Исай 1:27 - Библи

²⁷ Үнэн шударга хэрэгүүдээрээ Иерусалим абарагдаха, гэмшэжэ, гэмээ мэдэрһэн зон үнэн зүб хэрэгүүдээрээ өөһэдтөө абарал буулгаха.

Исай 1:27 Referencias Cruzadas

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 5:16

Харин Түмэн Сэрэгтэ Эзэн үнэн зүбөөр хэрэгүүдые шүүжэ үргэмжэлэгдэхэ, Арюун Бурхан үнэн шударгаараа нангин арюунаа харуулха.

Исай 51:4

Минии арад түмэн, айладхалыем шагнагты! Минии улад зон, Нам руу анхаралаа хандуулагты! Арадуудта хуули ёһо тунхаглажа, тэдээндэ гэрэл болгон, Өөрын һургаал тогтоохоб.

Исай 52:3

Эзэн иигэжэ айладажа байна: Богоол байдалда ороходотнай ямаршье мүнгэн таанадай түлөө түлэгдөөгүй бэлэй. Таанадые сүлөөлхэдэ тон тиимээр ямаршье мүнгэн түлэгдэхэгүй.

Исай 54:14

Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 63:4

Өөрын арад түмэниие абарха, дайсадыень хэһээхэ саг ерээ гэжэ шиидэбэб.

Һошээ 2:19

Израиль, шамайе хэтэ мүнхэдөө Өөрын һамган болгохоб, Би шамда үнэн сэхые, шударга зүбые, хайра дурые, энэрхы сэдьхэл бэлэглэхэб.

Михей 6:5

Минии арад түмэн! Моһаабай хаан Балаагай юу хэхэеэ түсэблэжэ байһые, Бэһоорой хүбүүн Балаһаамай тэрээндэ юун гэжэ харюусаһые, Шиттиимһээ Гилгаал хүрэтэр юун боложо байһые һаныш даа. Минии зүб хэрэгүүдые ойлгохын тула эдэ бүгэдые һана!»

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.