Исай 1:15 - Библи

¹⁵ Таанадай гуйжа гараа үргэхэдэ, Би харангүй байхаб. Хэдышье зальбараа хадатнай, Би шагнахагүйб. Юуб гэхэдэ, гартнай шуһанда зуурагданхай.

Исай 1:15 Referencias Cruzadas

3 Хаан түрэнүүд 8:22

Соломоон Израилиин улад зоной хараһаар байтар Эзэнэй үргэлэй шэрээгэй урда зогсоод, гараа дээшэнь һунгажа,

3 Хаан түрэнүүд 8:54

Соломоон Эзэндэ эдэ бүхы зальбарал гуйлта хэхэдээ, Эзэнэй үргэлэй шэрээгэй урда үбдэг дээрээ, гараа огторгой руу һунгаад мүргөө бэлэй. Зальбарһанай удаа тэрэ бодобо.

Эзраа 9:5

Үдэшын үргэлэй болоходо, би гэмшэжэ һууһанаа бодожо, дотор гадаргүй хахархай хубсаһатай, үбдэг дээрээ һэхэржэ һуугаад, гарнуудаа өөдэнь һарбайжа, Эзэндээ, өөрынгөө Бурханда зальбарбаб,

Иоов 27:20

Тэрэ үедэ үерэй уһан мэтэ айдаһаниинь нэмэрин ерэжэ, хүсэтэ шуурганда харанхыгаар туугдаһан мэтэ болохо.

Иоов 35:13

Түгэс Хүсэтэ Бурхан хүнүүдэй гуйлтые хэрэгсээдэггүй.

Псалманууд 134:2

Эзэнэй үргөө соо, маанадай Бурханай үргөөгэй хашаа дотор зогсогшод,

Псалманууд 55:1

[Дуунай бүлэгэй хүтэлбэрилэгшэдэ: холодо эмэ тагтаагай аниргүй байгаа тухай. Пилиштын зоной Гаадта Давидые бариха үедэ тэрэ энээниие бэшээ бэлэй.]

Египедһээ гаралга 9:29

– Хотоһоо гаран сасуу Эзэн тээшэ гараа дэлгэн дэехэдэм, тэнгэриин дуу сахилгаан, аадар мүндэр тэрэ дары болихо, газар дэлхэйдэ гансал Эзэн гэжэ мэдэхыншни түлөө тиимэ үйлэ болоно.

Һургаал 1:28

Тэрэ үедэ намайе дуудахада, харюу байхагүй. Тэдэ намайе бэдэрхэдээ, олохогүй.

Һургаал 6:17

ехэрхүү хараса, худалша хэлэн, гэмгүй хүнэй шуһа урадхуулдаг гарнууд,

Исай 4:4

Өөрынгөө галта хүсөөр Эзэн Сионой басагадһаа муу муухайень шүүбэрилэн угааха, Иерусалимые шуһанһаань сэбэрлэхэ.

Исай 45:15

Өөрынгөө арад түмэниие абарагша Бурхан, Израилиин Бурхан, Өөрыгөө нюудаг Бурхан юм Тэрэ!

Исай 58:4

Масаг барихадаа таанад хүсэтэй боложо, хэрэлдэжэ, наншалданат. Иигэжэ масаг баринабди гэжэ байхадатнай Би таанадай гуйлтануудые дуулаха ааламби?

Исай 58:7

Үлэсхэлэн хооһонтой эдеэ хоолоо хубаалдан, орохо гэргүй ядуу зониие гэртээ оруулагты. Хубсаһагүй зониие харабал, хубсалуулагты, түрэлхидтөө туһалагты.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 8:17

Эзэн Өөрынгөө арад түмэнһөө хоргодоо-хороо, гэбэшье би Тэрээндэ этигэнэб, Тэрээндэл найданаб.

Ерэмияа 11:11

Тиимэһээ Би, Эзэн, тэдэнэй зугадажа шадахын аргагүй гай тодхор тэдээн руу шэглүүлхэб гэжэ соносхоноб. Намһаа туһа эрин тэдэнэй хашхаралдахада, Би дуулахагүйб!

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Эзэкээл 11:6

Таанад энэ хото соо угаа олон зониие алаат, тиимэһээ үйлсэнүүд үхэһэн хүнэй бэеэр дүүрэнхэй.

Эзэкээл 14:3

– Хүнэй үри Эзэкээл! Эдэ зон зүрхэ сэдьхэлээ онгонуудта зорюулжа, гэмтэ зам шэлэнхэй. Тиигээд мүнөө болоходо тэдээндэ зүбшэл үгэхэ гэжэ Намайе һанана гү?

Эзэкээл 39:23

Минии урда нүгэлтэй байһандаа израильшууд сүлэгдөө гэжэ хариин зон ойлгохо. Би тэдээнһээ буруу хаража, дайсадай добтолон орон хюдахыень зүбшөөгөө һэм.

Һошээ 5:6

Эзэндэ хони, үхэр тахил болгон үргэхэеэ тэдэ ошохо, Эзэниие бэдэрхэ, теэд олохогүй. Эзэн тэдээнһээ холодоо.

Михей 3:4

Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.

Захарияа 7:13

«Минии дуудахада, тэдэ дуулаагүй һэн. Тэрээн шэнги харюудань тэдэнэй дуудахада, Би дуулахагүйб.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 6:7

Зальбархадаа, ши онгондо мүргэгшэ хүнүүдтэл адляар дэмы үгэнүүдые бү шаша. Тэдэ үлүү үгэтэн олон табые шашахадаа, онгонуудтаа дуулдахабди гэжэ һанадаг ха юм.

Иоанн 9:31

– Теэд Бурхан нүгэлтэнэй хэлэһые дууладаггүй, харин Бурханиие хүндэлдэг, дура хүсэлыень бэелүүлдэг хүнүүдые дууладаг гэжэ бидэ мэдэнэбди.

Тимофейдэ 1-дэхи 2:8

Бурханда өөрыгөө зорюулһан хүн бүхэнэй ямаршье газарта уур сухалгүйгөөр, хэрүүлгүйгөөр гараа өөдэнь һарбайгаад, зальбаржа байхыень хүсэнэб.