10 Хүнэй ойлгохын аргагүй үй түмэн гайхамшаг юумэ бүтээжэ байдаг.
Хэн Түгэс Хүсэтэдэ ойртожо шадахаб? Агууехэ хүсэтэй аад, тэрэ хүнүүдые дарладаггүй, үнэн шударгыгаар харилсадаг.
Тэрэ үгэеэ хэлэжэ гайхамшаг хэрэгээ бүтээдэг. Хэн энээниие ойлгожо шадахаб?
Тэрэнэй хэрэгүүд агууехэ, ухаанда орошогүй, гайхамшаг зүйлнүүдынь тоо томшогүй.
Хариин газарта Эзэндэ дуу яажа бидэ дуулахабибди?!
Ноёд һайдта бү этигэгты, хүндэ бү этигэгты, тэрэ абаржа шадахагүй.
Амиды мэндэ байхань болтогой! Шэбаагай алта тэрээндэ асараг лэ! Тэрэнэй түлөө хододоо зальбаржа, үдэр бүри тэрэниие үреэн байхань болтогой!
Үнэндөө Та тэдэнэй харгые халтирхай болгохот, тэдэниие һалгаахат, усадхахат.
Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!
Бурханай хэһэн бүхы юумэн тэрэ сагтаа һайхан байдаг, Бурханай үйлдэһэниие эхинһээнь эсэс хүрэтэр хүнүүдэй ойлгохогүйшье һаань, Тэрэ хүнүүдэй зүрхэндэ эгүүридэ мүнхые байгуулаа.
Хэн Бурханай баян бардамые, сэсэн ухааниие, мэдэрэл ойлгосые хэмжэхэ аргатайб? Хэн Тэрэнэй шиидхэбэриие тайлбарилжа шадахаб? Хэн Тэрэнэй харгы замые ойлгохоб?
Досоомнай хүсэ шадалаа ажаллуулжа, бидэнэй гуйжа хүсэхэ гү, али һанажа бодохоһоо үлүү юумые бүтээхэ аргатай Бурхан алдаршаһай.
