Исай 1:18 - Библи

¹⁸ Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Исай 1:18 Referencias Cruzadas

Иоов 9:33

Зүгөөр хэншье бидэ хоёрой дунда зууршалан гараа табихагүй.

Псалманууд 51:7

Харин Бурхан шамайе үгы болоторшни һалгааха, Тэрэ шамайе майханһаашни гаргажа хаяха, амидын газарһаа шамайе үндэһөөршни һуга татаха.

Псалманууд 51:9

«Харыт, Бурханиие өөрын хорохо газар гэжэ тэрэ тоодоггүй байгаа, өөрын баян бардамда найдажа, гэм зэм хэжэ, баяжажа байгаа».

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 3:13

Эзэн зарга мэдүүлхэеэ бодожо, арадуудые шүүхэеэ зэһэбэ.

Исай 41:1

Эзэн Бурхан иигэжэ айладхана: – Холын нютагууд, абяа шэмээгүй болоод, Намайе шагнагты! Хамта ерэжэ, хэрэгээ шүүхэдэ хөөрэжэ үгыт.

Исай 41:21

Зарга хэрэгээ хэлэгты гэжэ Би, Эзэн, Яковай Хаан, үндэһэ яһатадай бурхадта айладханаб. Шанга баримтануудаа асарагты!

Исай 44:22

Би шинии хилэнсэгые манан мэтээр, нүгэлыешни үүлэн мэтээр тунаан һалгаагааб. Би болбол танай Абарагшаб, Нам руу эрьегты!»

Исай 50:8

Бурхан минии хажуудахана байна. Тэрэ минии гэмгүй байһые элирхэйлхэ. Хэн намайе гэмнэхэ һанаатайб? Хамта зарга шүүхэдэ ошоё! Хэн намтай заргалдаха түсэбтэйб? Хамта шүүбэрилэгшын урда зогсоё!

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Ерэмияа 2:5

Эзэн иигэжэ айладхажа байна: Таанарай үбгэ эсэгэнэр Намда ямар буруу юумэ олоһондоо Намһаа холодон, өөдэгүй хооһон шүтөөнүүдтэ һүгэдэжэ, өөһэдөө өөдэгүй юумэд болобоб?

Эзэкээл 18:27

Харин муу зон һайн хэрэг үйлэдэжэ эхилбэл, абарагдаха.

Эзэкээл 33:16

Нүгэлынь арюудхагдаха, һайн, үнэн юумэ тэрэ хэжэ эхилээ, тиимэһээ амиды мэндэ байха.

Михей 6:2

Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.

Хэрэгүүд 17:2

Павел урдынгаа заншалаар тиишэ орожо, гурбан субботын туршада Нангин Бэшэгһээ жэшээнүүдые дурдан,

Хэрэгүүд 18:4

Павел еврейнүүдыешье, грегүүдыешье этигүүлхэеэ оролдон, суббото бүхэн мүргэлэй гэртэ номнодог һэн.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.

1 Хаан түрэнүүд 12:7

Тиимэһээ мүнөө бодогты. Таанарта болон танай үбгэ эсэгэнэртэ Эзэнэй хэһэн бүхы үршөөл хайра тухай би Тэрэнэй урда таанадтай заргалдахамни.