шүүгшэ!

Һургаал 29:1

Хүжүүндээ найраад, зэмэлэл шагнадаггүй хүн нэгэ үдэр гэнтэ бусалтагүй унана.

Исай 1:4

Ай, халаг, таанад нүгэлтэй арад, гэм зэмэтэйт, муу зоной үринэр, муухай хүүгэдта! Эзэниие буруушаажа, Израилиин Нангин Арюуниие орхибот, Тэрээнһээ буруу харабат.

Исай 24:20

Газар дэлхэй архинша мэтэ гуйбалзан найгана, үхибүүнэй үлгыдэл һэнжэлзэнэ. Нүгэл хилэн дээрэнь улам хүндэ боложо байна, тиимэһээ газар унажа, дахин хэзээдэшье бодохогүй!

Исай 30:13

Энэ нүгэл хадаа үндэр ханада бии болоһон хэмхэрэл, гэнтэ, хараа байса хамхаран унаха ханын нүхэн мэтэ таанадта болохо.

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Исай 50:11

Гал түлижэ, гартаа гал баряад ябааша таанад! Өөрын галай гэрэл соо, өөһэдын носоогшо галаа барин ябыта, хамаагүй! Минии гар таанадта иимэ юумэ ушаруулха: таанад зобожо хэбтэхэт!

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Исай 64:6

Бидэ бултадаа бузартай зүйлнүүдтэ адли болообди, бидэнэй һайн хэрэгүүд муухай болоһон хубсаһандал адли. Набша мэтэ хатажа байнабди, гэмтэ хэрэгүүднай һалхин мэтэ маанадые тууна.

Исай 65:11

Харин Намайе тоонгүй, Нангин уулыем мартан, Гаад болон Мени гэдэг бурхадта зальбарагша таанадта

Исай 66:17

Эзэн иигэжэ айладхана: «Гахайн мяха, хулгана болон бусад бузартай юумэ эдидэг, ой модондо ошожо, шүтэн мүргэдэг зон бултадаа хосорхо.

Исай 66:24

Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 44:12

Египедэй орон нютаг руу ошожо ажаһуухаяа һанааша Иудын хан түрын үлэһэн зон Египедэй газар дайдада хосорхо: бага, ехэшье зон дайн дажарта туража үхэхэ. Үзэмжэгүй муухай тэдэ болохо, зон тэдэниие баһаха, нэрыень хараал мэтээр дурдадаг болохо.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.

Пётрой 2-дохи хандалга 3:7

Харин мүнөө оршожо байһан огторгой дэлхэй хоёр галда һүнөөлгэхын тула тэрэл Бурханай үгөөр хадагалагдана. Тэдэнэр Бурханиие буруушааһан хүнүүдэй шүүбэрилүүлжэ хосорхо Зарга шүүбэриин үдэрэй ерэтэр хадагалагдажа байха.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

1 Хаан түрэнүүд 12:25

Хэрбээ муу юумэ хээ һаа, таанадшье, танай хааншье усадхагдахат, – гэжэ хэлэбэ.