10 Элинсэгүүдэй үлөөһэн ухаанһаа һура.
«Эдэ үбгэд сэсэн һургаал хэлэхэ ёһотой» гэжэ хүлеэһэмни буруу гээшэ ха.
Уһагүй газарта хулһан ургадаггүй. Уһанай шэргэбэл, энэ ургамал үбһэнһөө түргэн хатана.
Бидэнэй мэдэсэ һая түрэһэн хүүгэдэйхи шэнги багахан, һүүдэр шэнги газар дээгүүр үнгэрхэдөө, юушье мэдэнэгүйбди.
Һүнэһэнэйнгөө зайлахадань тэрэ газартаа бусаха, тэрэл үдэртөө бодолынь үгы болодог.
Сэсэн хүнэй сэдьхэлынь амаяа һургадаг, тэрэнэй хэлэһэниинь анхармаар.
Бэрхэ хүн мэдэлгэ эзэмшэдэг. Сэсэн ухаатын шэхэн мэдэлгэ бэдэржэ шагнадаг.
Һайн хүн үнэтэ баялиг сооһоо һайнииень гаргадаг, харин хара һанаатай хүн харата дорой суглуулбариһаа мууень гаргадаг.
Тэдээн тухай хэлэжэ, үхи хүүгэдээ һургагты – гэртээшье һуухадаа, харгыдашье ябахадаа, амаржа байхадаашье, ажал хэхэдээшье.
Үхи хүүгэдтээ энээн тушаа хододоо һануулжа, хэлэжэ байгты. Өөрынгөө гэртэшье һуухадаа, аян замдашье ябахадаа, амаржа байхадаашье, ажал хэжэшье байхадаа энээн тухай хэлэжэ байгты.
Һүзэг этигэлээрээ Аабэл Хаяанһаа үлүү һайн үргэл Бурханда асараа. Бурхан Өөрөө тэрэнэй үргэлые һайшаажа, һүзэг этигэлээрнь Аабэлые үнэн сэдьхэлтэн гэжэ һайшаагаа. Аабэлэй үхэһэншье һаа, этигэл һүзэгынь мүнөө хүрэтэр маанадые һургана.
Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.
