Исай 1:10 - Библи

¹⁰ Иерусалим, удамаршад ба улад зонтнай Содом болон Гоморрын зондо адлил. Эзэнэй таанадта буулгаһан айладхал соносогты! Бурханайнгаа һургаал анхарагты!

Исай 1:10 Referencias Cruzadas

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Исай 28:14

Эндэ, Иерусалимда, арад зониие ударидажа байгааша бардам зантай удамаршад, Эзэнэй айладхал шагныта!

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Исай 30:9

Юуб гэбэл, тэдэ буһалгаата арад, худалша зон, Эзэнэй һургаал шагнахаяа арсагшад.

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Ерэмияа 23:14

Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Эзэкээл 13:2

– Хүнэй үри Эзэкээл! Минии бэшэ, өөһэдын үгэнүүдые хэлэжэ, лүндэн табижа байгааша худал лүндэншэдые гэмнэн хэлэ. Минии, Эзэнэй, үгэ дуулахыень баадха.

Эзэкээл 16:35

Эзэн иигэжэ айладхана: – Янхан эхэнэр Иерусалим, Минии айладхал шагна!

Эзэкээл 16:46

Шамһаа хойшоо зүгтэ һууринуудтаяа хамта оршогшо Самари болбол шинии эгэшэ мүн, шамһаа урагшаа зүгтэ һууринуудтаяа хамта оршогшо Содом болбол дүүшни мүн.

Эзэкээл 16:49

Содом дүүшни басагадтаяа хамта дээрэлхүү зантай, элбэг дэлбэг эдеэ хоолтой, амгалан тайбан байдалтай байһан аад, ядуу байдалтай, үгытэйшүүлдэ туһалдаггүй һэн.

Амоос 3:1

Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!

Амоос 3:8

Арсаланай архирхада хэн айхагүйб?! Эзэн Бурханай айладхахада хэн лүндэн табингүй байхаб?!

Амоос 9:7

Эзэн иигэжэ айладана: Израильшууд, таанар Намда Күүшэй зондол адлит. Египедһээ израильшуудые, Каптоорһоо Пилиштын арадые, Киирһээ араамшуудые асараа һэм.

Михей 3:1

Би иигэжэ хэлэбэб: Яковай гэр бүлын толгойлогшод, Израилиин удамаршад, шагныта! Зүб, бурууе таанар мэдэнэбди гэжэ һананат.

Римэйхиндэ 9:29

«Хэрбээ Һүр хүсэтэй Эзэн маанадта энэ жаахан үлэгдэл үлөөгөөгүй һаань, бидэ Содомдол адли һүнөөгдэхэ, Гоморродол адли усадхагдаха байгаабди», – гэжэ баһал Исай лүндэншэн уридшалан хэлэнэ.

Хуули дабталга 32:32

Дайсад Содом болон Гоморродол адли забхай, һальхай, хорото гашуун жэмэстэй уһан үзэмэй эшэ мэтэл.

Гэршэлгэ 11:8

Тэдэнэй үхэһэн бэень Содом гү, али Египедтэл адли муу суутай хотонуудай нэгэ тон ехэ хотын гудамжада хэбтэхэ. Тэрэ хотодо мүн тэдэнэй Эзэн хэрээһэндэ хадагдажа саазалуулаа.