Исай 1:11 - Библи

¹¹ Тэрэ иигэжэ айладхана: «Танай эды олон үргэл Намда хэрэгтэй бэшэл. Хусын түгэс шатаалта үргэлдэ, тарган тобир малай өөхэндэ үни хада саданхайб. Бухын, хурьга, ямаанай шуһаншье Намда хэрэггүй.

Исай 1:11 Referencias Cruzadas

Псалманууд 40:6

Харин дайсадни нам тушаа иигэжэ муу юумэ хэлсэнэ: «Тэрэ хэзээ үхэжэ, нэрэнь дурдагдахаяа болихо гээшэб?».

Псалманууд 50:8

Харин Та сэдьхэлэйнгээ гүндэ үнэн байхые хүсэдэгта, Өөрын сэсэн мэргэн ухаае намда үзүүлээт.

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 21:27

Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

Һургаал 21:3

Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Ерэмияа 7:21

Израилиин Бурхан, Түмэн Сэрэгтэ Эзэн иигэжэ айладана: Израилиин арад түмэн, таанад түгэс шатаалта үргэл хэдэгта, тиихэдэ үшөө үлэһыень өөһэдөө эдихэдэ хамаагүй үргэл гэдэг байнат. Бултыеньшье эдиит!

Һошээ 6:6

Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Амоос 4:5

Эһэһэн талхаар талархалай үргэл үргэгты, һайн дуранай үргэлнүүд тухайгаа шангаар хашхаран тунхаглыт. Израилиин улад зон, таанад энээндэ дуратай бэшэ аалта?! гэжэ Эзэн Бурхан айладхажа байна. –

Амоос 5:21

Танай һайндэрнүүдые үзэн яданаб, жэрхэнэб, баярайтнай үргэлэй утаа үнэрдэхөө һананагүйб!

Амоос 5:22

Түгэс шатаалта үргэлнүүдые Намда үргэнэт, теэд Би таанарай үргэл тоохогүйб. Эрхим малаа үүсэлнэт, теэд Би энээниие харахаашье һананагүйб.

Михей 6:7

Теэд Эзэндэ хэдэн мянган хуса, гол мэтэ дууһашагүй оливын тоһо абаад ошоошье һаам, Тэрээндэ энэ һайшаагдаха гү? Нүгэлөө наманшалхаяа ууган хүбүүгээ үргэхэ гүб?

Хаггай 2:14

Хаггай харюудань иигэжэ хэлэбэ: – Энэ арад зон иимэл даа. Минии харахада тэдэ иимэ, – гэжэ Эзэн тунхаглажа байна. – Тэдэнэй хэһэн юумэн булта тиимэ. Тэдэ юу үргэнэб, тэрэнь бузартай.

Захарияа 7:5

– Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Малаахи 1:10

«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.

Матвей 22:4

«Найрай хоол мүнөө бэлэн болоо; шахамалнууд гаргаатай, бүхы юумэн түхеэрээтэй байна; түрэдэ хүрэжэ ерэгты», – гэһэн мэдээсэлтэйгээр хаан дахин ондоо зарасанараа урилгатай айлшадта эльгээбэ.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.