Исай 1:16 - Библи

¹⁶ Бэеэ угаагты. Өөһэдыгөө сэбэрлэгты. Минии хаража байһан муу муухай үйлэ хэрэгүүдээ орхигты. Мууе үйлэдэхөө болигты.

Исай 1:16 Referencias Cruzadas

4 Хаан түрэнүүд 17:13

Эзэн Өөрынгөө бүхы лүндэншэдээр ба абаралдагшадаар уридшалан дамжуулжа, израильшуудта ба иудынхидтэ иигэжэ айладаа юм: – Бусагты, муу замһаа зайсагты! Минии захяа заабариие сахигты! Би таанадта үбгэ эсэгэнэртэтнай үгэгшэ Һургаал заабаринуудаа Өөрынгөө барлаг лүндэншэдээр дамжуулааб. Минии айладагша захяа заабаринууд тэрэ Һургаал соо байха.

Псалманууд 26:6

Тиихэдэнь тойроод байгаа дайсад дээгүүр би үргэмжэлэгдэн, майхан соонь баясан, үргэл болон магтаал үргэхэб, Эзэндэ магтаалнуудые дуулахаб.

Псалманууд 34:14

Тэдэнэй анда нүхэр, аха дүү шэнги байгааб, эхынгээ хойноһоо гашуудажа байһандал толгойгоо гунхылган бархиран ябааб.

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Һургаал 4:27

Зүүн, баруун тээшээ годиронгүй яба, хорон мууһаа зайлажа яба.

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 25:5

Эзэнэй та бүгэдэндэ болон үбгэ эсэгэнэртэтнай хэтэ мүнхэдөө үгэһэн газар нютагта саашадаашье ажаһуухынтнай тула ажабайдалай муу замһаа, хэдэг бузар муухай үйлэ хэрэгүүдһээ таанадай буруу харан ошохо тухай тэдэ хэлээ һэн.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Амоос 5:15

Муу муухайе зайлуулагты, һайнда дурлагты, зарга шүүхэдэ зүб шударга ёһо гурим бата һуурижуулагты! Тиигэбэлтнай, Түмэн Сэрэгтэ Эзэн Бурхан Иосифой үри таһардаһанай үлдөөсые хайрлан үлөөжэ магад.

Иона 3:8

Зон гашуудалай шэрүүн бүд хубсаһа үмдэг, мүн мал иимэ бүдөөр хушагдаг, Бурханда хандан, бии шадалаараа зальбараг, хүн бүхэн гэмтэ ябадал, буруу хэрэгүүдые хэхэеэ болиг.

Захарияа 13:1

Тэрэ үдэр Давидай гэр бүлынхидтэ, Иерусалимай оршон һуугшадта шэнэ булаг урдаха. Тэрэ булаг нүгэл наманшалхын ба бузар арилгахын түлөө дэлбэрхэ.

Захарияа 7:7

Эзэн бүри үни Иерусалимда дүүрэн зон ажаһуужа, тэрэ хотын хүгжэн һалбаржа байха сагта урданай лүндэншэдөөр дамжуулан энээнииел айладаа бэшэ юм гү? Хотые тойроод, сүл губидахи урда орондо, хадын баруун хормойдо, доро газарта амитан зоной олоороо һуужа байхада, тунхаглаһан үгэнь иимэ бэшэ аал?

Матвей 3:8

Таанар буянтай һайн юумэ бүтээжэ, Бурханда хандаһанаа харуулагты.

Хэрэгүүд 22:16

Тиихэдээ юундэ удааржа байнабши? Бодоод, Эзэнэй нэрэ алдарые дуудан, уһаар арюудхуулаад, нүгэл шэбэлээ арилга».

Римэйхиндэ 12:9

Хүнүүдтэ үнэн зүрхэнһөө дуратай байгты; нүгэлтэ юумэнүүдһээ зайсагты; үлзы дэмбэрэлтэй юумэндэ эрмэлзэжэ байгты.

Коринфынхидтэ 2-дохи 7:1

Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Яковай хандалга 4:8

Бурханда дүтэлэгты, тиихэдэтнай Тэрэ танда ойртохо. Нүгэлтэн, ажамидаралаа арюудхагты; билдагуушад, зүрхэ сэдьхэлээ арюудхагты.

Пётрой 1-дэхи хандалга 2:1

Худалаар хэлэхэеэ, нүгэл хэхэеэ болигты, хүнэй нюур бү харагты, хүндэ бү атаархагты, худалаар бү гэршэлэгты.

Пётрой 1-дэхи хандалга 3:11

Тэрэ хүн дорой юумэнһээ буруу хаража, һайн һайханиие үйлэдэг, эб эеые бэдэрэн һэдэжэ, энхэ тайбан байдалые найруулжа байг.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.