Иоов 9:26 - Библи

²⁶ Хүнэй амидарал гээшэ уһан дээгүүр һолжорһон хулһан онгосонууд мэтэ, олзодо шунаһан бүргэдэй дайраад гараһан мэтэ нюдэ сабшаха зуурын хэрэг.

Иоов 9:26 Referencias Cruzadas

2 Хаан түрэнүүд 1:23

Саул ба Ёнатаан, эгээл дуратайнууднай, эгээл һайханууднай, амиды сагтаа хамта, наһа барахадаашье тэдэ һалаагүйл! Тэдэ бүргэдһөөшье хурдан, арсаланһаашье хүсэтэй бэлэйл.

Һургаал 23:5

Баялигаа һайнаар харажашье үрдеэгүй байтаршни тэрэшни үгы болошоод байха: эд баялигта дали ургадаг, тэнгэри өөдэ дүүлиһэн бүргэд мэтэ ниидэжэ арилшаха.

Исай 18:2

Хулһан онгосонуудаар элшэнэр эльгээгдэнэ. Хурдан элшэнэр, үндэр нюргатай, мэлигэр арһатай арад руу шамдыт! Тэрэ арадһаа бүхы зон айдаг. Хүсэтэй, шанга арад зон бүгэдые диилэдэг, орон нютагынь гол мүрэнүүдээр хубаагданхай байдаг лэ.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Аввакуум 1:8

Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.