Исай 1:23 - Библи

²³ Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 1:23 Referencias Cruzadas

2 Угай бэшэг 36:14

Иудын удамаршад, санаартад, улад зон тойрон ажаһуугша ондоо арадуудай жэгшүүритэй муухай жэшээ даган, нүгэлөө олошоруулба, Иерусалимда Эзэнэй Өөрөө арюудхаһан Һүмые бузарлаба.

Египедһээ гаралга 23:8

Эдилгэ бү аба. Эдилгэ хадаа нюдэтэй хүниие һохор болгодог ба үнэн гэршэлэлгые хүсэгүй болгодог.

Һургаал 17:23

Шударга байдалые забхайруулхын тулада муу хүн эдилгэ үбэртэлжэ ябадаг.

Һургаал 29:24

Хулгайшантай хамтарагша бэедээ дайсан болоно. Хараал дуулаашье һаа, тэрэ абяагүй һуудаг.

Исай 1:17

Һайн хэрэгүүдые хэжэ һурагты. Үнэн зүбөөр хэрэг ябуулагты: дарлалта доро байгаашада туһалагты, үншэн хэнзые аршалагты, бэлбэһэн эхэнэрые үмэглэгты».

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Исай 1:22

Иерусалим, хэзээ нэгэтэ мүнгэн мэтэ толоржо байһанаа мүнөө жэбэр болоош. Урдандаа үзэмэй дараһан архи мэтэ аад, мүнөө гансал хара уһандал адли болобош.

Исай 28:14

Эндэ, Иерусалимда, арад зониие ударидажа байгааша бардам зантай удамаршад, Эзэнэй айладхал шагныта!

Исай 3:14

Эзэн арад түмэнэйнгөө ахалагшадые болон ударидагшадые шүүн, иигэжэ айладхана: «Таанад үзэм жэмэсэй сэсэрлиг хооһоруулаат, үгытэй ядуу зонһоо буляажа абаһан зөөри гэртэтнай байна.

Исай 30:1

Эзэн иигэжэ айладхана: «Үгыем дууладаггүй Иудын хан түрын ударидагшадтай гай гасалан тохёолдохо! Тэдэ Намгүйгөөр зүбшэнэ, хүсэлдэм харша холбоо тогтооно. Иигэжэ тэдэ нүгэл дээрээ нүгэл хэнэ.

Исай 33:15

Зүб шударга ябажа, үнэн сэхые хэлэгшэд, дарлалта доро байһан зонһоо мэхээр эдилгэ абахаһаа зайсагшад, улаан шуһа урдахуулхаяа гү, али үшөөшье ондоо муу хэрэг хэхэеэ байгааша зонһоо холодон ябаашад амиды мэндэ үлэхэл.

Исай 5:23

Эдилгэ абахадаа, гэмтэниие зүб гэһэн шиидхэбэри гаргана, зүб шударга зониие гэмтэй болгоно!

Исай 65:2

Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Ерэмияа 22:17

Теэд ши гансал өөрынгөө аша туһа харанаш. Гэм зэмэгүй зониие аланаш, зониие харшалан, дарлан байнаш.

Ерэмияа 32:32

Иудын хан түрын болон Иерусалимай улад зон хаашуултаяа, удамаршадтаяа, санаартадтаяа, лүндэншэдтэеэ хамта муу муухай хэрэгүүдые үйлэдөө.

Ерэмияа 4:17

Талын харуул мэтэ тэдэ Иерусалимые тойрон бүһэлжэ байна, юундэб гэхэдэ, Иерусалимай арад зон Эзэнэй урдаһаа тэршэлэн бодоо. Иигэжэ Эзэн айладханал.

Ерэмияа 5:5

Удамаршадта ошожо, тэдэнтэй хөөрэлдэхэм. Тэдэ, сохом, Эзэнэй эрилтэ мэдэдэг, юу хэхыень Бурханай хүсэдэгые ойлгодог ёһотой» – гэжэ һанаа һэм. Теэд тэдэ бултадаа Эзэнэй эрхэ мэдэл буруушааба, үгыень дуулахаяа арсаба.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Эзэкээл 12:2

– Хүнэй үри Эзэкээл! Үгэ дууладаггүй зоной дунда ажаһуунаш. Тэдэ нюдэтэй аад, юушье харадаггүй, шэхэтэй аад, юушье дууладаггүй, юуб гэхэдэ, үгэ дуулахаяа һананагүй.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Һошээ 4:18

Шал һогтуу боложо, тэдэ забхай зальхай ябадал гаргана. Эшхэбтэр муухай байдалда тэдэ дуратай.

Һошээ 5:10

Иудын ноёд Израилиин газар уһанай хилын тэмдэгүүдые хүдэлгэжэ, газар өөһэдтөө хулгайлан абана. Тэдээндэ уурлажа, уур хилэнгээ уһан мэтэ тэдээн дээрэ адхахаб.

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Амоос 5:12

Гэмтэ хэрэг хэды олоор хэһыетнай, нүгэл шэбэлэйтнай угаа хүндые мэдэнэм. Зэмэгүй хүниие харшалнат, эдилгэ абанат, ядуу зониие буруу шүүбэрилнэт.

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Михей 3:9

Израилиин удамаршад, Яковай гэр бүлын толгойлогшод, энээниие шагныта! Таанад шударга ёһые үзэн ядадаг, сэхэ юумэ гажаадагта.

Михей 6:12

Ушар юуб гэхэдэ, хотын баяшуул хүсэрхэл хаа-хаанагүй хэрэглэнэ, ажаһуугшадынь худал хэлэнэ.

Михей 7:3

Муу муухай хэрэгүүдые хэхэдээ гарнуудынь һурамхи. Дарга эдилгэ абана, шүүгшэ хахуули абажа шүүбэри хэнэ. Хүндэтэй зон зоргоороо хэхэ юумэеэ хэжэ, хэрэг муудхаана.

Захарияа 7:10

Бэлбэһэн болон үншэдые, ерүүл хүниие болон ядуушуулые бү дарлагты. Зүрхэ сэдьхэлдээ нэгэ нэгэндээ муу юумэ түсэблэжэ болохогүй.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Тоололго 22:7

Моһаабай болон Мидианай аха захатан эльбэ жэльбын түлөө түлбэри баряад, Балаһаамда ерэжэ, Балаагай захяа дуулгаба.

Матвей 21:13

Тиигээд тэдэндэ: – Минии гэр мүргэлэй гэр гээд нэрлэгдэхэ гэжэ Нангин Бэшэг соо хэлээтэй байдаг. Харин таанад энэ гэр дээрмэшэдэй шэбээлдэг үүр болгожорхёот, – гэбэ.

Марк 11:17

– «Минии гэр бүхы арадуудай мүргэл зальбаралай гэр гэжэ нэрлэгдэхэ», – гэжэ Нангин Бэшэг соо бэшээтэй байдаг. Харин таанад энэ гэр дээрмэшэдэй шэбээлдэг үүр болгожорхёот, – гэжэ Иисүүс хэлэбэ.

Лука 19:46

– Нангин Бэшэг соо Бурхан: «Минии гэр мүргэлэй гэр байха ёһотой», – гэжэ хэлэнэ. Харин таанад энэ гэрые дээрмэшэдэй шэбээлдэг үүр болгожорхёот! – гэжэ зэмэлбэ.

Лука 24:27

Тиигээд Моисейһээ эхилээд, бүхы лүндэншэдэй Өөр тухайнь Нангин Бэшэг соо хэлэһэн зүйлнүүдые тэдэ хоёрто тайлбарилжа үгэбэ.

Хуули дабталга 16:19

Тэдэ хуули гурим хазагайруулха, нюур илгажа байха ёһогүй. Эдилгэ бү аба, юуб гэхэдэ, эдилгэ хадаа сэсэн хүниие һохор болгодог, үнэн шударга хүниие худалша болгодог.

Яковай хандалга 1:27

Үншэн үхибүүдтэ, бэлбэһэн эхэнэрнүүдтэ туһалха, юрын байдалаар өөрыгөө бузарлахаһаа болгоомжолхонь лэ Эсэгэ Бурханда һайшаагдадаг һүзэг һүлдэ мүн.

1 Хаан түрэнүүд 8:3

Харин хүбүүдынь эсэгынгээ замаар ябаагүй, эдилгэ тээшэ эрьежэ, бэлэгүүдые абан, ёһо гурим хазагайруулдаг байба.